| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
صفحة 1 من 4 1 2 3 4 الأخيرةالأخيرة
النتائج 1 إلى 10 من 35

  1. #1

    الصورة الرمزية borio1704

    رقم العضوية : 105306

    تاريخ التسجيل : 26Jun2011

    المشاركات : 3,844

    النوع : ذكر

    الاقامة : اسكندراني بره مصر

    السيارة: Not Yet

    السيارة[2]: KIA CERATO EX 2014

    الحالة : borio1704 غير متواجد حالياً

    Lightbulb N ولا d ؟؟؟ أيهما أفضل للفتيس الأوتوماتيك في الإشارات؟ - Facebook Twitter whatsapp انشر الموضوع فى :

    hasad">


    الفتيس الأوتوماتيك دلوقتي بقى منتشر أكتر بكتير من زمان.. والحاجة ليه بتزيد خصوصا مع ازدياد الزحام داخل المدن.

    بس الواحد بيسمع من ناس كتير إن لو انت واقف في إشارة المفروض تجيب الوضع N علشان تريح العربية ... وناس تانية بتقوللك لأ.. المفروض تجيب الوضع D علشان تحافظ على الفتيس

    إيه يا عم اللخبطة دي؟؟


    الحقيقة أنا شايف إن اللي بيقول ده أحسن ولا ده أحسن غالبا بيتكلم بناء على حاجة من اتنين:

    - إما إنه شايف إن كده صح نتيجة خبرته أو راحته النفسية..

    - أو يكون سمع الكلام ده من حد تاني.

    بس يمكن لو فكرنا بطريقة تانية.. زي مثلا إننا نعرف ونفهم إيه اللي بيحصل أصلا.. وبعدين نبقى نحكم.


    بصراحة .. ومن المواضيع اللي شفتها على النت.. ما زال الفتيس الأوتوماتيك لحد دلوقتي يعتبر حاجة مبهمة لكتير من الناس.. حتى المتخصصين في السيارات.


    علشان أبقى واضح من الأول... أنا مش خبير في الفتيس الأوتوماتك.. بس بحاول أفهم..



    ملخص الكلام... إن الفتيس فيه مشكلتين أساسيتين:

    أول واحدة: محول العزم



    وبدون الدخول في تفاصيل معقدة... الجزء ده هو بديل الدبرياج في الفتيس المانيوال..

    فكرته الأساسية إنه عامل زي مروحتين قصاد بعض.. واحدة فيها كهربا وشغالة (اللي جاية من موتور العربية).. والتانية مفصولة من الكهربا (اللي رايحة على الفتيس).. بس بتلف بردو علشان تيار الهوا اللي جاي من المروحة المقابلة خلاها هي كمان تلف.



    محول العزم بيستخدم الزيت بدل الهوا... علشان ينقل الطاقة الكبيرة اللي جاية من الموتور ويقدر يحرك وزن العربية.

    في الحالة دي... فيه عمود طالع من الفتيس وراكب في محول العزم... وهو اللي بياخد الحركة من محول العزم إلى الفتيس.


    طيب لو حبينا نجيب الوضع N... هل ده معناه إننا بنفصل العمود ده من محول العزم ؟؟


    أبدا... العمود متعشق باستمرار


    أمال الوضع N ده ازاي بيفصل كل السرعات؟؟

    هي دي تاني مشكلة....


    ببساطة... الفتيس فيه مجموعات كلتش داخلية (Clutch Pack) على كل تعشيقة تروس.




    لما تجيب الوضع D.. بتلاقي واحدة (أو أكتر) من مجموعات الكلتش دي بتتعشق حسب الغيار اللي تم اختياره بناء على دوسة البنزين وسرعة العربية.



    يعني الفتيس الأوتوماتيك فيه مرحلتين كلتش... واحد خارجي (محول العزم).. وواحد داخلي (على كل غيار)


    لما حضرتك بتجيب الوضع N... كل اللي بيحصل إن كل الكلتشات الداخلية بتبقى فاصلة... إنما محول العزم موصل حركة للعمود الرئيسي.. وده ما بيتفصلش.




    نيجي بقى للأضرار اللي ممكن تحصل نتيجة الوقوف في الإشارة على الوضع N....

    ممكن يكون فيه تأثير على مجموعة الكلتش الداخلية الخاصية بالترس الأول أو التاني.. ويحصلهم تآكل على المدى البعيييييييييييد.


    بس لما تيجي تفكر فيها كده... مش الكلتشات دي بتفصل وتعشق بردو طول ما العربية ماشية؟؟؟

    من وجهة نظري... يمكن الاستخدام المفرط في الفصل والتعشيق ممكن يعمل مشاكل... إنما المفروض حسب الاستخدام العادي ما يحصلش حاجة.

