لانوس جيوليت

**hamo442002** · 25-11-2014 04:44 PM

السلام عليكم

سؤالي عن لانوس جيوليت
بصراحة العربية عجباني بس كتير خوفوني منها
ان ملهاش قطع غيار في السوق و ان قطع غيارها ان كانت موجودة بتبقى غالية
و ان عيوبها و مشاكلها كتير فكنت عايز اعرف هل ده صحيح ولا ايه
و سؤال تاني هل موجود منها موديلات اوتوماتيك ؟
و ما الفرق بين الجيوليت العادية و الجيوليت السبورت
و شكرا

**asas630** · 25-11-2014 05:01 PM

الحاجة بتاعتها نفس حاجة الانوس معادا الفوانيس الخلفية والشنطة طبعا عشان هيا هتش باك
فيها منها اوتو وده في الاوربي بتاع المعاقين بس وصعب جدا تلاقيه
بس ممكن تجيبها مانيوال وتحولها انتا
الجوليت هيا نوع واحد بس والمفروض ان هيا الفئة الرياضية بتاعت الدايو

**مداح القمر** · 25-11-2014 05:31 PM

الجوليت كنت حموت عليها قبل ما اجيب اللانوس السيدان بس للاسف مالقتهاش
عربية شكلها شيك و شبابية وقطع غيارها متوفره بس يمكن الفوانيس الخلفيه
قليلة شوية و مش موجودة غير استيراد

**waga** · 25-11-2014 05:38 PM

الجولييت النسخه الكوري من الفيات 127 ..
1- من جهه انه الاتنين بيثبتوا نظريه دارون انه الانسان اصله قرد
2- الاتنين مالهموش امتداد يعني الي انقراض وماتعرفش بيروحوا فين ..يعني بص في الشارع
علي اي عربيه 127 وعدهم ... مع انه سنه 1984 يوم ما نزلت ال127 كانت امله...برضه الجولييت لما نزلت كنت تقرا اعلانات العربيات الجديده يقولك ياه الجولييت الهاتش باك وايه سعرها اعلي من الدايو لانوس وبالحجز
فين ها دلوقتي .....بح...

**hamo442002** · 25-11-2014 11:47 PM

ما ده الي خايف منه في قطع الغيار الفوانيس الي ورا و الشنطة هل موجودين لو دورت هلقيهم ولا ايه ؟!
و اخي Waga مفهمتش قصدك معلش ؟!!
و لو حولتها اتوماتيك انا الموضوع هيكلفني كام ؟!
و رايكم في العربية عامة حلوة اختارها ولا ايه ؟

**asas630** · 26-11-2014 12:11 AM

المشاركة الأصلية كتبت بواسطة hamo442002

ما ده الي خايف منه في قطع الغيار الفوانيس الي ورا و الشنطة هل موجودين لو دورت هلقيهم ولا ايه ؟!
و اخي waga مفهمتش قصدك معلش ؟!!
و لو حولتها اتوماتيك انا الموضوع هيكلفني كام ؟!
و رايكم في العربية عامة حلوة اختارها ولا ايه ؟

الفوانيس والشنطة موجودة عند بتوع الاستراد
وحتلاقي فوانيس جديدة ان شاء الله
بالنسبة للتحويل هيكلفك حوالي 4000 ج من غير متبيع الحاجات الي اتفكت

**hamo442002** · 26-11-2014 12:40 AM

تمام شكرا جدا
بس عايز اسال حضرتك ايه رايك في العربية دي و سعرها بيبقى في حدود كام بخبرتك
و هل هي احسن ولا الانوس السيدان العادية او الهيونداي اكسنت 2000 ؟؟

**asas630** · 26-11-2014 01:01 AM

بالنسبة للسعر ده متوقف علي الحالة بس هيا عامة سعرها بيلعب في الاربيعينات
بقارنتها بالانوس هيا افضل لانها النسخة الرياضية و بتنزل بجنوط سبور ومنزلش منها غير التقفيل الكوري بس
بس لو انتا استخدامك عائلي اكيد تجيب الانوس طبعا

انا شخصيا مبحبش الاكسينت كلو الي شفتهم من الموديل ده مكنه يقا مفوت دلوقتي

**محمود بهاء** · 26-11-2014 03:33 AM

قطع غيارها موجوده طبعا

**shady2012** · 21-12-2014 02:48 PM

يا باشا حاجتها كلها موجودة لانها لانوس فى كل حاجة معدا الفوانيس والشنطة طبعا وبرضة موجودين ,, وبصراحة عربية محترمة وجميلة وشبابية وكل متديها صيانة تديلك اداء احسن ...وفى منها الرياضية 2 كامة 1600 سى سى باب واحد الاغلبية منها نازل كدة .