لخبراء المنتدى ..وخبراء السيارات

**الشاوري** · 14-11-2014 02:47 PM

عاوز اشتري عربية صح ... من جنيه لنص مليون.... ممكن الافادة؟

**eslamsubaru** · 14-11-2014 03:10 PM

المشاركة الأصلية كتبت بواسطة الشاوري

عاوز اشتري عربية صح ... من جنيه لنص مليون.... ممكن الافادة؟

يا ريت الافادة تكون منك انت الأول و تفهمنا انت عايز ايه بالظبط :
يعنى ايه من جنيه لنص مليون !!!!!!!!! مفيش حد بيدور على عربية بالشكل ده .
علشان تعرف ايه العربية الصح بتشوف امكانياتك أيه الأول ثم تشوف أيه العربيات اللى فالسعر اللى انت عايزه و متراوح السعر بيكون فى حدود 10 الى 20 الف فوق أو تحت الرقم اللى انت حاطه . و تشوف بعد كده أيه احتياجاتك من العربية اللى انت عايزها و عليه تقدر تقرر و تحصر اختياراتك ...
انما الموضوع بتاعك عذرا لو كلامى ممكن يزعلك ملوش أى علاقة بالعنوان : لا أى حد خبرة أو مش خبرة هيقدر يفيدك باللى انت كاتبه .

**lolnk** · 14-11-2014 03:16 PM

ارشحلك بيجو 508 او فولفو s60 او جراند شروكى

**الشاوري** · 14-11-2014 03:18 PM

اولا اشكرك على الرد ..ثانيا انا جديد في المنتدى .. ثالثا: وده الاهم طبعا ما ازعل منك احب استفاد من كل كلمة من الاخوة هنا ..انا امكانياتي من جنيه لنصف مليون جنيه .. اللي انا عاوزه الثبات على الطريق لسفري على الطرق السريعة باستمرار وقصدت في كلمة الخبراء اكيد رأيهم هيكون عن تجربة مش مجرد معلومات

**الشاوري** · 14-11-2014 03:22 PM

المشاركة الأصلية كتبت بواسطة lolnk

ارشحلك بيجو 508 او فولفو s60 او جراند شروكى

بصراحة من ضمن اختياري 508 بس عرفت انها مش فرنسية 100 *100

**الشاوري** · 14-11-2014 03:29 PM

المشاركة الأصلية كتبت بواسطة eslamsubaru

يا ريت الافادة تكون منك انت الأول و تفهمنا انت عايز ايه بالظبط :
يعنى ايه من جنيه لنص مليون !!!!!!!!! مفيش حد بيدور على عربية بالشكل ده .
علشان تعرف ايه العربية الصح بتشوف امكانياتك أيه الأول ثم تشوف أيه العربيات اللى فالسعر اللى انت عايزه و متراوح السعر بيكون فى حدود 10 الى 20 الف فوق أو تحت الرقم اللى انت حاطه . و تشوف بعد كده أيه احتياجاتك من العربية اللى انت عايزها و عليه تقدر تقرر و تحصر اختياراتك ...
انما الموضوع بتاعك عذرا لو كلامى ممكن يزعلك ملوش أى علاقة بالعنوان : لا أى حد خبرة أو مش خبرة هيقدر يفيدك باللى انت كاتبه .

باختصار يا اسلام لو معاك المبلغ ده هتجيب عربية نوعها ايه ؟؟؟ وليه هتختار النوع ده ؟؟

**م/أحمد عبد الفتاح** · 15-11-2014 08:45 PM

حضرتك فعلاً لازم تشوف احتياجك للعربية فى إيه .... يعنى مثلاً حضرتك حددت حاجه وهى الثبات على الطرق السريعة وده محدد واحد .... بتسافر لوحدك ولا معاك ناس ومحمل الشنطة ولا مش محتاج لها .... عموماً المحدد اللى انت حددته تبقى عربية سيدان وماينفعش معاك عربية فور باى فور او عربية كروس اوفر عالية عن الارض ، أنصحك تشوف طراز فى عربية يكون ماشى بقاله سنتين على الاقل ومش عامل مشاكل لأن كل شركة مطلعة طراز جديد دلوقتى حتلاقى فيه مشاكل ..... كل الماركات اللى غيرت طرازاتها اللى احنا عارفينها فيها مشاكل فالنصيحة زى ماقلت لحضرتك متجيبش طراز جديد ( مش معنى كلامى انك تجيب عربية مستعملة) إلا لما تعرف هل فيه مشاكل ولا لأ ..... على سبيل المثال عربيات مجموعة فولكسفاجن اللى نازلة بمواتير tsi وفتيس dsg عاملين مشاكل فى التوكيلات وخصوصاً فى الفتيس والميكاترونيك بتاعته.
وممكن حضرتك تحصر إختيارك فى كذا طراز وتشوف رأى الناس فيها إيه عن طريق المنتديات الأجنبية أو هنا فى نايل موتورز ( يعنى سهلها علينا شوية :) )
وربنا يوفقك فى اللى فيه الخير ليك