رقم العضوية : 122914
تاريخ التسجيل : 09Apr2012
المشاركات : 811
النوع : ذكر
الاقامة : cairo
السيارة: Renault Sandero 2015
السيارة[2]: Cruze 2015
دراجة بخارية: لا
الحالة :
زملاء الاعزاء
الهدف من الموضوع ده اننا نضحك شوية مش اكتر
يعنى انا لا اقصد تقرير بعينه ولا ماركة معينة و لا شخص معين
و لكن لكثرة التقارير و الاراء المضروبة الغير محايدة و لا تتناسب مع سعر او امكانيات العربية بتاتا و للاسف المنتشرة فى المنتدى و اللى تحسسك ان العربية سوبر كار على مفيش
قررت انتقد هذه التقارير ولكن بطريقة كوميدية
تقرير عربية اوتوماتيك سيدان:
ابدأ بالشكل الخارجى: العربية ماشاء الله تصميمها خرافى و تم مراعاة الايرودينمكس فيها بطريقة فظيعة و شكلها تحفة و من اجمل العربيات اللى موجودة حاليا
صالونها واسع جدا لدرجة انى كل شوية اتزحلق من الكرسى اقع فى الدواسة من كتر الوسع (مع العلم ان طولى 190 سم)
عربية كبيرة و مريحة فعلا الصالون بحر من جوا مريح و و اسع
شنطتها ماشاء الله واسعة جدا سافرت بيها اخذت كل الشنط بتاعتى انا و عائلتى و عائلة اخويا و عائلة ابو زغلول صاحبى
الكلكس صوته رائع لما بستعمله بحس انى بعزف مقطوعة لبيتهوفن
الكاسيت صوته جميل ماشاء الله و عالى جدا و نقى و الصوت مجسم و تحس انك فى حفلة لمايكل جاكسون ايام مجده
من الداخل: التقفيل اكثر من رائع و تتميز بجودة الخامات و الشياكة
الموتور و دى نقطة مهمة: علشان ناس افترت على الموتور انه خشن و صوته عالى و كده لكن احب اقول ان الموتور ناعم جدا لدرجة انى اوقات انسى ان العربية دايرة و احاول ادورها تانى غير ان سحبه جبار بوصل من صفر ل100 كم فى 5ثوانى ماشاء الله موتور قوى بجد
غير انه موفر فى البنزين بيعمل 350 كم فى الصفيحة بجد حاجة و همية
الباور: زى مايكون فيه عفرين علشان وانا بركن بيبقى خفيف زى الحلاوة و على الطريق بيبقى زى الطوبة سبحان الله
سينسور الباركينج جميل و صوته عالى
الكاوتش صينى مالوش نوع (غالبا نوع جديد نزل السوق اسمه انت عمرى) لكن ماشاء الله تحفة فردة طرية و ناعمة و ملهاش صوت كأنك ماشى على حرير
جنوط 16 شكلها تحفة و مخلية العربية اخر شياكة
العفشة تقدر توصفها بأنها مهلبية محشية.... من كتر النعومة ماشاء الله و لا تحس بأى مطب من مطبات مصرنا الحبيبة
العربية عالية عن الارض 26سم و ده مش مقصر على الثبات نهائىىىىى
لدرجة انى جربتها و انا مسافر على طريق تانزانيا - السنبلاوين و كنت ماشى على 290 ماشاء الله ولا الهوا
العربية ماشية منتهى الثبات الانفعالى و تحس انك ماشى بالظبط زى الزبدة على القشطة ثبات خرافى ماشاء الله
الفتيس ناعم و متحسش بالنقلات خالص و تجميع فظيع و ولا فيه اى نتشات زى ما الناس بتقول
البوية جامدة جدا لدرجة انى مرة العربية اتحكت فى دبابة و نزلت لقيت المجند قاعد يعيط جنب الدبابة علشان صاج الدبابة دخل لجوة و عندى لقيت حكة خفيفة تتشال ببولش لكن سبتها علشان العين
و ده علشان ان الصاج محمل جدا ماشاء الله و ده مخلينى ابذل مجهود جدا و انا بقفل الباب بس اكيد مع الوقت هتعود عليه
التكييف بالظبط كأنك فى موسكو فى شهر يناير و ملوش تأثير على السحب خالص رغم ان العربية موتورها صغير و لكن ولا الهوا
نيجى للعيوب:العربية شكلها تحفة و دا مخوفنى جدا من الحسد علشان اكيد بتتحسد طول ماهى ماشيةالتأخير فى الاستلام علشان عليها ضغط فظيعالنور الواطى واطى جدا و مش متربىاوقات بحس ان عزل الصوت وانا قافل الازاز مش قوى علشان اوقات بسمع صوت كلكسات العربيات اللى برااتمنى اكون قدرت اديكم....... اديكم فكرة عن العربية بشكل عامو كل ده من معرض المفترس اللى فى شارع المجانين فى مدينة نصر ب50000 جنيه بسو ياريت اللى يتكلم يقول رأيه عن تجربه مش اى كلام و خلاص و مايقلش رأيه من السمع لان طبعا اللى ربى خير من اللى اشترى (اى كلام)
اخيرا رجاء بجد من اى زميل هيعمل تقرير بعد شراء سيارة خاصتا الجديدة: ارجوك خليك محايد قول العيوب قبل المميزات علشان كلامك ممكن يفيد واحد او يلبسه فى الحيط
و مش معنى انك اشتريت عربية و دفعت فيها دم قلبك انك تطلعها بدون عيوب علشان نفسيا تبقى حاسس انك اخذت القرار الصحو شكرا
رقم العضوية : 19173
تاريخ التسجيل : 16Sep2008
المشاركات : 4,876
النوع : ذكر
الاقامة : Giza
السيارة: __________
السيارة[2]: __________
دراجة بخارية: ______________
الحالة :
رقم العضوية : 19173
تاريخ التسجيل : 16Sep2008
المشاركات : 4,876
النوع : ذكر
الاقامة : Giza
السيارة: __________
السيارة[2]: __________
دراجة بخارية: ______________
الحالة :
انا مش قادر ابطل ضحك بجد
"طريق تانزانيا - السنبلاوين"
[sor2]http://s8.postimg.org/y3vj7185h/new5115.png[/sor2]
سبحان الله و بحمده سبحان الله العظيم
رقم العضوية : 44557
تاريخ التسجيل : 06Aug2009
المشاركات : 1,515
النوع : ذكر
الاقامة : Cairo
السيارة: None
السيارة[2]: KIA Cerato ُEX 2011
دراجة بخارية: 1
الحالة :
هههههههههههههههههه... فعلا قليل جدا لما تلاقي حد بيكتب تقرير محايد
أنا نفسي لو كتبت تقرير أكيد هقول فيه شعر متعرفش الشعب بتاعنا ده متحيز بطبعه ليه!
