فلتر بنزين تويوتا يارس 2006

**Satan_satan** · 18-11-2014 11:55 PM

العربيه سحبها وحش جدا .. في اول الغيار تبقي معقوله و لما تدوس شويه تلاقيها بتفتف
انا غيرت بوجيهات و أتاكدت ان مفيش كويل فاصل ولا حاجه الحمد لله ولسه المشكله موجوده
هل كده ده يبقي فلتر بنزين ؟؟؟

مع العلم انا عربيتي ماشيه 160 الف و مش متذكر انا غيرت فلتر البنزين قبل كده ولا لأ
هو تقريبا بيتغير كل 80 الف فانا كده كده هغيره بس هل المشكله دى هو سببها ولا حاجه تانيه ؟؟

ياريت لو حد يعرف تمنه كام يقولى

**Mecha** · 19-11-2014 07:54 AM

يتغير كل 10,000 كم

**darkdefender** · 19-11-2014 08:41 AM

فلتر بنزين اليارس بيتغر حسب الحاجة لانه ب 650 جم
تشك علي طرمية البنزين كمان و حساس الهوا و فلتر الهوا

**nannah** · 20-11-2014 12:18 PM

طرمبة البنزين بتفصل مرة واحدة شوف البوابة محتاجة تنظيف او البوجيهات وغير البنزينة الى بتمول منها ونظف فلتر الهواء وحساس الهواء لو كل دة عملتة ولسة نفس المشكلة التوكيل يا معلم وقولة على انتة عملتة عشان ميعملوش تانى

**yasser_mmr** · 22-11-2014 11:12 PM

المشاركة الأصلية كتبت بواسطة mecha

يتغير كل 10,000 كم

الكلام دا غير صحيح بالمره

الفلتر بيتغيير كل 80 الف وبيكون داخل تنك البنزين .. يعني الموضوع مش بسيط
وثمنه حوالي 650 جنيه

**darkdefender** · 23-11-2014 08:39 AM

المشاركة الأصلية كتبت بواسطة nannah

طرمبة البنزين بتفصل مرة واحدة شوف البوابة محتاجة تنظيف او البوجيهات وغير البنزينة الى بتمول منها ونظف فلتر الهواء وحساس الهواء لو كل دة عملتة ولسة نفس المشكلة التوكيل يا معلم وقولة على انتة عملتة عشان ميعملوش تانى

طرمبة البنزين الكهربة بتبوظ علي مراحل مش بتفصل مرة واحدة, و الاعراض البرجلة مع دوسة البنزين اكتر من الطرمبة مش من الفلتر... الفلتر لو مسدود بتبقي مخنوقة علي طول.

الطرمبة بتضعف و متخليش العداد الار بي ام يطلع برحته و تبرجل العربية

**nannah** · 23-11-2014 02:28 PM

انا طرمبة البنزين قطعت معى مرتين خلال 3 سنوات بدون اى مقدمات كنت مسافر العربية بطلت مبدورش غيرت طرمبة البنزين لدرجة انى شايل معى واحدة اسبير ومكنش فى حتى رعشة ولا خانقة ولا اى حاجة تدل حتى انى انتبهة ان العربية مش مضبوطة

**darkdefender** · 23-11-2014 02:36 PM

فالحالادي بتبقي في مشكلة لاما العوامة كانت بيظة و بتدي قراية غلط فالتنك كان بيفضة للاخر و الطرمبة تتسد..
او البنزينة اللي بتمون منها وحشة جدا
ان الطرمبة تفصل مرة واحدة اكتر من مرة دا مش طبيعي, فالعادي بتتعب مع الوقت و بعد كدا تفصل

طرمبة بنزين بتاعت تويوتا بزات عمرها من عمر العربية الا لو اطحت بنزين مغشوش او استنيت اما التنك فضي اكتر من مرة

**nannah** · 23-11-2014 02:47 PM

ولعلم حضرتك انا مغير فلتر بنزين لما العداد كان 80 الف فى التوكيل وبعدين على 100 جابت طرمبة فكيت وجبت واحدة ملهاش ملة ب 200 جنية وركبتها وجبت فى نفس الوقت واحدة اصلى دينسو من الامارات يالف جنية مصرى تقريبا ولما العربية قطعت مرة تانية كان العداد عامل 120 الف ركبت الطرمبة الاصلى وربنا يسطر عليها لان الواضح ان البنزين سىء جدا بس طبعا استك العوامة عايز يتغير لانة وسع والصمولة عايزة تتغير لانها من كتر الفك برة التوكيل ليها سنان اتكسرت لان طبعا بعطل على طريق سفر فبطر اجيب اى ميكانيكى يشتغل فيها بس ببقى واقف على دماغة