    يعني مثلا.. مش كل ما تلاقي العربيات هدت قدامك تقوم جايب N وترجع تجيب D لما السكة تفتح.. ده كده اسمه استخدام مفرط وبدون داعي.



    يعني الاستخدام المفرط هيخلي الألواح الداخلية في مجموعة الكلتشات تتاكل بسرعة


    طيب نيجي للأضرار اللي ممكن تحصل نتيجة الوقوف في الإشارة على الوضع D....


    بصراحة.. أنا شايف الأضرار هنا محسوسة أكتر...

    أولا... محول العزم بيبدأ يفوت الطاقة اللي طالعة من الموتور.. وبالتالي الزيت اللي جواه بيسخن جدا... وده بيأثر على قوة وكفاءة السحب.. وده معناه استهلاك بنزين أعلى.

    ثانيا... الوضع ده بيقصر عمر محول العزم بشدة... نتيجة تزايد معدل التآكل في الريش الداخلية في محول العزم.

    ثالثا... الوضع ده بيعمل مقاومة جامدة جدا على الموتور أثناء التوقف.. والموتور بيحاول يفضل شغال... يعني بتصرف بنزين أكتر بكتير من المعتاد لو انت واقف بدون حمل.

    رابعا... الحمل الزايد ده معناه كمان أحمال مالهاش لازمة على أجزاء الموتور الداخلية وخاصة السبايك .. بالإضافة للإجهاد اللي الزيت بيتعرضله .

    خامسا... أجزاء نقل الحركة بالكامل بتكون مضغوطة وأي رولمان بلي داخلي فيها بيبقى معرض للضغط... بدون داعي.

    سادسا... الفرامل بتتأثر كمان خصوصا لو رجلك بدأت تخف من على الدواسة وبدأت العربية تتحرك... ده معناه احتكاك وتآكل.



    ملخص الكلام...

    لو لقيت إن الإشارة هتطول أكتر من نص دقيقة .. حول على N.



    ...

    لا تُعْطِنِي سَمَكَةً... بَلْ عَلِّمْنِي كَيْفَ أَصْطادُ
    مَثَلٌ صينِيّ
    Trust me, I'm an Engineer
    Ahmed Nabil Al-Bora'ie

    أعشق السيارات.. أحب اليابانية، الكورية... ولا أفضل الأوروبية


  2. #2

    الصورة الرمزية Ahmed_2013

    رقم العضوية : 129855

    تاريخ التسجيل : 01Oct2012

    المشاركات : 32

    النوع : ذكر

    الاقامة : Giza

    السيارة: ريو 2014

    السيارة[2]: لانسر

    الحالة : Ahmed_2013 غير متواجد حالياً

    افتراضي -

    موضوع أكثر من رائع جزاك الله خيراً


  3. #3

    الصورة الرمزية khaled_yehya

    رقم العضوية : 159154

    تاريخ التسجيل : 21Apr2014

    المشاركات : 336

    النوع : ذكر

    الاقامة : Alex-Matrouh

    السيارة: ----------

    السيارة[2]: Peugeot 301 HL

    الحالة : khaled_yehya غير متواجد حالياً

    افتراضي -

    كلام علمى ومنطقى
    شكرا

    (لا إِلَهَ إِلَّا أَنْتَ سُبْحَانَكَ إِنِّي كُنتُ مِنَ الظَّالِمِينَ)


  4. #4

    الصورة الرمزية ahmed_eng2001

    رقم العضوية : 63828

    تاريخ التسجيل : 02Mar2010

    المشاركات : 2,083

    النوع : ذكر

    الاقامة : القاهرة

    السيارة: لانسر بومة 2008

    السيارة[2]: بليزر k5 1980

    دراجة بخارية: no

    الحالة : ahmed_eng2001 غير متواجد حالياً

    افتراضي -

    شرح رائع ... ربنا يباركلك


  5. #5

    الصورة الرمزية الحمادوى

    رقم العضوية : 135058

    تاريخ التسجيل : 16Feb2013

    المشاركات : 52

    النوع : ذكر

    الاقامة : مصر

    السيارة: لا يوجد

    السيارة[2]: فيات

    الحالة : الحمادوى غير متواجد حالياً

    افتراضي -

    بارك الله فيك
    مجهود رائع ومعلومات مفيدة


  6. #6

    الصورة الرمزية Hegazio

    رقم العضوية : 39787

    تاريخ التسجيل : 07May2009

    المشاركات : 3,598

    النوع : ذكر

    الاقامة : 6 أكتوبر

    السيارة: Eclipse-Fluence -Corolla

    السيارة[2]: Civic.felecia.megan.tigo

    دراجة بخارية: no

    الحالة : Hegazio غير متواجد حالياً

    افتراضي -

    احب اشكرك.. و اضيف
    ان لو الاشارة حتقف اكتر من 45 ثانية...اطفي العربية خالص

    To Get The Best In Life
    You Have To Start With Yourself
    And Do Your .. BEST


