يـــــــــــــاأهل الزقــازيق الكــــــرام مساعـدة لو سمحتم

**se.no** · 21-11-2014 07:03 PM

السلام عليكم ورحمة الله
انا عضوة جديدة معاكم ويارب تتقبلونى معاكم ان شاء الله
انا دلوقتى عاوزة معرض سيارات مستعمله ويكون بالتقسيط يعنى ادفعلو مبلغ محترم كده واقسط الباقى ياريت لو حد يعرف معارض مستعمله وبتتعامل بنظام التقسيط يدلنى عليها
وشكرا لكم

**muhmado_furp** · 21-11-2014 08:08 PM

أهلا بيكي معانا في المنتدي
انا من المترددين علي مدينة ابو كبير وزوجتي من هناك
واشتريت أكتر من مره من تجار في الزقازيق
فمن خبرتي
الناس المحترمين والي بيبيعوا عربيات مش ملعوب فيها من الصعب يبيعوا تقسيط لاي حد لازم تكون معرفة
وكمان بيبقوا جزء صغير جدا وعلي وعدة قريبة
لكن الي بيبيع أقساط طويلة لازم تتاكدي من العربيه وتكشفي عليها كويس
وخدي بالك الزقازيق مش زي القاهرة في اماكن كتير ممكن تكشفي عليها
لازم صنايعي ثقه سواء سمكري أو بوهيجي وكمان ميكانيكي

**semsem5144** · 21-11-2014 10:28 PM

كنت سمعت ان في بنوك بتقسط العربيات المستعمله ,بس ماعرفش تفاصيل غير اني كنت ببيع عربيه من سنه واللي بيشتري قالي معرفتش اكمل المبلغ ففيه واحد صاحبي شغال في شركة الشرق للتامين قالي دخلها معرض وانا هجيبله موافقه انه يقسطها بس للاسف انا عايش في السعوديه واجازتي كانت خلصت فركنت العربيه في الجراج وسافرت .
روحي معرض خالد ابوزيد اللي في نص شارع الغشام واسألي على التفاصيل هما ناس محترمين وخالد في السوق من زمان وممكن يساعدك .
ربنا يوفقك