الموضوع: عاوز اشترى تويوتا كورولا 2015 بس انا خايف و محتار .. ارجو الافادة يا شباب

المشاركة الأصلية كتبت بواسطة cadeau

السلام عليكم جميعا :-

انا مقدم علي شراء تويوتا كرورلا 2015 . من السعودية علشان انا مقيم هناك ... ومش عارف هل اختلاف بين السعودي و بين المصري كتيير قصدي من حيث قطع الغيار يعنى لو نزلت بالعربية مصر قطع الغيار الموجودة فى مصر تركب على السيارة الخليجي .

و الاهم بقي اية اللون الى اشترية ؟ انا مختار اوى اوى اوى . خصوصا ان اللون المنتشر هنا الابيض . و دة مشكلة لما انزل مصر علشان طبعا اللون الابيض فى مصر بتاع التاكسي ( كامل الاحترام لهم ) ..

ارجو الافادة يا شباب ضرورى و بسرعة الله يخليكم .

قطع الغيار اكيد المهندسين الكبار هنا هيفيدوك فيها اكتر بالنسبة للون عايز اقولك دى أزواق انا مثلا عجبنى اكتر لون فيها ابيض لؤلؤى اكتر من اى لوون تانى واخويا مش عاجبه اللون وبيتريق وبيقول تاكسيات وبتاع بس اللون الجوكر فيها بصراحة البرونزى وربنا يوفقك للاختيار الصحيح ياباشا انشاء الله ومبروك مقدما .

لو كنت عاوز تبقى متميز فى مصر اشترى الكورولا لان مش كتير ركبنها زى الألنترا بس قطع الغيار اظنها اغلى حسب علمى عن الكورى لو عاوز تبقى زيك زى الناس هات النترا الأثنين نفس المواصفات بس فى فرق سعر لصالح النترا أو اخرج بره هاتين المقارتين واشتري عربية تانية

هي اميد عربيه جميله وانا ف تظري اجمل لونين الابيض والبرونزي
يس لاحظ
الفتيس عندكم ٤ غيار والنسخه المصري بتكون فتيس cvt
النسخه المصري بها اوتو بارك
المصري بها مثبت سرعه اعتقد الخليجي لا يوجد بها
(في كماليات مختلفه اعضاء المنتدي هيفيدوك اكتر مني بالتحديد))
انا لو بره مصر هفكر ف الماذدا بصراحه طول مهي كده كده ٤ غيار
و دي وجهات نظر حضرتك ال تحدد طبعا

شكرا لكل من شارك ....
بس عاوز اوضح امكانيات تويوتا كورولا 2015 فئة GLI..1.16 الى هنا :-
محرك 4 سلندر 1.6 لتر122 حصان
- 16 صمام بنظام VVT-i مزدوج و نظام وقود EFI
- أربع سرعات أوتوماتيكية (فقط)
- كشافات ضباب أمامية
- جنوط ألومينوم مقاس 16 بوصة 205/55R16
- شبك أمامي مطلي بـ الكروم
- شريط حماية جانبي على الابواب مطلي بـ الكروم ( النيكل )
- مقابض أبواب خارجية مطلية بـ الكروم
- مرايا خارجية ملونة بتحكم كهربائي قابلة للطي كهربائيا.
- تحكم بغلق الابواب بباب الراكب الأمامي
- وسائد هوائية أمامية للسائق والراكب
- فرامل مانعة للإنغلاق (ABS) مع مساعد فرامل (BA) وموزع فرامل إلكتروني (EBD)
- شبك أمامي كروم ( نيكل )
- أنوار أمامية هالوجين
- نوافذ بتحكم كهربائي مع قفل مركزي
- نظام دخول مضيئ للمقصورة
- جهاز فتح الأبواب عن بعد
- مقاعد مخمل . عالية الجودة
- حركة كرسي السائق والراكب يدوية بأربع اتجاهات
- الكرسي الخلفي قابل للطي بنسبة 40:60 وقابل للطي
- دواسات أرضية من القماس علي الجودة
- مكيف الهواء اليدوي
- مقود يورثين رباعي الشكل بأزرار تحكم بالنظام الصوتي
- حامل اكواب امامي ثنائي . و خلفي ثنائي
- شاشة تعمل باللمس مع مشغل CD، MP3، MPEG أحادي، و بلوتوث، USB، IPOD، HDMI مع 6 سماعات
- فرش كامل للشنطة الخلفية .
- حساسات خلفية عدد 4 خساسات .
- نظام التشغيل الذكي و الدخول الذكي ( البصمة ) .
-لوحة عداد السرعة اوبتيترون .
.....

ارجو الافادة يا شباب . هيا الفئة دي تساوي اى فئة فى مصر ...... مع ملاحظة ان الاوتوبارك اعتقد مش مهم اوى لانة لا يستعمل فى مصر بسبب ضيق المساحة طبعا .... و كمان فتحة السف هنا على الـ 2000 سي سي ......... الافادة يا شباب اى لون اشترية المتاح هنا (( أبيض - ابيض لؤلؤي (سكري)- كحلي - سماوي -اسود- فراني - فضي )

شكرا يا ابو فاندي . وكل من شارك بس عاوز اعرف اعمل اييييييية انا محتار ومش عارف مين احسن مواصفات السعودية وﻻ مصر

مع كامل الاحترام للفروق المذكورة بس اللى اعرفه ان التويوتا في السعودية وارد اليابان مش تركى و ده ميزة في ان كل المكونات ياباني 100% بما فيها الاكسسوار (يا ريت حضرتك تتاكد بنفسك لزيارة صغيرة لمعارض عبداللطيف جميل عندك)
كمان فيه نقطة لا هي ميزة و لا عيب ان النقلات 4 بس يعنى زى الموديل اللى فات و اللى عمل مبيعات ممتازة و هيبقى زيه بالظبط و مراكز الصيانة هنا عارفاه فهتبقى متصانة حتى لو نزلت بيها هنا
بالنسبة للاتزان فالموديل اللى فات كان اتزانه كويس في الطوالى و المناورات و مش هيفرق جامد وجود نظام اتزان اليكترونى اضافى في مصر طالما نظام التعليق الميكانيكى زى ما هو (تورشن بيم) فماتقلقش من الحتة دى لانى ركبت الكورولا في السعودية لمدة شهر كامل في السفر و جوة المدينة و كانت ممتاز (موديل 2010) اللى هو أساس الموديل الحالي مع بعض التعديل من ناحية الشاسيه.
بالنسبة للون الأبيض فبيكون لؤلؤى يعنى مش زى التاكسى و هو لون حلو جدا و ربنا يوفقك ان شاء الله تشتريها و تبقى مبسوط منها جدا

شكرا يا ا . وليد . على مشاركتك المو ضوع و رايك .... انا زورت عبد اللطيف جميل فعﻻ . التويوتا هنا تجميع تايوان . لكن المواصفات من ناحية اﻻمان ممتازة هنا .