الموضوع: مطلوب عربية فورا،،،

ربنا يعوض عليك ويرزقك بالأحسن منها مليون مرة
بس ياريت لو حضرتك تعرفنا ازاي أتنصب عليك عشان نستفيد

المشاركة الأصلية كتبت بواسطة سمير ويهير

ربنا يعوض عليك ويرزقك بالأحسن منها مليون مرة
بس ياريت لو حضرتك تعرفنا ازاي أتنصب عليك عشان نستفيد

شكرا لك أستاذ / سمير

- كان معايا عربية لانوس موديل 99 بعتها وقلت أحدث شوية!!!!!!!!!! كلمت واحد سواق (جاري من ايام الطفولة) وصلني لواحد كهربائي وفى نفس الوقت سمسار عربيات،،،،السمسار دا بيتعامل مع تجار كتير ،، قلت له عاوز لانوس أو نوبيرا أو فيرنا تكون حالتها ممتازة ومعاك لحد 55000،،،،، جاب لي كام عربية بس ما عجبونيش!!! وفي يوم اتصل بي وقال لي قدامي عربية لانوس 2007 روعة بس رشة بره ،، لكن دواخل فبريكة،، رحت شفتها لقيتها شكلها روعة فعلا!!!! الدهان الخارجي زي الفبريكا ومن جوة العربية 100% وكانت كاملة مانوال!!!! افحص ياعم اسماعيل!! فتح الكبوت والشنطة ونزل تحتها وفك الجلد بتاع الابواب وشوية الحبشتكانات دول,,, تمام يا عم ؟؟ قاللي مافيش فيها غلطة!!!!!!! خدت العربية بــ 50000 جنيه،، ودفعت لصاحبنا 400 سمسرة ولجارى العزيز 200 جنية!!!! علشان كان بييجي معانا يوصلنا بعربيته السوزوكي!!!!!!

-- طبعا خدت العربية غيرت طقم بوجيهات وسيور وزيت وفلتر ،،، وركبت طقم نيكل كامل ،، وكاسيت جديد،،، وعشت معاها شهر تقريبا فى تبات ونبات بس ما كنتش بروح بيها مشاوير طويلة لانى كنت فى الصيف واجازة لاني مدرس!!!!!!!!!!
والله العظيم اللى هاحكيه حصل بالنص زي مابقول: اقرأ واضحك
-- أول حاجة عملتها البطارية ،،،
نامت أكتر من مرة،، كشفت عليها لقيتها منتهية ،،، غيرتها 420 جنيه
--بعد اسبوع من البطاريه،، ضربت جوان وش السلندر وكلفني 350 جنيه
-- بعد ما عملته بـ اسبوع ضرب الجوان للمرة الثانية وكلفني 500 جنيه لاني مسحت الوش
--بعد 10 أيام ظهر صوت فى العجلة اللى ورا يمين،، طلع الجنب كله خربان واشتريته استيراد 300 جنيه
--بعد يومين المارش بدأ يوم اه ويوم لا يقطع وكل مرة 20 فى 30 فى 100،،
--بعدها المراوح بدأت تقف بدون سبب،،، غيرت الكبيرة 150 جنية وكتاوت 3 مرات30 جنية

هههههههه،،،، ولسة اسمع وقول سبحان الله

-- راجع الظهر من الشغل فى امان الله ،، وقبل البيت بعشرة كيلو متر،، اسمع صوت تتكتكة عالى جدا والعربية بطلت تسحب،، وراحت مطفية،،، المهم فى الفحص والتمحيص لقينا عمود الكامة مكسور !!! لفينا عليه وفى الاخر لقيناه صيني 400 جنيه
-- ر كبنا العمود ولسة بندور العربية علشان نجرب طلعت دخان!!!!!!!! فكينا تاني لقيناها عاوزة طقم شنبر وطقم بساتم!!!!! عملناهم!!!!!
--العربية بعد دا كله حالتها الصحية مش مضبوطة،،، مش بتسحب كويس،،، وكل يوم عند ميكانيكي شكل،،، وكل واحد برأي...

------- قلت بيعها لانها مش كويسة وقرفتها زفت معايا!!!!!!!!! وهنا تم اكتشاف النصب!!!!!!!!!

جالها زبون يشتريها،،، وراح يفحصها: السمكري لقي فيها لحام فى الشاسية!!!!! ومغيره شنب !!!!!!! ومغيره كبوت،،،، وفيها برومه جامدة في الشنطة تحت!!!!!!! رحت بنفسي لأكتر من واحد أكدوا الكلام!!!!!!!

----- رجعت لجاري قلت له الحاجات اللي حصلت للعربية ،، دي حظ ونصيب ،،، أما اللحام والعيوب اللي فى العربية دي مش ذنبي!!! رحنا للسمسار،، قال نروح للمعرض اللى جايبينها منه،، رحنا للمعرض قام النصاب الكبير قال : أنا ماللي انتو مش فحصتوها هو أنا غصبتكم عليها!!!!! قلت للسمسار اية رأيك!!! قال انا فحصتها بس ما خدتش بالى والله!!! وهانحاول نبيعها!!!

-- المهم بعتها بعد عناء شديد عن طريق واحد معرفة بــــ 46500،،، والعوض على الله

((والله لو معايا فلوس حاليا كنت اشتريت جديد،،، ولكن ما باليد حيلة!!!!!!)))

بس هل انت قلت للمشتري العيوب ديه ولا لا؟

المشاركة الأصلية كتبت بواسطة وائل فريد

بس هل انت قلت للمشتري العيوب ديه ولا لا؟

يا أستاذ وائل والله سيبت العربية معاه من يوم الجمعه لحد يوم الأحد،،، قلت له افحصها كويس!!

امال هى اتباعت ب 46500 ليه ياريس؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟

المهم ولا واحد رد على سؤالى
أشتري ايه بالمبلغ اللى معايا؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