الموضوع: موسوعة لمواتير الجولف 2 و3 والابيزا 1994-2002

هدية منى لعشاق الجولف و الابيزا

النهارده هنعمل موضوع لانواع المواتير الى يمكن تسقيطها فى الابيزا والقرطبه من موديل 94 لموديل 2002

والمواتير دى بتنقسم لنوعين هما:

اولا: مواتير يتم تسقيطها بدون تعديل فى القواعد وتنقسم الى:

1- مواتير يتم تسقيطها بدون تغير فى العفشه
2- مواتير يتم تسقيطها مع تغير العفشه و الجاكمان

ثانيا: مواتير يتم تسقيطها مع تعديل بسيط فى القواعد (طبعا من غير لحامات او قص علشان الموتور يترخص)
ملحوظه: فى حاله التحويل من موتور كربراتير زى ال 1300 وال 1600 كربراتير الى اى موتور انجيكشن لابد من تعديل بسيط بتركيب تانك بنزين جولف 3 او ابيزا انجيكشن وتركيب طرمبه بنزين كهربا

المواتير التى يتم تسقيطها بدون اى تعديل فى القواعد:

أولا: مواتير يتم تسقيطها بدون اى تعديلات(عفشه او جاكمان)

الموتور الـ 1000 8 صباب:

موديل 98 : 99 كود AER



موديل 2000:2002 كود ALD / ANV / AUC



الموتور ده نزل على فئتين فئه من موديل 98 و99 والفئه التانيه موديل من 2000 الى 2002 mpi

يمتاز الموتور ده بانه استهلاك بنزين قليل جدااا حوالى 350 كم الصفيحه فهو يعتبر افضل المواتير للاستخدام داخل المدن مع التوفير دون السفر فترات طويله
قوه الموتور: الموتور بيدى قوه ( 37KW ( 50hp – rpm 5000
وعزم قوته ( rpm 3000:3600 - 86N)
ملحوظه : توافر قطع غياره بنسبه كبيره والتى تشترك مع مثيلها من مواتير ال 1400 و ال 1600

الموتور الـ1000 16 صباب:



كود AVZ
ونزل الموتور ده فى القرطبه 2000:2002 ويمتاز الموتور بقوته وعزمه مع قله السعة اللتريه له فاستهلاكه للبنزين يتراوح بين ال 300 : 350 كم / الصفيحه
فهو بيعطى قوه (70 51KW ( rpm 6200 / hp
وعزم قوه ( 90 rpm4500 / N)
الموتور ده بدون طبه زيت من الاسفل فبيتم تغير الزيت عن طريق الشفط
قطع الغيار متوفره نسبيا ولكن يعوض هذا قوه الموتور وادائه مع توفير استهلاكه للبنزين

الموتور ال 1300 الكربراتير:



وهو الموتور الاكثر شهره فى الابيزا 94 و الجولف 2 وقد ظهر بكود AAV
وبالرغم من سعته و قله قوته الا انه من اكثر المواتير الشاقه والتى قد اطبعت اسم شركته فولكس
ولكن يعيبه استهلاكه للبنزين حيث يصل الى 250 كم/ الصفيحه فى احواله الجيده ولكنه يمكن استخدام بنزين 80
ويعطى الموتور قوه (40kw - 45hp/5000)
وعزم دوران يصل الى( 95N – 3400 )
ولكن يعيب هذه المواتير قله قطع غيارها الان بالرغم من سهوله صيانته


الموتور 1400 8 صباب انجيكشن كامل:

موديل 98 :99 كود AEX / APQ



موديل 2000:2002 كود AKK / ANW / AUD



الموتورده زيه زى ال 1000 ال 8 صباب بالظبط ونفس الشكل وبينزل بفئتبن فئه موديل من 98 ل 99 والفئه التانيه من 2000 ل 2002 ومسمى mpi استهلاك البنزين مابين المتوسط 300 كم الصفيحه
قوه الموتور 60hp – rpm 4700) 44kw)
عزم ( 116N – rpm 3300 )
المواتير دى تمتاز بتوافر قطع غيارها فهى هى تقريبا قطع غيار الموتور ال 1000 سىسى

