الموضوع: جربت تحب عربيتك؟؟

علي فكره يا باشا انت كده طبيعي جدا كمان انا كان معايا الننرا 2005 بعتها من شهرين كنت لما بقفل بيها عداد بطبطب علي الفتيس

متاسف مخدتش بالي من صاحب الموضوع انها بنت ...اسف...موقف تاني لما بعتها قعدت ابوصلها واعيط وكان فاضل اغنيه عمرو ساعة الفراق في الخلفيه

المشاركة الأصلية كتبت بواسطة aymanshebl

فعلا العربية لو اهتميت بيها و دلعتها هتديك اللى انت عايزه و يكفى انك لما تاخد مطب و يحك فى العربية من تحت تحس ان انت اللى اتخبطت و تزعل لو حصلها حاجة او حادثة لا قدر الله فيه ارتباط معنوى و انسانى بين الانسان و الاشياء اللى حواليه يكفى و احنا صغيرين كنا بنعامل الحيوانات زى الخرفان او القطط على انها بتحس و بتفهم و بتتالم زينا بالظبط و نزعل عليها لو ماتت او مرضت كانها زينا

يااااه ده انا لما بحك في مطب من تحت بتضايق من نفسي أووووي و بحس ان فعلا انا اللي اتعمل فيا كده
مبستحمل الخدش فيها والله و يا سلام لما بتكون عايزه بنزين مثلا وخلاص بتصفي بحس ان ابني جعان احساس غبي بجد و لما اخليها فول تانك بقى و تجري جامد بحسها سعيده كده انها شبعت حبيبتي والله

المشاركة الأصلية كتبت بواسطة mohkhattab

زى المثل ما بيقول المعاملة بالمثل
فالعربية حتى لو كانت جماد بس لو معرتهاش مش هترعيك
فعلا انا بحب عربيتى جدا و ليها مكان فى قلبى و هيفضل طول العمر حتى لو ركبت ميت عربية بعد كده

بالظبط كده لازم تراعيها عشان تراعيك في المواقف اللي هتاحتجلها فيها وحب العربيه الأولى بالذات احساس تاني فعلا عمرك ما تنساها أبدا

المشاركة الأصلية كتبت بواسطة yasser100

موضوع جميل :) . فعلا فيه علاقه نفسيه و غير مرئيه بين الانسان و الجماد . دى حقيقه .

ميرسي نورت الموضوع :)
انا طول عمري بقول كده بس في كتير بيحسسوني اني غريبه او مش طبيعيه مع انها حاجه فعلا موجوده و اكيد انت فاهم انا بتكلم في ايه..

المشاركة الأصلية كتبت بواسطة محمود السيد

فعلا لازم الواحد يكون عنده احساس بعربيته وكل ما تحس بيها اكتر وتحبها اكتر هاتعيش معاك اكتر
تمممممممام

طلعت مش لوحدي يعني أحمدك ياااارب
اكيد لو صنت عربيتك هتصونك
ربنا يخليهالنا :D

المشاركة الأصلية كتبت بواسطة shiko85

فيه مواقف بتخلينى احب العربيه و فيه مواقفه تانيه بتزعلنى منها و نفس الكلام بالنسبه للعربيه اكيد بتزعل منى فأوقات و كتير فعلا بحس ان العربيه مبسوطه و فرحانه خصوصا بعد الصيانه او التنظيف و الغسيل
فيه ذكرايات مع العربيه لا تنسى ابدا و بتفضل فالذاكره حتى بعد بيع العربيه و اصعب قرار هو قرار البيع و انا مش هنسى ابدا اليوم اللى قررت فيه بيع العربيه القديمه لانها كانت عزيزه عليا جدا جدا جدا و شوفت معاها اسعد يوم فحياتى و اتحقق فاليوم ده اجمل امنيه اتمنتها بس للأسف قرار البيع كان من اهم اسبابه هو اليوم ده المهم كنت عارض العربيه للبيع و لما حد يكلمنى علشان يشوفها كنت بتمنى ان البيع ميكملش بس الحمد لله اتباعت بس لسه كل الذكريات محفوره فالذاكره خصوصا اليوم ده

انا لما بزعل من العربيه بحسها بتجري بسرعه و تشد معايا عشان تفرحني وانسى اللي حصل وفعلا برجع اضحك و اشجعها تديني زياده
و بجد قرار البيع اوحش حاجه في الدنيا بالذات في حاجه عاشت معاك فتره و ليها ذكريات معاك والواحد فعلا بيتأثر بيها اووي عمره ما ينساها
بس ان شاء الله يبقى ليك ذكريات في الجديده بردو.. ذكريات حلوه اكيد..

