هشترى صنى 2015

**Islam Zaki** · 21-11-2014 03:07 AM

ان شاء الله هحجز صنى الشكل الجديد 2015 , بس انا اكتر حاجة هعملها بالعربية دى السفر وهحمل فيها حاجات هل العربية هتكون كويسة معايا فى السفر وانها تستحمل , وخاصة عوامل الأمان اللى فيها لأنى سمعت ان الفرامل بتاعتها و الكاوتش مش كويسة , وعندى استفسار تانى هل الرؤية فيها بتكون كويسة وأبعاد العربية سهلة ولا رخمة أرجو اللى عنده معلومة يفيدنى لأنى ان شاء الله هروح أحجز بكرة

**د.هشام** · 21-11-2014 10:04 AM

العربية ممتازة، بس لازم تكون عارف ان السرعة الآمنة للعربية من 120 حتى 140 على حسب الظروف الجوية علشان العربية وزنها خفيف وعالية عن الأرض.
لو عايز ثبات أحسن ممكن تفكر في البروتون أو الشارك أو الكروز

**Islam Zaki** · 21-11-2014 10:26 AM

انا محتاج عربية عالية علشان هبقى شايل فيها حاجات كتير والسرعة هتكون من 100 لى 140 ده كويس جدا مش هزود عن كدة ده لو وصلت ل140 بس المهم مشكلة الفرامل دى حقيقية وﻻ ﻻ

**m_elhenawy** · 21-11-2014 02:39 PM

متابع

**وائل فريد** · 23-11-2014 07:17 AM

انا كمان ناوي احجزها بس كنت عايز اعرف احجزها ازاي وبكام وهاخدها بعد قد ايه

**the lawyer** · 23-11-2014 07:45 AM

لو انا مكانك مش حشتريها ... مجرد رأي
نصيحة هات حاجة تانية زي البروتون ثبات ممتاز وخصوصا انك حتسافر كتير او لو تزود 155 ألف وتجيب كروز وفيه الفلوانس أول فئة بنفس السعر او تنزل شوية وتجيب بيجو 301

**salam100100** · 23-11-2014 10:48 AM

سياره ممتازة
معايا من شهر 9
حجزتها من السبع فرع المعادى - دفعت 10000 حجز واستلمت بعد 4 ايام مع دفع مبلغ فوق ثمن السياره (اوفر بريس) للاستلام الفورى

انا مبشتكيش من الفرامل ولا الكوتش
العربيه استابيليتى بتاعتها احسن وهيا محمله

استهلاك البنزين على الطرق السريعه رائع لكن داخل المدينة مش حلو

مبروك مقدما

**Sameh samy** · 23-11-2014 01:32 PM

منصحكش بيها انا بفضل الصني شكل قديم او اوبتر شكل قديم ولو تعرف تزود وتجيب الشارك افضل

**Islam Zaki** · 23-11-2014 04:57 PM

مش هعرف ازود فلوس خالص عن السعر ده , انا حجزتها من اوتو ايجيبت فرع مدينة نصر بألف جنيه وصورة البطاقة والاستلام بيكون خلال 3 أسابيع أو شهر , ولو وصلت قبل كدة هيتصل بيك , بس معلش كنت عايز اعرف هو الاستخدام داخل المدينة بيكون اد ايه فى الصفيحة

**Islam Zaki** · 23-11-2014 06:35 PM

يا جماعة معلش سؤال مهم جدا علشان العربية دى انا هسافر بيها كتير وناس خوفتنى من الفرامل , اللى معاه العربية موديل 2015 او 2014 هل الفرامل كويسة ولا لا لأنها مهمة جدا جدا