عملت كل حاجة ومفيش نتيجة للنوبيرا

**وائل فريد** · 20-11-2014 11:41 AM

من ساعة ما غسلت العربية وهي فيها حاجة غريبة اولا في رعشة خفيفة اوي يعنى حركة الموتور مش منتظمة والعربية واقفة . ثانيا العربية مكتومة يعنى تبقي مكتومة وفجاءة تسحب اما لما بشغل التكييف العربية مبتبقاش عايزة تمشي مهما دوست بنزين.بصو بقي انا عملت حاجات كتير والمشكلة بردو زي ما هي اولا نظفت البوابة وحساس البوابة ثانيا غيرت البوجيهات وسلوك البوجيهات واخيرا غيرت الموبينة وبعد ماغيرت الموبينة لقيت الموضوع زي ماهو الميكانيكي قالي هاتظبط مع الوقت علشان الصبابات كربنت بس انا مش مقتنع وياريت اللي عنده حل للمشكلة يقولي اضبط العربية. وشكرا

**Mecha** · 20-11-2014 11:48 AM

بمسدس هوا وتنفخ كل الفيش والحساسات

**وائل فريد** · 20-11-2014 12:05 PM

انا غاسل العربية من شهر معتقدش ان لسة في ميه في اي فيشة

**Mecha** · 20-11-2014 12:20 PM

حضرتك الميكانيكا مش بالاعتقاد ,المفروض نفخة الهوا كانت بعد الغسله ,لكن الوقتي الميه والجاز لمو تراب وطين وخصوصا حساس اكلرنك

**Sameh samy** · 20-11-2014 12:22 PM

غالبا رشاشات

**غزلة** · 20-11-2014 12:57 PM

فك جميع الفيش و رش عليه wd40

**وائل فريد** · 20-11-2014 02:48 PM

طب ياجماعة فين حساس الكرنك ده في العربية؟

**Mecha** · 20-11-2014 04:04 PM

صباب ايه اللي هيكربن ,هو الغسيل بيشيل الكربون!!!!!!!!!!!!!!
ايه الكدب والنصب دا ,ولدع كام في الاستساره دي

**هيثم الشرقاوى** · 20-11-2014 04:12 PM

زى ما الأخوة الكرام قالولك نضف جميع الحساسات باسبراى الخاص بالاشياء الكهرباءية وان شاءالله تظبط

**asas630** · 20-11-2014 09:18 PM

انا اعتفد ان ديه مشكلة في طرمبة البنزبين وقد تزامن بوظنها بالصدفة مع الغسيل لان حضرتك بتقول ساعات العربية بتسحب معاك ديه اعراض تخريف طرمبة البنزين

بالنسبة لحساس الكرنك مفهوش حاجة عندك لان الحساس لما بيبوظ العربية مدورش اصلا

الفيش لو كان جه فيها مية كانت عملت شورت سيركيت ولمبة ال الشيك نورت وده محصلش معاك

شيك علي طرمبة البنزين و فلتر البنزين انا متابع معاك

برده في تجربة انا بعملها كدا شيل الكنبة الي ورا و شيل الكفر البلاستيك الي علي طرمبة البنزين وخلي حد يقعد ورا واول ماتلاقي العربية اتكتمت خليه يخبط علي الطرمبة جامد بمفتاح او اي حاجة لو سحبت معاك اثناء او بعد الخبط يبقي ميه في الميه عايز تغير الطرمبة