  7. #7

    الصورة الرمزية ahmedelrayan

    رقم العضوية : 139048

    تاريخ التسجيل : 05Apr2013

    المشاركات : 781

    النوع : ذكر

    الاقامة : giza

    السيارة: كيا سيراتو

    السيارة[2]: دايو لانوس ثم اوبترا

    الحالة : ahmedelrayan غير متواجد حالياً

    افتراضي -

    كل ومواضيعك ممتازة ومفيدة جدا شكرا على الافادة

    لا اله الا انت سبحانك ما شكرناك حق شكرك


  8. #8

    الصورة الرمزية safwat1100

    رقم العضوية : 147768

    تاريخ التسجيل : 26Aug2013

    المشاركات : 120

    النوع : ذكر

    الاقامة : بنها

    السيارة: اوبل فيكترا b2

    السيارة[2]: مرسيدس

    الحالة : safwat1100 غير متواجد حالياً

    افتراضي -

    احب اضيف لكلام حضرتك ان فى انواع فتيس اتوماتيك لما تبقا واقف على ال d اكتر من 30 ثانيه بتفصل لوحدها
    و اول ما تشيل رجلك من على الفرامل بتعشق تانى
    بمعنى انك تعرف معلومات اكتر عن فتيس عربيتك عشان تعرف تتصرف على ضوئها و تريح نفسك


  9. #9

    الصورة الرمزية borio1704

    رقم العضوية : 105306

    تاريخ التسجيل : 26Jun2011

    المشاركات : 3,844

    النوع : ذكر

    الاقامة : اسكندراني بره مصر

    السيارة: Not Yet

    السيارة[2]: KIA CERATO EX 2014

    الحالة : borio1704 غير متواجد حالياً

    افتراضي -

    اقتباس المشاركة الأصلية كتبت بواسطة safwat1100 مشاهدة المشاركة
    احب اضيف لكلام حضرتك ان فى انواع فتيس اتوماتيك لما تبقا واقف على ال d اكتر من 30 ثانيه بتفصل لوحدها
    و اول ما تشيل رجلك من على الفرامل بتعشق تانى
    بمعنى انك تعرف معلومات اكتر عن فتيس عربيتك عشان تعرف تتصرف على ضوئها و تريح نفسك

    فعلا... بعض التكنولوجيا الجديدة دلوقتي بقت بتحافظ على العربية وتقلل استهلاك البنزين .. واللي حضرتك بتقوله ده أكيد يندرج ضمن التكنولوجيا دي..

    المشكلة إنها مش موجودة في كل السيارات وبالتالي معظم إخواننا الزملاء ما بيعرفش ازاي يتصرف.


    ومشكلتنا الأساسية إننا ممكن يكون عندنا المعلومة في الكتالوج بس احنا ما بنقراش :(



    ...

    لا تُعْطِنِي سَمَكَةً... بَلْ عَلِّمْنِي كَيْفَ أَصْطادُ
    مَثَلٌ صينِيّ
    Trust me, I'm an Engineer
    Ahmed Nabil Al-Bora'ie

    أعشق السيارات.. أحب اليابانية، الكورية... ولا أفضل الأوروبية


  10. #10

    الصورة الرمزية abd_el_7amid

    رقم العضوية : 42527

    تاريخ التسجيل : 13Jun2009

    المشاركات : 1,009

    النوع : ذكر

    الاقامة : هرم

    السيارة: يا مسهل

    السيارة[2]: هوندا سيتى 2009

    دراجة بخارية: لا يوجد

    الحالة : abd_el_7amid غير متواجد حالياً

    افتراضي -

    hasad">

    شكرا علی الافادة

    كان الصحابة يفعلون السُنة لأنها“سُــنة” ونحن نتركها لأنها ” سُــــنة ”!!



 
صفحة 1 من 4 1 2 3 4 الأخيرةالأخيرة

المواضيع المتشابهه

  1. مشاركات: 0
    آخر مشاركة: 04-11-2013, 12:29 AM
  2. مشاركات: 0
    آخر مشاركة: 04-11-2013, 12:18 AM
  3. كيفية عمل صيانه ( سيرفيس ) للفتيس الأوتوماتيك
    بواسطة mazens في المنتدى أوبـــــل
    مشاركات: 5
    آخر مشاركة: 15-12-2011, 08:56 AM
  4. أيهما أفضل الأوتوماتيك أم المانيوال
    بواسطة Ahmed73 في المنتدى هيــونــداى
    مشاركات: 2
    آخر مشاركة: 22-06-2008, 05:56 AM
  5. ما هو أفضل نوع زيت للفتيس الأوتوماتيك؟
    بواسطة Ahmad في المنتدى زيوت الفتيس
    مشاركات: 3
    آخر مشاركة: 21-05-2008, 12:11 PM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2