مشكلة في الجير بيجو 307

**leprof_86** · 23-11-2014 04:10 PM

عندي بيجو 307 موديل 2003 سعة محرك 1600 سي سي .. من حبي في العربيه دي اشتريتها وفيها عيب جير مع اي عزم الاقي الجير بيفصل مني ومش بيبدل اخرو يفضل ماشي عالتالت .. انا عايش في الكويت وهنا بهايم اي حاجه يقولك بدل علاطول شيل وحط معندهمش حاجه اسمها تصليح .. واحد ميكانيكي قالي في حاجه اسمها كلتشات في الجير دي عندك محروقه ولازم الجير كله يتغير .. وبصراحه سعره غالي شويه فلو حد من اهل الخبره في البيجو يقدر يفيدنا بحاجه ...

**Mecha** · 23-11-2014 04:20 PM

لاي ورشه ميكانيكا عاديه شيل الجير وركب واحد متعمر او جديد الاتنين بالضمان ,عمرة الفتيس الاتوماتيك خصوصا الاوروبي عاوزة متخصص

**Anaslbda** · 23-11-2014 05:18 PM

من حبي في العربيه دي اشتريتها وفيها عيب جير

يا راجل يا طيّب حد يشتري 307 فتيسها معيوب؟!!! اقسم بالله لو برخص التراب قدامي ما هاخدها.

عربيتك جابت فتيس فعلاً يا صديقي.. ممكن نقعد نهري لحد الصبح في حلول من تغيير بلوفات على كلتشات على كنترول على بطيخ.. هتصرف قد كده ع الفاضي و المشكلة هتروح وهترجع تاني بعد 6 شهور.

نصيحة أخوية من مالك لل307, شوفلك فتيس نضيف استيراد (تشاليح عندكم في الكويت) يكون ماشي كيلوات قليلة وسقّطه في عربيتك. وخلي في بالك ان تسقيط الفتيس لا يعيب العربية في اي شئ.

هنا في مصر في فتايس 307 استيراد بتلمع من نضافتها بتتفك قدامك من عربيات انصاص, لو ملقتش في الكويت اتصرف خلي حد يبعتهولك من مصر.

**leprof_86** · 23-11-2014 05:43 PM

المشاركة الأصلية كتبت بواسطة anaslbda

يا راجل يا طيّب حد يشتري 307 فتيسها معيوب؟!!! اقسم بالله لو برخص التراب قدامي ما هاخدها.

عربيتك جابت فتيس فعلاً يا صديقي.. ممكن نقعد نهري لحد الصبح في حلول من تغيير بلوفات على كلتشات على كنترول على بطيخ.. هتصرف قد كده ع الفاضي و المشكلة هتروح وهترجع تاني بعد 6 شهور.

نصيحة أخوية من مالك لل307, شوفلك فتيس نضيف استيراد (تشاليح عندكم في الكويت) يكون ماشي كيلوات قليلة وسقّطه في عربيتك. وخلي في بالك ان تسقيط الفتيس لا يعيب العربية في اي شئ.

هنا في مصر في فتايس 307 استيراد بتلمع من نضافتها بتتفك قدامك من عربيات انصاص, لو ملقتش في الكويت اتصرف خلي حد يبعتهولك من مصر.

يعني لو سقط فتيس استيراد المشكله مش هترجع تاني بعد 6 شهور .. وكمان هنا في التشاليح بيقولولي فيه نوعين واحد استخدام الكويت والتاني استخدام فرنسا بس طبعا متقدرش تعرف هو ماشي قد ايه

**ghaith_peogeut** · 23-11-2014 09:39 PM

جربت تغير الزيت وتعمل تصفير لعداد استهلاك الزيت ؟؟ الحالة التي تقصدها تسمى limp mode وهي حالة يدخل فيها الفتيس بحالة SAFE MODE بسبب تجاوز عداد عمر الزيت الحد المقرر ..خلي في بالك تغيير الزيت وثم تصفير العداد لان تغيير الزيت وحدة لايكفي لاخراج الكيربوكس من حالة ال LIMP MODE وفي حال لم ينفع هذا الحل انصحك بتغيير الفتيس .

**م أحمد** · 24-11-2014 07:37 AM

المشاركة الأصلية كتبت بواسطة ghaith_peogeut

جربت تغير الزيت وتعمل تصفير لعداد استهلاك الزيت ؟؟ الحالة التي تقصدها تسمى limp mode وهي حالة يدخل فيها الفتيس بحالة safe mode بسبب تجاوز عداد عمر الزيت الحد المقرر ..خلي في بالك تغيير الزيت وثم تصفير العداد لان تغيير الزيت وحدة لايكفي لاخراج الكيربوكس من حالة ال limp mode وفي حال لم ينفع هذا الحل انصحك بتغيير الفتيس .

نقطة تصفير العداد بواسطة الكمبيوتر فى كتير لا يعلمها و ان هى ممكن تكون سبب عمل الفتيس حتى الغيار الثالث فقط ولمبات السبورت و السنو بتنور بسبب النقطة دى