رأيكم في 408 ضرورى أرجوكم المساعده

**bashatly** · 25-11-2014 10:33 AM

بفكر أجيب 408 موديل 2012. هل العربيه فيها مشاكل ؟ والسعر المناسب ليها كام؟

**Dr.a.osman** · 25-11-2014 09:44 PM

بص يا باشا. أنا كان معايا 408 2012. العربية ثابتة جدا و تقيلة جدا على الطريق و أوسع صالون فى العربيات تحت ال 200 ألف و ده عن تجربة معظم العربيات دى. المشكلة اللي خلتنى ابيعها هى سوء التوكيل و ندرة قطع غيار الموديل (و انعدامها بره التوكيل) ده نظرا لسوء مبيعاتها. تخيل قعدت ألف على مراية حوالى شهر عشان يجيبوها. النقطة التانية هى كانت مشكلة في نظام التوجيه و محدش عرف يحلها (مكنه الباور بتاعتها صينى و كانت زباله الصراحة و بوظتلى علبة الدركسيون على 15 ألف كيلو مع أن استخدامى كان سفريات فقط و ده خلاني أقفل منها و أبيعها). كمان العربية كانت بترزع ما بين الأول و التانى و ده عيب شائع فى الموديل ده و بعض موديلات بيجو الأخرى. رأي المتواضع شوف حاجة تانية أكتر انتشارا عشان متغلبكش فى صيانتها و بيعها بعد كده.
شكرا

**Anaslbda** · 26-11-2014 11:32 PM

استمتع بالأوبشنات الكتيرة والسواقة الناعمة والوسع لكن على المدى البعيد reliability = صفر.
وهو ده العادي بتاع الفرنساوي.

**bashatly** · 29-11-2014 10:42 AM

الف شكر يا جماعه على المساعدة القيمه

**road_master** · 30-11-2014 12:11 AM

المشاركة الأصلية كتبت بواسطة bashatly

الف شكر يا جماعه على المساعدة القيمه

السلام عليكم
بص مش هتلاقي ردود كتير لان العربية منزلش منها غير ٢٠١٢
ومنزلتش تاني( السبب اللي أعرفه انها بقت موتور ٢٠٠٠ سي سي و غير متأكد من صحة المعلومة)
انا معايا العربية دي من ٢٠١٢ و بغض النظر عن التريلا اللي عجنتلي الرفرف اليمين بعد شهرين من استلام العربية االحمد لله رب العالمين مشتكتش منها خالص ومعملتش غير الصيانات و ربنا يديمها نعمة
مفيش دبة ولا رزعة ف الغيارات خالص عندي
قطع غيارها كلها ٣٠٧ و ٣٠٨ ماعدا البودي الخارجي عشان كده غالبا مش هتلاقيه الا ف التوكيل
http://www.nilemotors.net/Nile/313615-408-2012-a.html
اللينك ده ف أهم موضوعات القسم عن العربية بشرح كامل و تقارير صيانة ال ١٠٠٠٠
٢٠٠٠٠
و ال ٣٠٠٠٠ انا عملتها و كلفتني ١٠٥٠ جنيه تقريبا من شهرين
وأي خدمة

**road_master** · 30-11-2014 12:18 AM

المشاركة الأصلية كتبت بواسطة Anaslbda

استمتع بالأوبشنات الكتيرة والسواقة الناعمة والوسع لكن على المدى البعيد reliability = صفر.
وهو ده العادي بتاع الفرنساوي.

معلش مع كامل احترامي لحضرتك ممكن توضح يعني ايه realiability = 0
انا مبركبش غير بيجو
من اول ٥٠٤ و بعدين ٢٠٦ ( معايا حتي الان) و بيجو ٤٠٨
التوكيل زفت الزفت وغالبية توكيلات البلد دي كده
ولو ال ٢٠٦ مش ماسكة نفسها لحد دلوقتي مكنتش جبت ٤٠٨
لاني ف الاخر بقيت أعتمد علي نوعية العربية نفسها قبل التوكيل
At last i bought this car because peugeot durability is very high