الموضوع: ايه الاحسن بيجو 508 ولا كورولا؟ حد عنده خبره ياريت يفيدني

شوف حضرتك ، لو عايز تجيب عربية من السعودية وتنزلها مصر ، نصيحة بلاش ،
أنزل أشتريها من مصر هتكون بالنسبة لك أرخص ماتجيبها من السعودية ،
وحتي لو أشتريتها وهتنزلها مثلا كمان ٣ أو ٤ سنين علشان تستفيد من خصم الجمارك ،
برضو مش هيبقي الموضوع مربح لأن وقتها هاتسعرها بسعر المستعمل منها في مصر ،
هتلاقيها واقفة عليك بخسارة ، ( فرق الزيادة عن مصر بعد الجمارك تقريبا مشهر هيقل عن
٤٠ ألف جنيه ) ،
بالنسبه للمقارنة ، مفيش أساسا وجه للمقارنه ، البيجو أعلي بمراحل من الكورولا ،
أسف للأطاله وأرجو أن أكون قد أفدتك .

بتتكلم جد ولا بتهزر ؟!
أكيد 508 طبعا :)

اشكرك يا اخوي على الاهتمام والرد...

المشاركة الأصلية كتبت بواسطة eng.mark

بتتكلم جد ولا بتهزر ؟!
أكيد 508 طبعا :)

بس هل قطع غيارها متوفره في مصر ولا هتعب على مالاقي وممكن مالاقيش؟؟؟

باشا من الاخر
ال ٥٠٨ فخامة الاوربي و اعتمادية الياباني و نعومة و شياكة الفرنساوي و قوة الالماني و يكفي انها نفس موتور الميني كوبر تربو
و انا العربيه معايا و عمليه زي الياباني بالظبط في زحمة وسط البلد بالاضافه انها ممتعه في السواقه
بالنسبه لقطع الغيار ارخص من الكوري
التوكيل مش قوي بس الحمدلله فيه مراكز خدمه معتمده بتعمل لك كل حاجه بمنتهى الاحترافيه و انا لسه مغير التيل الخلفي في الضمان و راح عيب صوت الفرامل
ملحوظه انا مبركبش من ٩٨ غير ياباني و لسه بايع هوندا سيفيك و حاليل معايا كورولا ٢٠٠٦

المشاركة الأصلية كتبت بواسطة ayman_saad

شوف حضرتك ، لو عايز تجيب عربية من السعودية وتنزلها مصر ، نصيحة بلاش ،
أنزل أشتريها من مصر هتكون بالنسبة لك أرخص ماتجيبها من السعودية ،
وحتي لو أشتريتها وهتنزلها مثلا كمان ٣ أو ٤ سنين علشان تستفيد من خصم الجمارك ،
برضو مش هيبقي الموضوع مربح لأن وقتها هاتسعرها بسعر المستعمل منها في مصر ،
هتلاقيها واقفة عليك بخسارة ، ( فرق الزيادة عن مصر بعد الجمارك تقريبا مشهر هيقل عن
٤٠ ألف جنيه ) ،
بالنسبه للمقارنة ، مفيش أساسا وجه للمقارنه ، البيجو أعلي بمراحل من الكورولا ،
أسف للأطاله وأرجو أن أكون قد أفدتك .

اشكرك يا اخوي على الاهتمام والرد...
انا محتاج اجيبها عشان هاستخدمها هنا لاني معنديش عربيه فضروري هجيب واحده وانزلها بعدين
بس السؤال هنا هو البيجو قطع غيارها متوفره في مصر؟؟؟ وهل شكلها الجديد يستحق اني انتظره ولا مفيش فرق؟

المشاركة الأصلية كتبت بواسطة mohammed rajeh

اشكرك يا اخوي على الاهتمام والرد...
انا محتاج اجيبها عشان هاستخدمها هنا لاني معنديش عربيه فضروري هجيب واحده وانزلها بعدين
بس السؤال هنا هو البيجو قطع غيارها متوفره في مصر؟؟؟ وهل شكلها الجديد يستحق اني انتظره ولا مفيش فرق؟

طبعا متوفرة ،
ورأيي ما دمت هتستعملها في السعودية وبعد كده تنزلها مصر ،
يبقي تنتظر وتاخد الشكل الجديد أهو علي ماتيجي تنزلها مايكونش الشكل قدم أوي ،
ربنا يوفقك

ال 508 أفضل بلا نقاش، أما موضوع شكل جديد أو قديم فمعرفش بصراحة!