لانوس 2015

**eng-mohamed** · 01-12-2014 08:45 PM

يا جماعة لو سمحتم انا الحمد لله استلمت لانوس من يومين وكان في شوية حاجات كده عايز اسال عليه بعد اذنكم :
اولا في فيوز بتاع موتور مذيب الضباب الخلفي ده مش موجود في علية الفيوزت
ثانيا في صوت تقطقة بيحصل في الدريكسون بعد اول لفة شمال
ثالثا في صوت تزيق بسيط اوى تحت كرسي السوق نفسي اعرف سببه
رابعا ممكن نصائح بخصوص التليين واول صيانة امته وهتتكلف في حدود كام وياريت الى يعرف الترخيص سنة كمان هياخد في حدود كام .وشكرا مقدما لكم

**mero100** · 02-12-2014 01:33 PM

الف مبروك .. ربنا يديك خيرها و يكفيك شرها و يباركلك فيها .

بخصوص زرار تسخين الزجاج الخلفي .. ده مش موجود في اللانوس في مصر بقالها كذا سنه و لا حتلاقي سلك في الزجاج الخلفي .. حتلاقيه زي الامامي .

بخصوص طقطقه الدركسيون .. زود كل الكاوتش علي مقاس 32 و ده مقاس ضغط الهواء بالكاوتش امامي و خلفي . و حتلاقي فبره بيضاء اسفل عمود الدركسيون حتلاقيها ساقطه .. ارفعها بايدك او بتكلمهم عليها في التوكيل بيثبتوها بكوليه عريض .. و مش حتلاقي صوت الطقطقه ان شاء الله .

بخصوص صوت تزييق الكرسي . حتلاقيه محتاج تثبيت . قولهم في التوكيل . و لو فيه عيب فني تمسك بتغييره .

بخصوص الصيانه . اول صيانه بعد اول 5000 كم او مرور 4 شهور . ايهما اقرب .

بخصوص التليين .. هيه المفروض متلينه .. لكن كان فيه طريقه هنا لتفتيح الموتور الجديد .. ابحث عنها لاني مش متذكرها لاني معملتهاش ..

اول صيانه مجانيه من حيث المصنعيه . بتدفع ثمن الفلتر و الزيت و انصح باستخدام زيت تخليقي 10000كم . و بتقولهم علي كل ملاحظاتك قبل اجراء الصيانه .. مع ملاحظه انك ممكن تروح في اي وقت للتوكيل عند حدوث اي مشكله او حاجه غير طبيعيه و ده بدون التقيد بميعاد الصيانه .. و ده حقك .. مع ملاحظه ان المساعدين و طقم الدبرياج و الزوايا و الاتزان لا يشملهم الضمان . اقرا الضمان كويس عشان تعرف حقك .

بخصوص ترخيص سنه .. في حدود 450 جنيه .

و بالتوفيق .

**eng-mohamed** · 02-12-2014 08:42 PM

المشاركة الأصلية كتبت بواسطة mero100

الف مبروك .. ربنا يديك خيرها و يكفيك شرها و يباركلك فيها .

بخصوص زرار تسخين الزجاج الخلفي .. ده مش موجود في اللانوس في مصر بقالها كذا سنه و لا حتلاقي سلك في الزجاج الخلفي .. حتلاقيه زي الامامي .

بخصوص طقطقه الدركسيون .. زود كل الكاوتش علي مقاس 32 و ده مقاس ضغط الهواء بالكاوتش امامي و خلفي . و حتلاقي فبره بيضاء اسفل عمود الدركسيون حتلاقيها ساقطه .. ارفعها بايدك او بتكلمهم عليها في التوكيل بيثبتوها بكوليه عريض .. و مش حتلاقي صوت الطقطقه ان شاء الله .

بخصوص صوت تزييق الكرسي . حتلاقيه محتاج تثبيت . قولهم في التوكيل . و لو فيه عيب فني تمسك بتغييره .

بخصوص الصيانه . اول صيانه بعد اول 5000 كم او مرور 4 شهور . ايهما اقرب .

بخصوص التليين .. هيه المفروض متلينه .. لكن كان فيه طريقه هنا لتفتيح الموتور الجديد .. ابحث عنها لاني مش متذكرها لاني معملتهاش ..

اول صيانه مجانيه من حيث المصنعيه . بتدفع ثمن الفلتر و الزيت و انصح باستخدام زيت تخليقي 10000كم . و بتقولهم علي كل ملاحظاتك قبل اجراء الصيانه .. مع ملاحظه انك ممكن تروح في اي وقت للتوكيل عند حدوث اي مشكله او حاجه غير طبيعيه و ده بدون التقيد بميعاد الصيانه .. و ده حقك .. مع ملاحظه ان المساعدين و طقم الدبرياج و الزوايا و الاتزان لا يشملهم الضمان . اقرا الضمان كويس عشان تعرف حقك .

بخصوص ترخيص سنه .. في حدود 450 جنيه .

و بالتوفيق .

الف شكر يا باشمهندس