مساعده فى فتيس c3 picasso

**Haitham Ghazal** · 17-11-2014 09:56 AM

السلام عليكم

الحمد لله لسه مستلم c3 picasso 2015

بس ليا سؤال يا شباب بخصوص الفتيس ال easy tronic

انا لو حاطط الفتيس على M or A وشلت رجلى من على الفرامل العربيه مش بتتحرك

اللى اعرفه انها مفروض تتحرك طالما معشق ... الموضوع ده مش فارق على الطريق العادي بس فى الزحمه وحش قوى لازم تشعر بنزين كل شويه والعربيه تحسها تقيله كده

ممكن لو حد عنده خبره فى الموضوع ده يفهمنى

وشكرا

**A.Adel** · 17-11-2014 11:10 AM

الفتيس اللي عندك automated-manual
يعني مانيوال بس الدبرياج بكنترول كهربة ودة نازل في fiat bravo , fiat evo , وعربيات تانية كمان

الفتيس ده بيحتاج معاملة مختلفة شوية عن الأوتو العادي
1. لازم بنزين عشان العربية تتحرك ودي أنا شايفها ميزة مش عيب بصراحة
2.لازم تنقل لل N في الإشارات
3.هتحس شوية بالنقلات في الأول والتاني زي المانيوال بالضبط

بس قدام ده هتاخد استهلاك بنزين أحسن بكتير و كمان أداء أعلى و أمتع من الأوتو العادي

**Haitham Ghazal** · 17-11-2014 03:01 PM

المشاركة الأصلية كتبت بواسطة a.adel

الفتيس اللي عندك automated-manual
يعني مانيوال بس الدبرياج بكنترول كهربة ودة نازل في fiat bravo , fiat evo , وعربيات تانية كمان

الفتيس ده بيحتاج معاملة مختلفة شوية عن الأوتو العادي
1. لازم بنزين عشان العربية تتحرك ودي أنا شايفها ميزة مش عيب بصراحة
2.لازم تنقل لل n في الإشارات
3.هتحس شوية بالنقلات في الأول والتاني زي المانيوال بالضبط

بس قدام ده هتاخد استهلاك بنزين أحسن بكتير و كمان أداء أعلى و أمتع من الأوتو العادي

شكرا على ردك يا باشا

هو ممكن فعلا هكون هتعود عليها مع الوقت

بس هى حاليا انا شايف انها حاجه رخمه خصوصا فى الزحمه كل شويه لازم اشعر بنزين

**Ahmad Mehrez** · 17-11-2014 07:40 PM

بعد إذنك يا أستاذ هيثم أنا كنت مهتم بالعربية دي وعايز أعرف تجربة الناس اللي ركبتها فعلاً، فلو سمحت لو ممكن تقولنا انطباعك العام عن العربية (أدائها- الراحة في القيادة وراحة الركاب- نعومة العفشة - ارتفاع العربية - تقييمك لقيمة العربية مقابل اللي دفعته فيها)، طبعاً لو مش بتقّل عليك ومبروك على العربية

**demonarundo** · 17-11-2014 11:13 PM

الموضوع ده هما عاملينه عن قصد لان أغلب الناس فى الاشارات بتفضل دايسه فرامل وده بيضر الفتيس على المدى
فهما خلو اول ما العربية تقف , الفتيس يفصل الحركة اوتوماتيك

**Haitham Ghazal** · 18-11-2014 05:55 AM

المشاركة الأصلية كتبت بواسطة ahmad mehrez

بعد إذنك يا أستاذ هيثم أنا كنت مهتم بالعربية دي وعايز أعرف تجربة الناس اللي ركبتها فعلاً، فلو سمحت لو ممكن تقولنا انطباعك العام عن العربية (أدائها- الراحة في القيادة وراحة الركاب- نعومة العفشة - ارتفاع العربية - تقييمك لقيمة العربية مقابل اللي دفعته فيها)، طبعاً لو مش بتقّل عليك ومبروك على العربية

الله يبارك فيك يا باشا

بص هو انا لسه مركبتهاش غير 4 ايام وسافرت

بس عموما هى عربيه جميله جدا و عفشتها ناعمه و طبعا قيمه جدا من جوه ومن بره وتمنها معقول جدا

وانت راكب العربيه بتحس انك راكب عربيه عاليه بس هي نفسها مش عاليه عن الارض قوي يعني ارتفاع متوسط ولا هى سبورتاج ولا هى فيرنا مثلا :)