الموتور 1400 8 صباب هاف انجيكشن:

وجاء الموتور ده فى كل من الجولف 3 و الابيزا من موديل 96 وحتى موديل 97
فجاء تطويرا لنظام الكربراتير ال 1300 وكاستهلاك بنزين متوسط بين الكربراتير و الانجيكشن الكامل



وياتى الموتور بكود ABD
وقوه 60hp – rpm 5200) 44kw)
وعزم (N 107 – rpm 3200)
وياتى استهلاك البنزين اعلى من سابقه ال 1400 فهو ذو رشاش واحد فقط فهو حلقه وصل بين الكربراتير والانجيكشن حيث يكون استهلاكه بمتوسط 250 كم / الصفيحه وقطع غياره الى حد ما متوفره ومشتركه مع ال 1400 موديل 98 الى حد ما ولكنه يحتاج الى ضبط السلانسيه كل فتره

الموتور 1400 16صباب انجيكشن:

الموتور ده نزل بصورتين صوره 75 hp وصوره 101 hp
الصوره ال 75 نزلت فى الابيزا و البولو وبتنزل بدون اى مشاكل فى الابيزا اما ال 101 فهى نزلت فى الجولف 4 وتحتاج الى بعض التعديل ويسمى الموتور ب ال1400 سكستين ( 16 )



اكواد الموتور ال 1400 16 75hp ABE – AUA
قوه (55KW ( 75hp – rpm 5000
عزم ( 128N – 3300 )
جاء الموتور ده فى البولو والابيزا ولكن يختاج عند تسقيطه الى ضفيره تابلو وعدادات 2 كامه وقطع غياره متوفره الى حد ما واستهلاك بنزين مابين 250 و 300 كم الصفيحه ِ

ثانيا: مواتير مع تسقيطها تحتاج إلى تغير الجاكمان

فى المواتير دى يجب تغير مقاس الجاكمان بيحيث يصبح 2 بوصه من بعد الشجرة وذللك لفرق القوة و نسبه خروج العادم عن المواتير السابق ذكرها

الموتور 1400 16صباب انجيكشن:

وكان اول نزول للموتور ده كان فى موديلات 96-99 وشكل مختلف
1.4 MPI GT والكود بتاعه AFH وفيه شبه فى الشكل كبير بينه وبين موتور الكوردوبا الـ 2000-2002 الـ 1.0 16v الـ AVZ
يعيب هذا الموتور عدم توافره وعدم توافر قطع غياره ولكن يعوض عن هذا ادائه الشديد الذى يعد اشد من بعض المواتير ال 1600 ولكن استهلاك بنزين مابين ال 250 كم \ الصفيحه



والموديل التانى نزل من 2000-2002 وتقريبا نفس شكل الموتور الـ75 حصان الـ AUA ولكن 101 HP ومن الحاجات اللى بتميزه فى الشكل عن الـ75 حصان ان كابلات البوجيهات لونها أحمر
اكواد الموتور 1400 16 101hp AFK – AUB
قوته -rpm 6000- 101hp ) 74KW)
عزمه ( 128 – rpm 4500)




الموتور ال 1600 كربراتير:




كوده ِ AEA ABU
الموتور ده نزل فى الجولف 2 و فى الابيزا وموتور شاق ولكن يعيبه استهلاكه الشديد للبنزين
قوته (55KW ( 75hp – rpm 5200
عزم ( 126N – rpm 2600 )
طبعا قطع غياره بدات انها تقل لبعد عمره الطويل استهلاكه فى متوسط ال 200 كم الصفيحه

الموتور ال 1600 انجيكشن:



كود ALM - AEE – AHS عام 97 : 2000
نلاحظ انه شبه الموتور ال 1400 و ال 1000 ونسبه انضغاطه حوالى 9 اى يمكن ان يعمل بكامل قوته باستخدم بنزين 90
قوته (55KW ( 75hp – RPM 4800
عزم ( 135N – 2800 : 3600 )
الموتور ده يمتاز بقطع غيار متوفره فهو بيشترك مع ال 1400 وال 1000 فى العديد منها واستهلاك بنزين جيد 230كم \ الصفيحه بيجمع بسرعه


