الموضوع: ينفع احط بنزين ٨٠ للكيا كارينز او الجراند تيريوس؟؟

بنزين 80 يدمر الموتور تدميرا - ومش هتحس بكده غير بعد فترة

حالة سيارتك يبدو انها سيئة بعض الشئ
ولذلك لن تشعر بفرق بين استخدام بنزين 80 أو 92
أنصحك بالانتهاء من بقية البنزين الموجود في التنك
ثم قم باستخدام منظف الانجيكشن stp وليس غيره مع تفويلة كاملة ويفضل نصف تفويلة من بنزين 92
والأهم من ذلك تغيير فلتر البنزين قبل عمل هذه الخطوات
وستشعر حينها ان شاء الله بفرق شاسع في سحب السيارة وصوتها بعد أقل من 30 كيلو بالتفويلة الجديدة
قم أيضا بتنظيف البوابة وتنظيف فلتر الهواء او تغييره
اذا استطعت القاء نظرة على البوجيهات وتغييرها اذا احتاجت فهذا امر جيد للغاية

بعد هذه الخطوات ستشعر بأن سيارتك عادت لها الحياة مرة أخرى بإذن الله تعالى
وحينها فقط ستشعر بفرق عندما تحاول وضع بنزين 80

بس انا المشكله بالنسبه لى انى بمشى بالعربيه كتير جدا جدا (يعنى مبرحمش العربيه).
و البنزين ٨٠ تقريبا نص تمن بنزين ٩٢ .

اعتقد من كلامك معناه ان الكيا و الدايهاتسو مش هيمشو ببنزين ٨٠ !!!!!!!!!!

دى مشكله كبيره بالنسبالى

المشاركة الأصلية كتبت بواسطة M.Elwan

الموضوع ببساطة البنزين لو ليه أوكتان قليل بيعمل حاجة اسمها knocking بيقولو عليه تسقيف تقريبا
اغلب العربيات ومن ضمنهم عربيتك الاوبترا فيهم engine knocking sensor ده وظيفتة الاساسية ان لو لقي انك استخدمت بنزين ليه أوكتان قليل بيعدل توقيت ignition عشان يمنع knocking

وبكده بيحمي الموتور بس ده بيكون علي حساب سحب العربية حتحس السحب أضعف بس مش اضعف قوي لان أصلا عربيتك ال compression ratio بتاعها مش عالي أصلا

العربيات اللي حتحس بيها بفرق بين ٩٢ و ٨٠ هي العربيات اللي ليها compression ratio عالي
زي المواتير التربو ومواتير الحقن المباشر direct injection زي مواتير GDi في الكارينز ومواتير sky active في مازدا

ممكن تفصيل أكثر لموضوع engine knocking sensor
لأن الموضوع ده لو بالشكل اللي حضرتك بتشرحه يبقى شئ رائع جدا
لأن الكثيرين يفضلون التوفير أكثر من السحب خاصة للي مواشيرهم داخل المدينة
وهل توجد طريقة لمعرفة هل الموتور يدعم هذا الأمر أم لا ؟ وإذا لا فهل توجد طريقة لضبط السيارة على بنزين 80 ؟

مفيش قلق من ال 80 خالص غير ان سحب العربيه بيقل شويه لكن حوارات انو مش نظيف و بيوسخ الرشاشات و كل دة فى الفاضى و مش هياثر على عمر الموتور على المدى البعيد طالما مفيش تسقيف من الموتور او الكركرة اللى بتحصل و معظم العربيات الحديثه فيها حساس التسقيف و دى بتبان اوى فى العربيات المانيوال مثلا لو انتا طالع مطلع و مش دايس اوى و العربيه هتبطل منك بتلاقيها زودت سنه بنزين و مبطلتش و دا بيحصل اول ما الموتور يسقف عشان يبطل .... هات الدايهاتسو او الكيا و جرب و حط ال80 حسيت ان الامور تمام و مفيش تسقيف كمل ....سقفت معاك الغى الموضوع