الموضوع: هل التيربو ينفع يركب على اى سيارة

هو من ناحية ينفع فهو ينفع بس تكلفته عاليه ومحتاج تعمل تعديلات في العربية (التربو - الإنتركولر - شوية وصلات)
ولازم بعد ما تركبة تعمل إعادة برمجة لكمبيوتر العربية.
بس المشكلة هل باقى أجزاء العربية هتستحمل القوة الإضافية دي؟؟ أهمها الفرامل مثلا..أكيد لأ
هتضطر تعمل تعديلات كتير وهتخش في مبلغ محترم.

ايوه ينفع يركب على اى محرك
ده اختراع قديم كان بيركب على طيارات الحرب العالميه التانيه
الناس بتتربن عربياتها من التمنينات ..
لكن دى بتحكمها مجموعة من العوامل , هل الخليط المعدنى بتاع المحرك و ادوات التغذيه هتقدر تستحمل الحرق اللى هيتولد من زيادة الاشتعال المتسبب فيها التيربو
ايه هو معدل الانضغاط بتاع الموتور لانه كلما زاد معدل الانضغاط اصبحت فرصة تركيب تيربو اخطر على الموتور
لو عايز تحط تيربو على موتور اقتصادى قوته متواضعه و ليكن 1.6 لتر 120 حصان , لازم تفهم اولا ان الموتور نازل من الشركة الام بهدف معين انه يكون موفر فى البنزين و قوته محدوده يبقى الشركه لم تزوده بالخليط المعدنى اللى يقاوم قوة الاشتعال الكبيره بتاع المواتير الرياضيه
طيب عايز بقى انت تحط عليه تيربو يبقى لازم تحط عليه تيربو متواضع و متزودش ال psi بتاعه عن 5 الى 8 علشان الموتور ما يتفسخش و يتفرتك من بعضه بحيث انك اخرك تكون زودت 30-40 حصان على قوته الستوك بتاعة الشركه
و بعدين تعمل تيون لل ecu علشان تقدر تسيطر على القوه الجديده بمعايير و توقيت مظبوط و طبعا تعديل عفشه و فرامل
كل بقى ما تعمقت فى موضوع التيربو و حبيت تزود قوته هتلاقى نفسك لازم تجيب حاجات كستوم افتر ماركت تحمى بيها الموتور الناس اللى بتوصل عربياتها 1000 حصان دول بيحتاجو بطانه للبلوكه و بساتم من خليط معدنى غالى علشان يقدر يقاوم و يستحمل قوة الاشتعال .. و هكذا