ثالثا: مواتير لتسقيطها يجب تغير الجاكمان والعفشه

اما المواتير دى فهى تبدا من ال 1600 الى بيتغيرلها جاكمان علشان شده خروج الغازات عن ال1300 و ال 1400 وال 1000 كما يتم تغير عفشه إالى عفشة أكبر حجما وذللك بسبب زيادة وزن الموتور و وقوته واللى بتحتاج فرامل اكبر واقوى

الموتور ال 1600 هاف انجيكشن:

url=http://nileup.com/up/][/url]

نزل الموتور على الجولف 2 وموديل 94 : 97
وكوده 1F
ويعمل بنظام الرشاش الواحد فبالتالى هو اكثر توفيرا فى البنزين من الموتور ال1600 الكاربراتير كما يعمل بالبنزين ال80 دون اى مشاكل ولكن يجب لتسقيطه توافر طرمبه بنزين كهربا خاصه بالموتور ال 1600 ولكن يختلف عن المواتير السابقه انه لتسقيطه يجب توافر العفشه الكبيره ( كبالن حجم كبير – طنابير 4 خرم حجم كبير مقاس 14 بوصه مع ماستر الفرامل الكبيره – عصايه فتيس كبيره )
ملحوظه العفشه دى ميركبش عليها الجنوط ال 13 يعنى لو هتركبه لازم جنوط مقاس 14 اقل شئ

قوه الموتور (55KW ( 75hp – rpm 5200
عزم ( 125N – 2600 )

الموتور ال1600: ( الفهد الابيض )

URL="http://nileup.com/up/"][/URL]

كوده ِAFT – AKS
الموتور انجيكشن كامل بس منافول ابيض فوق الموتور ومسمى ايضا المينافولد المقلوب او الفهد الابيض 96- 99
الموتور 1600 بس اتسهلاكه عالى شويه للبنزين ممكن يوصل ل 190 : 200 كم \ الصفيحه فى مقابل بيدى قوه و عزم جبار بالنسبه لموتور قديم و 1600
نزل فى البولو السيدان و الجولف 3 و بعض سيارات الابيزا الGT
الموتور لتركيبه يحتاج لتغير العفشه للعفشه الحجم الكبير (طنابير 14 بماستر فرامل – كبالن كبيره - ويايات كبيرة ) كما يفضل تغير الطنابير الخلفيه للطنابير الكبيره او سكاكين للشده الموتور ولكن يعيبه عدم توافر قطع غياره وخاصه الكونترول و الايرماس
قوته ( KW74 ( 101 hp – RPM 5800
عزم (140N – RPM 3500)

الموتور ال 1800 هاف انجيكشن:



كوده ِABS اشهرهم وفى كمان ِADZ – ANP – ADD
منصحش حد بيه لانه استهلاك بينزين وقوه واداء مش اوى بس ميزته حمال قسيه وبيحتاج لتسقيطه برده العفشه الكبيره ( طنابير كبيره كبالن كبيره )
قوته (66Kw ( 90hp – RPM 5500
عزمه (145N – RPM 2500 )

الموتور ال 1800 pB

URL="http://nileup.com/up/"][/URL

محبوب عند ناس كتير يمكن علشان صوره افضل لل 2E بس تقريبا مبقاش موجود فى السوق خاصه البلوكه وبرده بيحتاج العفشه الكبيره طنابير وماستر فرامل
112HP – 5400RPM) 82KW)
عزم (155N- RPM 4000)

الموتور ال1800 16V



كوده اشهرهم KR
بدايه للمواتير الشديده ولكن يعيبه انه يحتاج لضبط كل فتره ونزل على الجولف 2 GTI وقطع غياره غير موجوده يحتاج لتغير طقم الفرامل بالكامل امامى وخلفى بطنابير سكاكين كبيره وسيرفو
(102KW (139 Hp – RPM 6300
عزم (168 – RPM 4600)

