كمستعمل :جيتا افضل ولا اوكتافيا a4 كبديل الينترا٢٠٠٩

**maabdelrazik** · 27-11-2014 12:45 AM

السلام عليكم جميعا
دلوقتي انا معايا الينترا ٢٠٠٩ ماشية ١٥٠ الف كيلو و هي اصيلة والله ماعملتش معايا مشاكل و قطع غيارها متوفرة و معقولة و اي حد بيسلك في تصليحها
بس انا كنت حابب جدا انتقل لسواقة الالماني لان سواقتي اغلبها سفر و موضوع الثبات و الامان ده مهم جدا
فابافكر ابيع و ازود شوية بحيث اجيب جيتا او اوكتافيا a 4 موديل نفس السنة او ٢٠٠٨ كيلوات اقل و حالة جيده
السؤال من شقين
هل اصلا ده قرار صح؟
ثانيا لو مشجعين ، اي اختيار فيهم افضل و ليه ، او لو في اختيار تالت بعيد عن الكوري و الياباني و الفرنسي يا ريت اعرفه

**Survival** · 27-11-2014 01:59 AM

اقولك ع الاوكتافيا ال a4 لانها معايا من سنتين
لو بتحب التسارع يبقى هتتشل لكن ثبات حلو جدا و عفشة قوية وقطع غيار معمرة و شنطة بحر دا غير انها عربية تقيلة و مصفحة.

لكن لو عربيتك مريحاك خليها افضل الا بقي لو لاقيت حالة لقطة.

**ibrahiiimooo** · 27-11-2014 03:17 AM

بص يا سيدي
العربيتين كويسين بس الجيتا ما ينفعش تتقارن بالa4 و انما تتقارن بالa5 او الفانتازيا الي هما من نفس عمر الجيتا
المقارنة بين الجيتا و الa4 محسومة تماما للجيتا بفضل الماتور الاكثر تطورا و نظم التعليق الاحدث متعدد الوصلات الي بيدي العربية ثبات مرعب مقارنة بالعمود المتصل في a4 و الي بيخلي ثباتها اقل من الجيتا
الa4 مميزاتها في المقارنة دي غير وسع الشنطة الخزعبلي ( برضة في الa5 و الفانتازيا) انها عربية اقدم في العمر و التكنولوجيا و بالتالي قطع غيار ارخص و اكثر توافرا و صيانه اسهل و ارخص و كتير بيشتغلوا فيها بحكم الانتشار و قدم السن بس ده على حساب الاداء و الثبات و الراحة داخل مقصورة السيارة و الاوبشن و الشكل الخارجي اللي تتفوق فيهم الجيتا بجدارة
بالمناسبة السكودا a4 ارخص كتيير من الجيتا

**mariachi** · 27-11-2014 04:06 AM

VW Jetta

**Anaslbda** · 27-11-2014 05:07 AM

أوكتافيا, لإن الreliability على المستوى البعيد أحسن. لو حبيت تجيب جيتا موديل السنة يبقى هتتحاج تخلّي معاك الإلينترا متبعهاش لمشاوير وسط البلد والجيتا تخلّيها للweekends والسفر عشان كنترول الفتيس ميضربش.

**maabdelrazik** · 27-11-2014 04:09 PM

يعني اللي فهمته انه لو عدلنا المقارنة ل a5 ولا جيتا فال a5 كعربية للحياة اليومية بالاضافة للسفريات افضل و صيانة نسبيا اقل تكلفة و اسهل ، صح كده؟
طيب لو دخل معاهم علي الخط اوبل فيكترا ٢٠٠٨ هل ده يغير من الامر شئ؟

**S O P H O S** · 03-12-2014 04:21 AM

طيب الشارك او الكورولا فيهم وسائل امان
وكويسين فالسفر

**melouk1** · 03-12-2014 10:12 AM

بمجرد انك فكرت كده ده يدل على تفكير راقي
توكل على الله بيع العربيه لانها لا تصلح تكون عربية فيها امان على سفر ( انا بعت الانترا ٢٠١٢ زيرو بسبب كده )
و دور في جيتا حالة نضيفة و شكرا ً

**Yousef.Kamel** · 03-12-2014 11:15 AM

اخرك فى الجيتا 2008 علشان الفتيس بس خلى بالك فى اسعار قطع غيار اﻻلمانى مختلفه عن الكورى تماما وخصوصا انها مش زيرو وبتعتمد على مدى اهتمام المالك السابق لك بالسياره