كيا سيراتو 2015 vs رينو فلوانس 2015

**domizo** · 12-11-2014 01:03 PM

السلام عليكم ورحمه الله وبركاته

ديه اول مشاركه ليا بعد متابعات لمواضيع الاعضاء

انا بصراحة تهت والمواضيع ماشاء الله عليهم كتير والاراء بتختلف

احنا مقيمين في السعودية ولسه مطلعين رخصة القيادة قريب

فمسقناش غير عربية هوندا سيتي 2012 ايجار عشان نشوف حنشتري عربية ولا فاكس

المهم

احنا محتارين بين فئات العربيات الفل والهاف اتوماتيك

اللى ما بين سعر 60 الف ل 80 الف ريال

واكتر اتنين عاجبينا اوي

هما السيراتو والفلوانس 2015

ارجو من الاعضاء وبصراحة ومن تجربه ومعلومات مؤكدة

يفيديونا ايه احسن

1- الوكيل مين احسن في التعامل كيا ولا رينو

2- قطع الغيار

3- العربية حتبدا تفتح بؤها من امتي

4- مين فيهم ممتعة في السواقة اكتر وينفع يتسافر بيها ( يعني يتسافر بيها جدة او الدمام مش قصدي مصر )

5- فيه فرق بين الهاف والفل في كل من كيا والسيراتو

6- في باه حاجة غريبة

في رينو المبيعات قالنا ينفع تتعمل مالك اول على البنك العربي

وكيا المبيعات قالنا لا مينفعش مع انه برده البنك العربي

لازم شركه اليسر مع ان اليسر ده اغلي في الفائدة

ده فعلا وهل ممكن اتصل بالبنك العربي ويفيدني وازاي البنك بتختلف فايدته من موديل عربية للتاني

لان برده اما رحنا هوندا قالنا رقم كده استغفر الله وبرده قالنا مفيش مالك اول

سعر السيراتو فل اتوماتيك في الجبر 77800 ريال

بعد التقسيط بتبقى 103629.6 ريال

سعر الرينو فلوانس فل باين 77500 مش فاكره بصراحة مش عارفة ليه مسالناش

سعر الرينو فلوانس هاف 65600 بعد التقسيط 87512

سعر الرينو فلوانس ستاندرد 58800 بعد التقسيط 87512

**hanyyacot** · 12-11-2014 04:58 PM

هو عموما الفلوانس احسن من السيراتو فى حاجات كتير , بس مادام انتو فى السعودية , واللى اعرفه انهم فى الخليج مش بيفضلوا الاوروبى وكمان سعر اعادة بيع السيراتو هايبقى اعلى بكتير من الفلوانس , واسمع كمان ان توكيل الرينو مش قوى فى السعودية , اعتقد لكل الاسباب دى يبقى تجيبوا السيراتو والله اعلم .

**ENG.MaRk** · 12-11-2014 08:39 PM

لو في مصر هقولك فلوانس من غير تفكير إنما في السعودية يبقي سيراتو

**domizo** · 12-11-2014 09:56 PM

hanyyacot

انا عملت سيرش على اعادة البيع الاتنين نفس السعر

ENG.MaRk

مش بتفرق مصر من السعودية هي سنتين تلاته وحنتنازل عنها يعني مش حنزلها

وهو انت ليه بتبيع فلوانس فيها مشكله ؟

-------------

موضوع اعادة البيع

عشان ناس كتيييير عمالة تقول تويوتا

اعادة البيع حسب حالة العربية في الاخر

وبالنسبة لقطع الغيار الرينو حاطه اسعار قطع الغيار في المعرض عشان الموضوع ده

المهم انا عايزه اعرف مين فيهم ممتعة في قيادتها وتحس انك فعلا اشتريت عربية بتجري

وبتستحمل طبعا وتحس بالرفاهية فيها

عشان احنا اخترنا دول من وسط

سيراتو كوبيه ( نفس السعر بس 2014)

ريو فل اوبشن ( رخيصة بس مش 4*4)

تويوتا كورولا ( بنكرهها لله في لله والتوكيل حرامية في الفائدة)

مازدا 3 فل اوبشن ( عشان التوكيل المبيعات مش فاهمه حاجة يعني بنشتري ومش مهتمين يحطوا ناس بتفهم امال لما تبوظ فيها حاجة حيجرا ايه مع اننا طبعاااااااا كنا بنفكر فيها جدا وخصوصا انها في نفس الفئة)

بيجو ( نفس مشكلة التوكيل حسبي الله احسن عربيتين )

فياريت يا جماعة اي حاجة في نفس الفئة ومتجربة تساعدونا لان الموضوع صعب

وخصوصا ان كل عربيات 2015 فل اوبشن الفئة السعرية ديه فيها نفس الاوبشن ونفس الحااجات مع اختلافات بسيطة

احنا كان نفسنا نركب حاجة نظيفة الماني او ياباني

ياريت اكون قدرت اوصل مدي الحوسة اللى احنا فيها وايه اللى احنا عاوزينه

موضوع اعادة البيع وقطع الغيار يعني مش ده اللى حنركز عليه اوي لان هنا كله زي بعضه ( ده على الاقل اللى حسيته ) طبعا لو الوكيل سئ جدا ياريت تفيديونا

ايه الرغي ده كله

**hanyyacot** · 13-11-2014 09:30 AM

من حيث متعة القيادة والشياكة وعناصر الامان والوسع والثبات على الطريق تبقى الفلوانس بدون شك

**swimmer25** · 13-11-2014 12:47 PM

في الخليج وعربية للسفر ومتقلش لأ لسنين قدام بس أقل في الكماليات شوية ومريحة في السفر ومش عايزين تنزلوا بيها مصر
بصوا على الهوندا سيفيك الفئة الثانية exi
بس مالهاش نزول مصر لأنها 1.8

**swimmer25** · 16-11-2014 10:07 AM

مش فاهم يعني عاوزين تنزلوها مصر ولا مش عاوزين؟
لو عاوزين تنزل مصر يبقى الفلونس عشان مالك أول ولو مش عاوزين يبقى السيفيك بردو
وياسلام بقى لو أكورد 2014 تصفيات أو demo
بيكون سعرها أرخص وعائلية جدا وثبات ممتاز

**eslamhamdy** · 23-11-2014 09:03 AM

تحديز من وكيل كيا الجبر فى المملكة العربية السعودية
وبناء على تجربة شخصية منى لانى معايا سيراتو

خدمة صيانة وقطع الغيار زفت .........

عاوز لمبة من يتوع النمرة الى ورا قالى مش موجوده طلبية و تستنى اسبوع على العلم هيجبيها من الدمام
مع العلم كان معايا قبلها ميتسوبيشى الى الناس بتخاف منها فى السعودية
اجدع قطعه غيار لو طلبتها قبل صلاة الظهر تانى يوم الصبح اروح اخدها ولو بعد الظهر تعدي يوم و تروح التانى تلاقى الحاجة جهازة

عندي مشكلة فى المكيف اظريت اسافر من المدينة الى جدة 3 مرات عشان تتصلح و لسه مخلصتش و قعدوا العربية عندهم 10 ايام و تستلمها من غير غسيل حتى
البهوات فى المدينة لما اروحت اعمل الصيانة حطلى الزيت بزيادة فى المكنة لا ويقولى امشى علية عادي مفيش مساكل

و غيرة و غيرةو غيرة
دى نبذة مختصرة بس عن بلاوى الجبر و لو حد عاوز يتاكد زيارة لمركز صيانة ليهم وشوف كمية العربيات الى التراب مغطيها عاملة ازاى