الموضوع: استفسار سريع عن احسن البطاريات

بسم الله الرحمن الرحيم
بطاريه العربيه ( فيات 125 جافه) خلاص اجلها انتهى . والحمد لله اتاكدت من الدينامو عن طريق فصل كابلات البطاريه والعربيه دايرة وما بطلتش فضلت دايرة ولمبه الدينامو ما نورتش . واتاكدت عن طريق نقل بطاريه الريتمو لل125 من 3 ايام وشغاله كويس ماجرالهاش حاجه . مع العلم ان البطاريه تم شحنها و وضعها فى الريتمو نامت خلال يومين وانا إن شاء الله متاكد من دينامو العربيه الريتمو . المهم بقى عايز اشترى بطاريه جديدة ومحتار اشتريها سعه قد ايه ؟ ونوعها ايه ؟ وايه موضوع الضمان والاستبدال ؟
ياريت اللى يعرف اى معلومه عن ( نوع , سعه , ثمن , ضمان , منيين ( فى المنصورة ).........) يعرفنى بسرعه لانى هشترى بكرة العصر وبينى وبينكم البياع بيقعد يقنعك باللى هو عايزة و الللى هيحقق له مكسب كبير فقط و طبعا فى منهم اللى بيفرح انه باع بطاريه وحشه علشان يضمن زبون كمان كام شهر ( فين ايام ماكانوا بيغيروا اربع ويدوقوا الحامض بلسانهم ؟ ) تحس انهم بقوا بشوات ودكاترة اى بطاريه مستعمله تبقى بايظه و الاحسن لك تاخد جديد و بعدين سبحان الله تلاقيه وانت بتشترى الجديدة عايز ياخد منك القديمه بسعر التراب ( طيب لييه ؟؟؟ ) . المهم اللى يعرف يفيدنى بأى معلومه اكون ممنون ليه قوى ويجعلها ربنا فى ميزان حسناته .
وشكرا جزيلا مسقا .