“في الوقت اللى نص شوارع البلد زبالة..سبحان الله محدش بيسيب عربيته تتخربش وكل المستعمل بيبقى راشش نظافة ”
[img2]http://s28.postimg.org/myt8ifkrh/Untitled_1_copy.png[/img2]
رقم العضوية : 11902
تاريخ التسجيل : 30May2008
المشاركات : 4,959
النوع : ذكر
الاقامة : cairo
السيارة: Now : Honda Civic 4G A/T F/O
السيارة[2]: Was:Peugeot-Fiat-Mazda
دراجة بخارية: God Willing Dodge Tomahawk
الحالة :
Nice Man
بس نسيت تقول ان فيها مراية جوه بتجيب اللى ورا
ونظام ABZ للفرامل المتطور بيشتغل ويفصل بمزاجه مش بمزاج حد تانى
ونظام EBT دى بقى حكاية بيخليك تدخل الملفات بدهر العربية أحسن ما بتدخل بوشها
والتابلوووون بتاعها بلاستك من نوع فاخر الهلال والنجمة مش أى بلاستك
وَمَا رَبُّكَ بِظَلَّامٍ لِّلْعَبِيدِAll The Power On Earth Can't Change Destinyアフマド アミン
رقم العضوية : 121411
تاريخ التسجيل : 06Mar2012
المشاركات : 3,625
النوع : ذكر
الاقامة : assiut
السيارة: --
السيارة[2]: --
دراجة بخارية: --
الحالة :
حقيقى فى تقارير تفتقر تماما الحيادية
اللى عايز يفرح بعربيته هو حر ,, لكن مايجيش يحسسنا انها طيارة
و ان باقى منافنسها تكاتك مش عربيات و ان اللى اشتروا عربيات غيرها فاتهم نص عمرهم
النقط اللى فوق دى فعلا موجودة ف تقارير كتييييييييييييييير و بالنص زى ما هو مكتوب كدا
و بالذات موضوع الحسد و موضوع شنطة العربية
الحمد لله عدد ما احصى كتابه و الحمد لله على ما احصى كتابه
الحمد لله ملء ما فى السموات و ملء ما فى الارض و ملء ما بينهما
[img2]http://nileup.com/up/uploads/nilemotors_13651184541.jpg[/img2]
You decide on your speed. Physics decides whether you live or die(بأمر الله طبعا)
رقم العضوية : 47609
تاريخ التسجيل : 19Sep2009
المشاركات : 2,135
النوع : ذكر
الاقامة : cairo
السيارة: no
السيارة[2]: no
دراجة بخارية: no
الحالة :
شكرا على الموضوع و ربنا يسعدك زى ما اسعدتنا
رقم العضوية : 63536
تاريخ التسجيل : 27Feb2010
المشاركات : 790
النوع : ذكر
الاقامة : 6th of October
السيارة: 2014 Kia Cerato
السيارة[2]: Mazda 6 Ultra
دراجة بخارية: No
الحالة :
(بمشي على 180 و 190 و أنا و لا حاسس)
أكتر جملة مستفزة في تاريخ صناعة السيارات
"سبحان الله وبحمده عدد خلقه ، سبحان الله وبحمده رضا نفسه ، سبحان الله وبحمده زنة عرشه ، سبحان الله وبحمده مداد كلماته"
رقم العضوية : 168789
تاريخ التسجيل : 28Nov2014
المشاركات : 9
النوع : ذكر
الاقامة : الإسكندرية
السيارة: -
السيارة[2]: أوبل أسترا 2005
الحالة :
ههههههههههههه اسلوب حضرتك تحفة بجد
الغريب انه موافق للواقع بشكل كبير جدا
رقم العضوية : 47609
تاريخ التسجيل : 19Sep2009
المشاركات : 2,135
النوع : ذكر
الاقامة : cairo
السيارة: no
السيارة[2]: no
دراجة بخارية: no
الحالة :
طب معلش يا باشا ممكن موديل و ماركة العربية ربنا يجازيك خير علشان اروح اشتريها لحسن انا دايخ على عربية بالمواصفات ديه
المفضلات