الموضوع: اعلان موبيل 1 الجديد

مش كل أنواع الزيوت التخليقية زي بعض..

الأنواع اللي بتقعد 10 آلاف زي ما بيقولوا دي بيبقى زيت الأساس فيها معدني بس معالج بطريقة تخليقية (Hydro-Cracking)..

إنما الزيوت اللي زيت الأساس فيها تخليقي .. فدي فعلا ممكن تقعد معاك 25 ألف وممكن أكتر كمان.

فدلوقتي عايزين نعرف زيت موبيل 1 اللي حضرتك بتتكلم عليه أنهي واحد في زيوت موبيل 1؟؟؟

أصل مش كلهم زي بعض.



...

مش كل أنواع الزيوت التخليقية زي بعض..

الأنواع اللي بتقعد 10 آلاف زي ما بيقولوا دي بيبقى زيت الأساس فيها معدني بس معالج بطريقة تخليقية (Hydro-Cracking)..

إنما الزيوت اللي زيت الأساس فيها تخليقي .. فدي فعلا ممكن تقعد معاك 25 ألف وممكن أكتر كمان.

فدلوقتي عايزين نعرف زيت موبيل 1 اللي حضرتك بتتكلم عليه أنهي واحد في زيوت موبيل 1؟؟؟

أصل مش كلهم زي بعض

والله ياباشا انا اتفرجت علي الاعلان في قناه من القنوات الفضائيه
بس اللي اعرفه ان موبيل 1
مفيش منه غير فئه واحده
وبعدين العبوه بتاعت اي زيت تخليقي من وقت ماستخدمت زيت تخليقي
سواء موبيل 1 او شيل الترا او توتال كواوتز الجديد بديل شيل
مفبش اي ذكر لاءنه زيت معدني ومعالج
لاء
مكتوب علي العبوه زيت تخليقي بالكامل
لذلك اخر غياره زيت غيرته كان توتال غيريته علي 15 الف
حاليا وصلت ل10 الاف ولسه ماغرتش
خصوصا ان الموضوع بقي مكلف
وغيار الزيت وصل ل500 جنيه بالفلتر
واستهلاكي عالي في الكيلو متر

المشاركة الأصلية كتبت بواسطة hugan

والله ياباشا انا اتفرجت علي الاعلان في قناه من القنوات الفضائيه
بس اللي اعرفه ان موبيل 1
مفيش منه غير فئه واحده
وبعدين العبوه بتاعت اي زيت تخليقي من وقت ماستخدمت زيت تخليقي
سواء موبيل 1 او شيل الترا او توتال كواوتز الجديد بديل شيل
مفبش اي ذكر لاءنه زيت معدني ومعالج
لاء
مكتوب علي العبوه زيت تخليقي بالكامل
لذلك اخر غياره زيت غيرته كان توتال غيريته علي 15 الف
حاليا وصلت ل10 الاف ولسه ماغرتش
خصوصا ان الموضوع بقي مكلف
وغيار الزيت وصل ل500 جنيه بالفلتر
واستهلاكي عالي في الكيلو متر

للأسف الخلط التسويقي اللي حاصل في موضوع الزيوت ده مخلي الناس فاكرة إن الزيوت كلها حاجة واحدة.. فما بالك كمان بالزيوت التخليقية!!

موبيل أول ما نزلوا زيوتهم التخليقية (موبيل 1) كانت فعلا زيوت تخليقية بالكامل من المجموعة 4.. وبعد كده بدأوا ينزلوا جزء كبير من زيوتهم التخليقية في المجموعة 3 (إذا ماكانش كلهم).. باعتبار إن المجموعة 3 عبارة عن زيوت خصائصها اتغيرت عن الزيت الأصلي نتيجة العملية التصنيعية..

اللي بنتكلم عليه هنا مش إضافات بتتزود للزيت.. إنما زيت الأساس نفسه خصائصه تحولت.


وطبعا .. موبيل عمرها ما هتقول للناس إن زيوت موبيل 1 من مجموعة 3... أصلا مفيش شركة زيوت في أمريكا بتقول الكلام ده...

إلا إذا كانت زيوتهم من مجموعة 4 أو 5.. وبيتقال الكلام ده صراحة على العلبة .. إن زيت الأساس PAO أو Ester .. زي شركة Amsoil أو شركة Penrite في استراليا.


في أغلب الأحوال.. الزيوت من مجموعة 3 بيكتبوا عليها "تخليقية Synthetic" .. إنما الزيوت من مجموعة 4 و 5 بيكتبوا عليها "تخليقية بالكامل Fully Synthetic"... وأحيانا.. كلمة Fully Synthetic بتتقال على زيوت مجموعة 3 بردو!!!!

ده طبعا غير الزيوت شبه التخليقية Semi-Synthetic.

عموما.. الموضوع ده عامل لخبطة للناس على مستوى العالم... والبلد الوحيد اللي بيمنع إن زيوت المجموعة 3 يتكتب عليها "زيوت تخليقية" هي ألمانيا.. إنما بيسمحوا إنهم يكتبوا عليها "تكنولوجيا تخليقية Sythetic Technology"


شركات الزيوت بقت تستخدم مجموعة 3 بكثرة لإنها أرخص بكتير.. وإن كان أداءها أقل بعض الشيء.. بس معظم الناس بتنزل الزيوت بدري قبل ما الزيت يكون بدأ يحصله حاجة.. والناس في معظم الأحوال مش فارق معاها.


عموما.. موبيل 1 فيه منها 4 أنواع رئيسية.. ممكن تشوفهم من هنا:
Motor Oil | Mobil 1� Synthetic Oil


وده رد موبيل على موضوع مجموعة 3 اللي مش بيقولوا عليه للناس:
Group 3 Base Oils


...

المشاركة الأصلية كتبت بواسطة yasser100

حبيبى , انبهر دائما بمعلوماتك :)

ياسر باشا... من بعض ما عندكم والله

لو تصدقني إني لحد دلوقتي مش بعتبر نفسي خبير في الزيوت... لإن لسه فيه حاجات كتير قوي لسه ما عرفتهاش.. وكل ما أقرا أكتر ألاقي نفسي لسه فيه حاجات تانية معنديش عنها فكرة.

الحمد لله... "وما أوتيتم من العلم إلا قليلا".


...