انا كنت بفكر نفس تفكيرك و عملت حصر للعربيات كلها فئة ال 1600 ها انجزلك كل عربية ميزة رئيسية و عيب رئيسي .. من وجهة نظري طبعا
تويوتا كورولا .. ميزتها انها كورولا ! عيبها انها سيئة جدا من الداخل و تختلف ميكانيكيا عن اللي بتنزل مصر
مازدا 3 .. شكل و تقفيل رائع .. موتور و فتيس قديم
لانسر شارك .. شكل و تثقيل اليابان .. قديمة من 2008
شيفروليه كروز .. سعرها في اللطيف .. قديمة جدا
رينو فلوانس .. خامات جيدة و سعر منافس .. من حوالي 6 شهور كانت تختلف عن اللي بتتباع في مصر في الشكل و الموتور و بعض الأجزاء الأخرى
كيا سيراتو .. كماليات بالهبل و مفيش منها شكاوى .. ثبات مش قد كده
سكودا اوكتافيا .. الخامات و التقفيل ممتاز .. فتيس dsg و سعر عالى جدا
نيسان سنترا .. سعر مناسب و عملية .. مقصورة داخلية فقيرة
بيجو 508 .. كلها مميزات .. عيبها سعرها و اعادة بيعها الضعيفة في مصر و الضعيفة جدا في الخليج
bmw 316 .. بردو كلها مميزات .. فقيرة (نسبيا) من الداخل بالنسبة لسعرها
مرسيدس c180 الجديدة .. عربية تحفة .. عيبها سعرها بجماركها هيدخل في نصف مليون
طولت عليك
المهم بعد كل المقارنات دي اشتريت سيراتو .. حسيت انها وسط في كل حاجة .. سعر و خامات داخلية و كماليات و مغرقة الكويت و مصر
لو عايز عربية سعرها في الحنين .. انصحك بسيراتو أو ممكن تشوف الفلوانس لو بتنزل عندك زي اللي بتنزل مصر
لو عايز عربية فئة أعلى .. اعتقد ال 316 هي أفضل اختيار في الفئة دي
المفضلات