اول عربيه اشتريها

**abdelrahman.88** · 28-11-2014 10:42 PM

فى عربيه معروضه عليا فيات 128 مو 89 مغيره نص و الراجل الى معاه العربيه مشتريها و مظبطها من الالف الى الي الياء فانا دلوقتى مكملتش الكلام معاه و عايز اعرف السعر بتاعها ايه اخباره يعنى اوله كام و اخره كام فى الفلوس علشان اعرف اتفق معاه

**hardmind_doc** · 28-11-2014 11:00 PM

حدد ميزانيتك الاول وعلى اساسها تختار العربية وان كنت شايف تغيير النص ده عيب جوهرى جدا فى الامان اولا وفى البيع ثانيا حتى لو العربية مافيهاش الهوا

**J A G U A R** · 28-11-2014 11:13 PM

صحيح

لو العربيه معموله صح وأحسن من غيرها كمان بس حكايه مغيره نص دى تعيبها فى السوق المصرى

**م/أحمد عبد الفتاح** · 28-11-2014 11:28 PM

فعلاً أنا مع الأراء السابقة بإن تغيير النص ده يعيب العربية مدى الحياه ..... دلوقتى ممكن تكون العربية ماشية معقول بس ممكن قوى شوية عيوب تظهر مع إستخدامك للعربية فى المستقبل القريب زى تاكل الكاوتش من ناحية واحدة وفتح الشاسية من قدام ومشاكل زوايا مزمنة ..... إلخ
إبعد عن الشر وغنيله

**J A G U A R** · 29-11-2014 01:24 PM

30 الف تجيب بيهم اكسيل مثلا او شاهين ب اقل من كده او لادا او ماروتى ودى بنصحك بيها ولو حبيت تبيع هتلاقى اللى يشترى

**Omar Mahmoud** · 29-11-2014 03:55 PM

لو ميزانيتك 30 الف
خسارة تجيب 128
شاهين او اكسيل او كيا برايد احسن طبعا

**prosecutor** · 30-11-2014 02:24 AM

انا كان معايا نفس المبلغ واشتريت سوزوكى سويفت ب29 الف عربية جميلة وناعمة بس عافشتها قى للطرق المبهدلة بتبقى صعبه وجربت الاسكودا فليشيا عربية جميلة وثابته بس خشنة فى سواقتها شوية وجربت الاكسل مره او اتنين بصراحة عربية جميله برده وكانت اول مره اتعلم فيها السواقة ال128 هتبهدلك بمعنى الكلمة وممكن تكره العربيات بسببها