المشاركة الأصلية كتبت بواسطة adelghanem

كلام جميل وواقعى جدا
انا بحس انها بيتى التانى
بحبه ،باستريح له ،باهتم بيه
وازعل واحس انى ناقصنى
حاجه لو بعيده عنى

احم هيا تعتبر بيتي الأولاني يعني.. انا بقعد فيها اكتر ما بقعد في البيت
انا بقوم كئييييييبه اليوم اللي مركبش فيه العربيه مبيعديش و بيبقى ممل جدااا

المشاركة الأصلية كتبت بواسطة hesham fawzy h

اييييية يا رجالة كله اتحول لسومة العاشق كدة لييية



الناس بتتواصل مع الجانب الحساس شويه يا أخي بعيد عن الهيصه بتاعة اليوم
وتلاقيك اول واحد بيعيط ع العربيه لما الكاوتش ينام صح؟؟

المشاركة الأصلية كتبت بواسطة ahmedelrayan

على فكرة انا بردو كدة مثلا العربية لو فيها مشكلة بكون مضايق عشانها جدا زى ما يكون حد من اولادى عيان

ربنا ما يجيب مشاكل و لا تعب لا للعربيه ولا للعيال ويخليهوملك ان شاء الله

المشاركة الأصلية كتبت بواسطة belladona

تحفة الكلام دا

ميرسي أحرجتني والله

المشاركة الأصلية كتبت بواسطة eng_amg

فعلا كلام انا سعيد جدا انه اسمه من حد تاني غير نفسي. والأجمل والأغرب انه من بنت. :)
مش علشان حاجة والله لكن الملاحظ أن البنات نوعين في السواقة ليس لهم ثالث.
1) لخمة إلى أبعد الحدود وبتغرق في شبر مية.
2) محترفة وممكن تقطع اي شاب فرحان بنفسه على الطريق.
تحياتي.

ههههههههه البنات اللخمه دول خلوا سمعتنا في الأرض في السواقه
انا ملاحظه ان ناس كتير قالتلي الجمله دي من اسبوع ولا حاجه جاغوار و مش فاكره قبلها مين تاني
انا هوايه عندي اني اخلي اي حد مفكر انه برنس في السواقه يعرف ان في بنات ييجي منهم بردو
الموضوع نور يا باشمهندس

المشاركة الأصلية كتبت بواسطة mamo206

علي فكره يا باشا انت كده طبيعي جدا كمان انا كان معايا الننرا 2005 بعتها من شهرين كنت لما بقفل بيها عداد بطبطب علي الفتيس

المشاركة الأصلية كتبت بواسطة mamo206

متاسف مخدتش بالي من صاحب الموضوع انها بنت ...اسف...موقف تاني لما بعتها قعدت ابوصلها واعيط وكان فاضل اغنيه عمرو ساعة الفراق في الخلفيه

ليه تبيع النترا 2005 اصلا!!!!
ولا يهمك اصلا انا لما حد بيشوف سواقتي واجي انزل من العربيه و يعرف اني بنت بيفضل فاتح بقه نص ساعه متعوده ع اللخبطه دي عادي
انا مش عايزه اشوف اليوم ده ابدا انا هعمل كل اللي اقدر عليه عشان اجيب عربيه من غير ما ابيع دي
بس بردو حاسه ان العربيه هتزعل كإن واحد اتجوز على مراته مثلا..

المشاركة الأصلية كتبت بواسطة ٍٍSara Khattab

انا لما بزعل من العربيه بحسها بتجري بسرعه و تشد معايا عشان تفرحني وانسى اللي حصل وفعلا برجع اضحك و اشجعها تديني زياده

و بجد قرار البيع اوحش حاجه في الدنيا بالذات في حاجه عاشت معاك فتره و ليها ذكريات معاك والواحد فعلا بيتأثر بيها اووي عمره ما ينساها

بس ان شاء الله يبقى ليك ذكريات في الجديده بردو.. ذكريات حلوه اكيد..