الموضوع: تحذير من الثرموستات فى دورة التبريد

تجربتى المؤلمة عن ثرموستات الزفت الكوعة

عربيتى كيا سيراتو
حصل مرة معاياة مشكلة فى الريداتير نتيجة خبطة فى وش العربية قبل كدة حادثة قديمة المهم طلعت على الميكانيكى لانى خليجى طبعا ماروحتش للتوكيل المهم الميكانيكى قالى ياباشا الترموثتات مالهاش لازمة ولازم تتشال وهاتعملك مشاكل (طبعا كلام فتى وهرى وهتلاقى معظم الصنايعية حافظين الفتوة دية )

( الثرموستات معمولة للدول الباردة مش للدول اللى فيها الطقس حار ) الفتوى التاريخية للصنايعية

المهم شلت الثرموستات ومشيت حوالى سنة كمان بالعربية والدنيا فول واخر تمام

ولما قريت عن اهمية الثرموستات فى المنتدى قولت طالما الخواجة اخترعها وحطها يبقى اكيد مهمة وفى مرة وانا بعمل الصيانة خدت الثرموستات معايا وقولت اركبها تانى ووللاسف المفروض كنت اشترى واحدة جديدة علشان بتاعة الفابريكة مركونة سنة واكيد اتغيرت وباظت المهم بردة حاجة الفابريكة حاجة تانية مشيت بيها حوالى 6 شهور متواصل والدونيا بيييييييييييييييييييييييي ييس وكلة تمام

وعلى حظى تعملها معايا فين بقى على طريق مصر اسكندرية الزراعى العربية اتوماتيك وبتيجى على السرعات القليلة جدااا وانا مثلا بهدى على مطب العربية ترجج جامد والمؤشر الحرارة يعلى وينور والسيراتو عيبها ان مافيش مؤشر للحرارة بس لمبة تنور بجد عيب مش ميزة الموضوع دة

وطبعا علشان كنت على الزراعى لاقيت ميكانيكية بس من النوع اللى هما معاهم دكتوراة فى الفتى ههههه
قالى يابية الردياتير واخد هوا وماتقلقش

ونادى على الواد اللى معاة انت ياد يابن ال #$^^&^%$ هاتلى خرطوم المياة بسرعة قمومت قايلة حاسب ياعم دية بتاخد مياة خضراة قام قالى يابية المكنة نار وهوة مش عارف السبب

اللى اكتشفتة بقى ان الثرموستات كانت قافشة نتيجة للركنة والمياة فعلا لما تيجى تزودها تحس انها مليانة والردياتير مش عايز مياة بس طبعا الموتور من تحت مافيهوش الهوا فاضى تمام

طبعا للاسف فى اسكندرية روحت لكهربائى يكشف على دورة التبريد انا طبعا ماكنتش اعرب انها قافشة وحاسس ان العيب من الريداتير نفسة

اللى حصل انى غيرت المياة خالص ونشيكت على الريداتير كلة سليم وقولت امين والعربية ظبتتطت معايا اليوم دة لحد بقى وانا راجع العربية ماشية فل على السرعات العالية لحد وانا داخل على الزحمة ونتيجة للسخونية الزايدة طبعا النتيجة معروفة جابت جوان وش سلندر الحمد للة بس تضايق خصوصا لما المكنة تكون زيرو وماكملتش 50 الف كيلو


اللى انا عايز اقولة انك لازم تتطمن على الثرموستات ويفضل لو هاتركبها تجيبها من التوكيل وماتجبش حاجة مضروبة

الحمد لله على كل شىء الواحد مش بيتعلم ببلاش