أستاذ جوزيف أهلاً بيك، أنا نصيحتي ليك كأخ في الله انك تبعد عن مجال السياحة كلو.... من الآخر بهدلة و قلت قيمة. أنا اشتغلت تور ليدر من حوالي 15 سنة في شركة سياحة في شرم الشيخ أنا خريج تجارة خارجية قسم إنجليزي و بتكلم إيطالي و شوية أسباني و فرنساوي كمان... المهم لا عقود عمل و لا تأمينات إجتماعية و لا مواعيد شغل محددة... و لا إلتزام بساعات عمل محددة و عائد 3 مليم! و نشاط كل 2 - 3 سنة ينضرب تقريباً بالكامل لأسباب كتير ذي ما إنت عارف! طب كل دة ليه؟ إنت معاك شباب و شهادة و لغة... نصيحتي ليك إشتغل في تخصصك، بنوك دولية، شركات بترول، مكاتب أمم متحدة... متشتغلش في قطاع خاص مصري أبداً على التعميم. ربنا معاك و لو احتجت أي مشورة مني أنا تحت أمرك، أخوك في الله أحمد سامي
المفضلات