مش عارفه اختار .. عربيه من 180 _220 الف

**esraa ahmed** · 29-11-2014 06:27 PM

السلام عليكم
لو سمحتو عاوزه اشترى عربيه من 180 _ 220 الف ومش عارفه اختار لانه مش عندى اى خبره فى العربيات طبعا ودى اول عربيه ليا حتى مش عارفه على اى اساس المفروض اختار
اغلب الناس قلقتنى من كورولا الشكل الجديد عشان بقت تركى ومش عليها اقبال زى الاول
دلوقتى بختار ما بين سكودا اى 7 اول فءتين ، سيراتو ، وقشقاى كمان عجبانى بس خايفه من سعر اعاده البيع ومش مفضله مانيوال كمان
طبعا لما شفت مشاركات حضراتكو عجبتنى جدا فياريت لو تفيدونى اختار مبينهم ولو فى عربيه تانى ممكن حد يرشحهالى حتى لو هتزيد كام الف عادى
طبعا انا معرفش انهو هيريحنى اكتر اليابانى ولا الامانى بس بحس الالمانى افخم شويه الكورى متردده فيها يعنى هى اخر خياراتى
يا ريت الرد بسرعه

**Mohamed.Ramah** · 29-11-2014 07:13 PM

العربية بيتم اختيارها على حسب احتياجك من السيارة نفسها بجانب التجهيزات الاساسية والرفاهية ووسائل الأمان الموجودة فى الفئة دة

بالنسبة للعربية حضرتك لازم تحددى محتاجة منها اية لان المفاضلة بين انواع السيارات مش احسن اوغير كل العربيات بتتنافس فى فئات محددة فى السعر والسعر الحضرتك كتباة يجيب سيارة جيدة وبها تجهيزات مميزة

دة موضوع بيشرح كل فئة من السيارات على حدى / www.nilemotors.net/Nile/425355-a.html

وللتبسيط أكثر حقسمهم لحضرتك كفئات لتسهيل الاختيار :

الفئة الأولى أفضلهم سيات توليدو وهوندا سيتى

الفئة الثانية أفضلهم فورد فوكاس - مازدا 3 - رينو فلوانس - هوندا سيفيك

الفئة الثالثة أقضلهم الفشقاى الجديدة 2015 ممكن تنتظريها وتضميها للمقارنة - كيا سبورتاج - بيجو 2008

من رأى تلقى نظرة على موضوعات خاصة بالسيارات دة فى اقسامها بالمنتدى ويليها تجربيها على ارض الواقع فى احد المعارض وبعدها تحددى - انا استبعدت فولكس فاجن وسكودا علشان الموديلات بتنزل لينا بناقل حركة DSG ودة بيظهر فية مشاكل بعد استخدام لفترة وتكلفة تصليحة كبيرة بناء على تجربة الكثير.

**esraa ahmed** · 29-11-2014 09:48 PM

المشاركة الأصلية كتبت بواسطة abokoko

كانثي
انصح حضرتك بالتيوتا يارس هاتش باك
عربيه جميله وابعادها صغيره واعتمايه لانها يابانى من تيوتا

**esraa ahmed** · 29-11-2014 09:53 PM

المشاركة الأصلية كتبت بواسطة mohamed.ramah

العربية بيتم اختيارها على حسب احتياجك من السيارة نفسها بجانب التجهيزات الاساسية والرفاهية ووسائل الأمان الموجودة فى الفئة دة

بالنسبة للعربية حضرتك لازم تحددى محتاجة منها اية لان المفاضلة بين انواع السيارات مش احسن اوغير كل العربيات بتتنافس فى فئات محددة فى السعر والسعر الحضرتك كتباة يجيب سيارة جيدة وبها تجهيزات مميزة

دة موضوع بيشرح كل فئة من السيارات على حدى / www.nilemotors.net/nile/425355-a.html

وللتبسيط أكثر حقسمهم لحضرتك كفئات لتسهيل الاختيار :

الفئة الأولى أفضلهم سيات توليدو وهوندا سيتى

الفئة الثانية أفضلهم فورد فوكاس - مازدا 3 - رينو فلوانس - هوندا سيفيك

الفئة الثالثة أقضلهم الفشقاى الجديدة 2015 ممكن تنتظريها وتضميها للمقارنة - كيا سبورتاج - بيجو 2008

من رأى تلقى نظرة على موضوعات خاصة بالسيارات دة فى اقسامها بالمنتدى ويليها تجربيها على ارض الواقع فى احد المعارض وبعدها تحددى - انا استبعدت فولكس فاجن وسكودا علشان الموديلات بتنزل لينا بناقل حركة dsg ودة بيظهر فية مشاكل بعد استخدام لفترة وتكلفة تصليحة كبيرة بناء على تجربة الكثير.

طيب انا عجبتنى جدا المازدا 3 شكلها تحفه طبعا بس معرفش امكانياتها تستاهل السعر ده ولا لا انا مش عاوزه احط فلوس فى كماليات وبس البيجو كمان حلوه 3008 اكتر من 2008 لكن المازدا ولا البيجو مش حاسه انه ليهم انتشار خالص مش بشوفهم ومحدش نصحنى بيهم

**abokoko** · 29-11-2014 11:38 PM

عربية عائليه
7 راكب = سوزوكى اورتيجا ب124 اتوماتيك
او
كيا كارينز

**esraa ahmed** · 30-11-2014 01:05 AM

شكرا على الرد لكن انا بنسبالى بفضل السيراتو اكتر من الكيرانز وحجمها كويس بنسبالى .. عاوزعربيه تقضى عيله بس مش لازم لدرجه 7 راكب

**S O P H O S** · 30-11-2014 02:48 AM

لو سيدان فرأي الكورولا او السيفيك

**mariachi** · 30-11-2014 04:56 AM

seat leon is a very good car

**esraa ahmed** · 30-11-2014 10:19 AM

المشاركة الأصلية كتبت بواسطة mariachi

seat leon is a very good car

انا مكنتش اعرف السيات قبل ما حضرتك تقول عليها قريت االمناقشات فى المنتدى وشفت المواصفات بتاعتها هى شكلها حلو وفيها كماليات كتير لكن 105 حصان بس ده غير gdsاللى كل ناس مقلقه منه ونا مش عارفه هو منيوال ولا اوتو اصلا ده غير انه بيعطل كتير تقريبا وتصليحه صعب .. بس بما انه حضرتك عندك سيفيك فمين تغضل بينهم لو هنتكلم على القوه والثبات والامان قبل اى كماليات