من القاهره ومحتاج مساعده من الاخوه الافاضل في اسكندريه

**walidadel81** · 18-11-2014 10:41 AM

السلام عليكم رجاله الاسكودا
انا من القاهره وكنت بدور علي اكتافيا a5 لاقيت عربيه في اسكندريه رايح اشوفها انهارده باذن الله
للاسف انا مركبتش الاسكودا قبل كل ولا اعرف ابص علي ايه فيها لاني كان معايا لانسر فبعد اذن
الاخوه الافاضل بسكندريه ممكن اكشف عالعربيه فين وايه النقط اللي اخد بالي منها وانا بشتري
مع العلم اني معرفش البايع والعربيه جايبها عن طريق اعلان عالنت
هي عربيه 2006 مانيوال طالب فيها 83 هو المالك مش تاجر والرخصه باسمه ياترا السعر ده ايه
ظروفه 2006 المانيوال بتكون كامليتها ايه انا اسف طولت عليكم بس متاكد ان محدش هيفدني
بالموضوع ده غير رجاله الاسكودا بنايل موتورز

**moumen_hs** · 18-11-2014 11:56 AM

80 لو فبريكة برا وجوة مش أكتر من كدة ولازم كشف عليها فى توكيل أسكودا مش ورشة خد بالك كل قطعة صغيرة فى الوكتافيا ليها ثمن محترم التوكيل بيفصص العربية بس الكش هتلاقية فى حدود 500 جم فى أة توكيل او مركز معتمد اسكودا

**Batman372** · 18-11-2014 01:23 PM

كما نصحك الاخوه اكشف كويس عليها ....
لو a5 .... مش a4 يبقى المبلغ قليل و فيها شغل كتير و مش نضيفه ...
صديق لى لسه بايع من شهرين a4 مو ٢٠٠٧ عامله ١١٠ كم لكن حاله فابريقه و صيانات دائمه فى التوكيل زى ما الكتاب بيقول ب ٨٦ الف ...
لو a5 مو ٢٠٠٦ نفس الحاله الممتازه حتكون فى نفس الرنج ...
يوجد مركز مرخص من التوكيل ممتاز جدا و من اوائل المراكز فى اسكندريه اسمه كوين موتور بمحرم بك على المحموديه ...
تحياتى ...

**elgohary10** · 18-11-2014 02:06 PM

فعلا مركز كوين سيرفيس موتورز هو اول مركز صيانه فى اسكندريه والناس الموجوده هناك تاس محترمه وعندهم ضمير ويكفى ان مدير المركز بيحضر دكتوراه فى هندسه السيارات والمركز موجود على طريق المحموديه نهايه شارع قناه السويس اسفل كوبرى محرم بك والمفاجئه ان الكشف تكلفته فقط 125 جنيه

**Ahmed zaeter** · 18-11-2014 04:41 PM

ممكن تكشف عليها في توكيل سكودا في اسكندرية نور الدين الشريف ومركز الخدمة بتاعه في شارع فؤاد أو على الطريق الصحراوي
هتشوفه وانت جاي تنورنا في اسكندرية وفيه كمان مركز alex auto و3S تبع برده نور الدين الشريف
وربنا يوفقك ان شاء الله للخير وألف مبروك مقدما

**ابو العينين** · 18-11-2014 06:26 PM

السلام عليكم ورحمة الله وبركاته
اود تذكير الاستاذ walidadel81 بموضوع المياه المالحة واسكندرية والبارومة ياريت يهتم كويس جدا بالموضوع ده خاصة وهى موديل 2006 يعنى 8 سنوات بالاسكندرية ولاتنس الاستخارة

**walidadel81** · 19-11-2014 06:47 AM

جزاكم الله عني كل خير وشاكر جداااا لنصايحكم وربنا يسامح اللي خلاني اجي من القاهره عشان اشوف العربيه اللي قالي عليها حالتها فبريكه لاقتها حاجه ميئوس منها وعربيه للاسف حرام يتحط عليها علامه الاسكودا وحسبي الله بكل اللي يعمل اعلان وما يكون صادق مع الناس

**walidadel81** · 19-11-2014 06:49 AM

الحمدلله قدر الله وماشاء فعل

**Batman372** · 19-11-2014 04:50 PM

المشاركة الأصلية كتبت بواسطة walidadel81

جزاكم الله عني كل خير وشاكر جداااا لنصايحكم وربنا يسامح اللي خلاني اجي من القاهره عشان اشوف العربيه اللي قالي عليها حالتها فبريكه لاقتها حاجه ميئوس منها وعربيه للاسف حرام يتحط عليها علامه الاسكودا وحسبي الله بكل اللي يعمل اعلان وما يكون صادق مع الناس

خيرها فى غيرها يا باشا ... من السعر ... توقعى كان فى محله ...
حاول تعلى بالموديل و الميزانيه لان من الصعب جدا تلاقى مو ٢٠٠٦ حاله متحافظ عليها ...
بالتوفيق ...تحياتى ...