فصل فيشة الايديال

**a7med.7assan** · 16-11-2014 02:12 PM

يجماعه فى ضرر لو الواحد شال فيشه الايديال كنترول يعنى عطل وظيفته ... يعنى ليها اى اثر جانبى لو شيلتها ؟؟؟

**moumen_hs** · 16-11-2014 02:32 PM

ياعنى أية تفصلها تقصد تخلعها وتركبها تانى أكيد ولا أى حاجة بس أنما لو تتفك ومتركبش العربيى مش هتمشى أصلا أكيد متقصدش دة

**a7med.7assan** · 16-11-2014 02:44 PM

لا با باشا انا اقصد افكها اصلا واعطل شغل الايديال ... بس الكلام ده بعد مشغل العربيه وخليها تسخن كويس جدا وشغل كل الاحمال ... وبعدها والعربيه ديره افصل فيشة الايديال وسيبها مفصوله مركبهاش تانى ... هياثر ع حاجه؟؟ اصل انا عملتها فعلا والعربيه شغاله مفيش مشكله وبمشى وجري بيها ... لكن خايف يكون ع حساب حاجه تبان فى المستقبل ... يارب اكون قدرت اوضح لك قصدى

**moumen_hs** · 16-11-2014 04:22 PM

المشاركة الأصلية كتبت بواسطة a7med.7assan

لا با باشا انا اقصد افكها اصلا واعطل شغل الايديال ... بس الكلام ده بعد مشغل العربيه وخليها تسخن كويس جدا وشغل كل الاحمال ... وبعدها والعربيه ديره افصل فيشة الايديال وسيبها مفصوله مركبهاش تانى ... هياثر ع حاجه؟؟ اصل انا عملتها فعلا والعربيه شغاله مفيش مشكله وبمشى وجري بيها ... لكن خايف يكون ع حساب حاجه تبان فى المستقبل ... يارب اكون قدرت اوضح لك قصدى

باشا الايديال كنترول دة مخ العربية وهو الى بيزبط الموتور ودخ البنزين فطبعا مبدا هياثر على استهلاك البنزين وظبطة العربية بس انا مش عارف أنت عايز تفكة لية طالما هو شغال أصلا مش بايظ دة لما بيبوظ بيبرجل العربية اصلا بنزين وكهربا وتنتيش أزاى تمش وتجرى عادى من غير أى تاثير

**a7med.7assan** · 16-11-2014 04:40 PM

شوف يا سيدى الفاضل
عندى ال ار بى ام عالى ... طول منا مااشى بالعربيه ع المور تلقيه ناطط 1400 وراس والف سيف مهو نازل الا لما العربيه تقف تماما .. تقف العربيه من هنا ينزل تحت ال 1 زى الباشا ويبقى طبيعى ... تتحرك بالعربيه يعلى معاك وشغال زى الفل مع دواسه البنزين ... هوب تمور العربيه وتسيبها تجرى بسرعتها ... ينزل معاك لحد 1400 برده ويحلف مينزل تحت ال 1 غير والعجل واقف خالص ... المهم بعد مشاورات كتير وتنظيف الحساس وبوابه وفيلم كبير كده ... حد من الزملاء قالى نشيل فيشة البلف اصلا لانه مسؤل عن ال ار بى ام وهو تقريبا متبرمج ع كده ... المهم مطولش عليك قالى ندور العربيه ونشغل احمالنا عليه عادى خالص عشان الكنترول يعرف ان ده العادى بتاع الماتور يعنى الانوار الكاسيت ... الخ والعربيه طبعا تكون سخنت كويس جدا .. ونشيل الفيشه .. الحقيقه عملت كده بقى ال ار بى ام فعلا بينزل بسرعه جدا بمجرد مشيل رجلى من ع البنزين ومور العربيه ينزل زى الفل فعلا تحت ال 1 او يكو 1 بالكتير والحياه حلوه ... فعايز اعرف لو سبته بقه متشال كده يأثر ع حاجه ؟؟ مع العلم ان العربيه مش مبرجله هى بس بتحتاج ظبتة معينه ع دواسه البنزين خدت عليها مع الوقت .... ودى حكايتى مع الانوس ... ومخبيش عليك ال ار بى ام مشكلته مأرقاني يمكن من سنتين لحد موصلت للحل ده .. بس خايف اصلح حاجه ع حساب حاجه تانيه

**Ahmed-SAMIR** · 16-11-2014 06:26 PM

متهيألى الموتور هيعلى كأن الايدل بايظ

**tarek_2005** · 17-11-2014 08:18 AM

هياثر علي استهلاك البنزين فقط وممكن لو وقفت مفاجي بفرملة قوية العربية تبطل منك وهنا المشكلة ان السيرفو مش هيشتغل ولو احتجت تدوس فرامل سريعة مرة تانية مش هيبقي معاك سيرفو لان الموتور بطل

**Viper911** · 17-11-2014 01:30 PM

أ/ أحمد
حضرتك لما فتحت الموضوع قبل كده ... رديت على حضرتك في الموضوع ده و كنت بلغت حضرتك اني قريت كويس قبل ما أعمل الخطوه ديه ... و حضرتك جربي و شوفت بعينك
أنا والله على ما أقول شهيد اني عامل كده عندي و بقالي سهرين ماشي بالعربية ....
كل اللى هقدر أقوله العربية أحسن كتييييييييييير
أنا فصله تماما و العربية مش بتبطل منى نهائي الحمد لله في أي حاجه حتى مع التكييف
استهلاك أحسن سحب أحسن من rpm منخفض معدتش بتطلع صوت على الفاضي بدون سحب
لو تحب أحط فيديو للعربية عندي أحطه عشان الناس تصدق

**Viper911** · 17-11-2014 01:36 PM

المشاركة الأصلية كتبت بواسطة tarek_2005

هياثر علي استهلاك البنزين فقط وممكن لو وقفت مفاجي بفرملة قوية العربية تبطل منك وهنا المشكلة ان السيرفو مش هيشتغل ولو احتجت تدوس فرامل سريعة مرة تانية مش هيبقي معاك سيرفو لان الموتور بطل

أ/ طارق
الاستهلاك دلوقتي و أنا فاصل الفيشة 10- 12 كم /لتر داخل البلد
16 كم / لتر السريع على سرعه 90-100
السيرفو مالهوش دعوه بالموضوع بتاع صمام السلانسيه ... و الدليل ان البوابه دايما فيها vacum و ده حتى في السلانسيه و كمان على ال rpm ألعالي
و أنا معدل فرامل و لاغي صمام السلانسيه و و الحمد لله الفرامل بتقفش على كل السرعات

على العموم يا جماعه لو حد مش مصدق يجرب ... و مش هيخسر حاجه و هيشوف بعينه