الرخصة محتاجة وسطة او رشوة او مدرسة قيادة ؟؟؟؟؟؟؟؟؟؟؟؟؟؟

**M o H a M e D** · 18-11-2014 09:38 AM

الرخصة محتاجة وسطة او رشوة او مدرسة قيادة ؟؟؟؟؟؟؟؟؟؟؟؟؟؟
هو انا لو روحت من غير الكلام دة وسبتها ع ربنا وروحت عادى هطلع ولا لازم وسطة ودرسة قيادة

**eslam atia** · 18-11-2014 09:57 AM

لو بتعرف تسوق بجد روح وامتحن علي طول
خاصة ولا مهنية ؟؟
لو مهنية يفضل دورة وخدها السريعة علشان تنجز
لو خاصة خش علي طول
انا دخلت المهنية علي طول بس كان عندي فكرة علي الامتحان وربنا وفقني الحمد لله

**hesham fawzy h** · 18-11-2014 10:19 AM

عادى يا باشا روح امتحن على طووول
اخويا الصغير لسة مطلعها من حوالى اسبوووع و مفيييش الكلام دة

**مواطن مصرى** · 18-11-2014 10:33 AM

للأسف لازم واسطه او رشوه ... انت تبع مرور ايه الاول ؟! ..

**exelence** · 18-11-2014 02:30 PM

روح و توكل على الله

**J A G U A R** · 18-11-2014 04:47 PM

لو متمكن من نفسك امتحن على طول

**ashraf adel** · 18-11-2014 07:02 PM

يا باشا للاسف بلدك مش بيمشى فيها اى حاجة الا بالفلوس انا بقالى 16 سنة بره مصر ومعايا رخصة من البلد اللى انا فيها من سنة 1999 وللاسف كل سنة كنت انزل فيها مصر واحاول احصل على الرخصة كانوا بيسقطونى مع انى ولله الحمد اقدر اقولك انى اقدر اسوق العربية وانا مغمض ههههههه الحمد لله وبعد معانا حصلت على الرخصة الاجازة اللى فاتت بعد ما دفعت 800 جنيه والحمد لله اخدتها فى ساعتين ناس كثير قالوا لى حرام عليك بس انا كان عندى استعداد ادفع ضعف المبلغ ده لانى كنت باتبهدل كل اجازة من غير العربية لدرجة انى مرة غامرت واجرت عربية وسافرت بيها اكثر من مدينة بس الحمد لله ربنا سترها وماحدش وقفنى