هو برضه زي مابقولك كده انا لسه مجربتهاش قوى ... بس هى عربيه تفرح من اول ماتركبها

الدريكسيون ناعم جدا وجميل ... فيها الشيفتر اللى فى الدريكسيون عشان تغير نقلة الفتيس ... دى حاجه جميله قوى ... بيساعدك لو انت على الاوتوماتيك وعايز تسقط نقله مثلا عشان تحرق وتاخد غرزه

العربيه تجمعها حلو قوى ... المشكله اللى مش عجبانى بس هو الفتيس فى موضوع الزحمه ده ... ممكن هتعود عليها بس دلوقتى انا حاسسها حاجه رخمه

وان شاء الله لما ارجع من السفر لو اكتشفت اى حاجه جديده هقولك على طول

**Haitham Ghazal** · 18-11-2014 06:02 AM

المشاركة الأصلية كتبت بواسطة demonarundo

الموضوع ده هما عاملينه عن قصد لان أغلب الناس فى الاشارات بتفضل دايسه فرامل وده بيضر الفتيس على المدى
فهما خلو اول ما العربية تقف , الفتيس يفصل الحركة اوتوماتيك

تمام هو انا حاسس ان الموضوع ده معمول سيفتى واقتصادي ... بس انا كده فى الزحمه حاسس انى مفرقتش عن المانيوال العادى ... اكيد مفيش دبرياج ... بس لازم كل شويه تشعر بنزين ومع عربيه تعتبر تقيله فى الوزن شويه زى دى بتبقى حاجه مش حلوه

فى ناس بتقولى بعد 1000 كيلو ولما الموتور يلين شويه هتبقى انعم ... بس انا معرفش المعلومه دى صح ولا لأ

وفى حاجه تانيه انا شايفها خطيره جدا ... مثلا لو واقف على مطلع ونزلت اشترى حاجه ورافع الهاند بريك والعربيه لسه دايره ... لو معاك اطفال وحد نزل الهاند بريك العربيه هتتحرك ... مفيش اى وضعيه للفتيس ممكن تحطها عليه العربيه ماتتحركش ... ود حاجه خطر جدا يعنى انا كل اعتمادى على فرامل اليد بس !!!!

ومعرفش لو العربيه مش دايره هيبقى نفس الوضع ولا لأ ... لسه مجربتش

**Ahmad Mehrez** · 18-11-2014 10:08 AM

متشكر جداً يا أستاذ هيثم وربنا يباركلك فيها إن شاء الله

بالنسبالي موضوع الفتيس ده ميزة بصراحة، وأظن لما تاخد عليه هيريّحك إن شاء الله

**مهند السحتري** · 28-12-2014 01:13 PM

السلام عليكم أستاذ هيثم
أيه أخبار العربيه معاك عشان انا ناوي اشتريها ورحت شوفتها
هي اللى معاك فيها مسند يد امامي ولا لأ؟
موضوع الفتيس اخباره ايه معاك ؟
انا لما سالت قالولي سعرها 158 الف والكاش عرض ب 151
حضرتك كنت جايبها بكام ؟ ولكم جزيل الشكر

**Haitham Ghazal** · 29-12-2014 10:56 AM

المشاركة الأصلية كتبت بواسطة مهند السحتري

السلام عليكم أستاذ هيثم
أيه أخبار العربيه معاك عشان انا ناوي اشتريها ورحت شوفتها
هي اللى معاك فيها مسند يد امامي ولا لأ؟
موضوع الفتيس اخباره ايه معاك ؟
انا لما سالت قالولي سعرها 158 الف والكاش عرض ب 151
حضرتك كنت جايبها بكام ؟ ولكم جزيل الشكر

وعليكم السلام يا باشا

انا كنت جايب العربيه ب 158,800

ومفيهاش مسند يد امامى وماظنش ان فى منها بمسند

العربيه جميله الحمد لله ... الفتيس خلاص قربت اتعود عليه .. هو طبعا مفيهوش مشكله بس انا اللى مش متعود

العربيه على سعرها وامكانياتها و طبعا الجوده حلو جدا جدا

بص انا جديد فى موضوع المنتديات ده وانى اعرف اكتب تقرير عن العربيه ... ف انت لو عندك اى اسئله معينه يبقى احسن وانا ارد عليها نقطه نقطه عشان تعرف كل حاجه عن العربيه قبل ما تشتريها