الموتور 2000 8v



كوده 2E - AGG – ABA –Ady
استهلاك بنزين معقول بس هورس باور مش اوى بس عزم جامد و 8v
مشكلته تظهر فى الافلوميتر قليله وسعرها يصل ل 1000 جنيه فى حال الموتور كله كامل ب 5500 وتم التعديل فى العيب ده فى الموديل بتاع ال ADY حيث يعمل بالايرماس
بيطلع هورس باور 115Hp – 5400 ) 85Kw)
عزم ( 166N- Rpm 3200 )


الوحش 2000 16v ABF




الموتور ده من اشد مواتير الجيل ده وحامى جددااا يعمل على 4 سليندر بس وبيطلع قوه ال 6 سليندر فى البى ام ومن غير تربو
فلو اتربن توين تربو ممكن يدمر الدنيا
المكنه يعيبها قله قطع غيارها ولكن موجوده
قوته 150HP – 6000 RPM ) 110KW)
عزم ( N180 – RPM 4600 )
بيوصل من 0:100 فى 8 ثوان فقط
وعيبه قله الكونترول

الوحش VR6 2800



كود AAA الموتور 2800 سىسى الموتور نزل على سيارات جولف
الموتور هورس باور HP175 – RPM 5800 ) 128 KW)
عزم ( 235N – Rpm 4200 )
موتور جبار بيجرى لما تعوزه يجرى ويبقى هادى لما تحب
يتطلب لتنزيله طرمبه بنزين خاصه وعفشه كامله و نظام فرامل خاصه لايقافه وطبعا شداد لحوض العربيه اصل يسيبك ويجرى لوحده ههههههههههههه


الوحش التانى 2900 VR6



كود ABV هو اقدم من ال 2800 بس اشد قوه HP190 – RPM 5800) 140KW)
عزم (245N – RPM 4200 )

قائمه المواتير ال G ( السوبر تشارجر ):

المواتير دى من المواتير الجباره الى نزلت فى فولكس رغم انها سوبر تشارجر مش تربو بس طلعت قوه وعزم اشد من التربو ال 1800 T وده اكبر دليل ان مواتير الجولف 3 كانت اسطوره

G40



محرك 1.3 8V 115hp G40 تم تصنيعه فى الفترة من أغسطس 1986 إلى يوليو 1994 الموديلات التى نزل بها : فولكس فاجن بولو جي تي MK2 GT كوبيه 5 speed manual


G 60

وده نزل منه طرازين:

الطراز الاول G 60 8V

موديلات التى نزل بها : جولف 2كوبيه من1983- 1992 و الباسات B3 من 1993-1988 و الكورادو كوبيه من 1995–1988
انتج قوه هورس باور (118KW (160HP – RPM 5800
عزم ( 225N- RPM 3800 )



الجيل الثانى v16 فى سيارات خاصة من مجموعة vw بنظام الدفع الرباعى والمعروفه ب 4MOTION امكانية Tornado للمحركين السابقين قطع غيار قليله نسبيا للمحركين



هورس باور HP210 – RPM 5800 ) 154 KW)
عزم ( N247 – RPM 5000 )

فى النهايه احب اشكر كل من المهندس حسام الصادق بنك المعلومات و المهندس ايهاب صاحب الخبره و البوب كريم الى على طول بيجيب المخفى و الاستاذ محمد سيد منسق القسم والى إن شاء الله هينسقلنا الموضوع ده واكيد محمود الى بيتعب معايا فى جمع المعلومات دى وكل اعضاء القسم بس معلش انتوا كتير اوى فاى حد مكتبتش اسمه ميزعلش
كما اوجه تحياتى للدكتور خالد خليل
وانتظرونا إن شاء الله فى المشاركه التانيه والى فيها تكمله الموضوع وتضم المواتير التى يمكن تسقيطها مع تعديل بسيط فى القواعد ( بدون لحامات بدون قص يعنى هتترخص عادى )

Ahmed . G . Ahmed