مساعده لشراء اكس بوكس

**zomzom11** · 02-12-2014 05:50 PM

لو سمحتم محتاج مساعدتكم فى شراء اكس بوككس وان او 360 المهم مكان الشراء والسعر بالتقريب واخلى بالى من ايه يعنى اى معلومه توضح الفارق اكون شاكر لحضراتكم

**zomzom11** · 02-12-2014 07:16 PM

فى زميل لى قالى ان فى استاذ / ميشيل هنا عالمنتدى له خبره فى الاكس بوكس بس مش عارف اوصله ممكن حد يعرفه او تليفونه لو سمحتم؟

**speranz** · 02-12-2014 07:48 PM

معايا واحد اكس بوكس 360 حالة ممتازة
متعدل جي تاج لتشغيل الالعاب من الهارد مباشرة
لاي تفاصيل كلمني علي الخاص ولو مش عايز تشتريه
ممكن اشرحلك ازاي تشتري واحد جديد بس مش هيبقي متعدل

**zomzom11** · 02-12-2014 08:47 PM

ممكن رقم تليفونك؟

**zomzom11** · 02-12-2014 09:38 PM

حضرتك قلتلى هاتكتب انا فى انتظار حضرتك

**speranz** · 02-12-2014 09:47 PM

بص يا سيدي
الاكس بوكس وان ده الجيل الجديد نزل قريب
وده حاليا للعب النظيف يعني تشتري اسطوانة اصلية تمنها غالي تقريبا ب 400 جنيه
وده تمنه تقريبا ب 5000 جنيه

اما الاكس بوكس 360 فده الي احنا حافظينه وعارفينه
بيتعمله تعديل ب 500 جنيه تقريبا ويشغل اي العاب منسوخة
في العاب كتير ليه وتعديلات والعاب منسوخة ببلاش تقدر تلعبها من الهارد عادي
ده تمنه تقريبا ب 3000 جنيه

ميزانيتك هي الي تحدد انت عايز تشتري ايه

بينزل معاهم كينكت او من غير كينكت وبيفرق في السعر
والكينكت ده جهاز جواه كاميرا بيخليك تلعب من غير درعات
العاب معينة زي التنس مجرد بس تقف قدام الكاميرا وتعيش

مادام هتشتري الجهاز جديد مش محتاج تقلق من اي حاجة ولا تبص علي حاجة صاحب المحل هيظبطلك كله

بالنسبة للمكان الي تشتري منه ففي كتير
افضل المولات الي في مصر الجديدة زي سوق العصر هتلاقي محلات كتير
او ممكن تشتري من كارفور وهكذا

والجهاز الي معايا عموما ممتاز بهارد 250 جيجا ومتعدل ومعاه دراع اصلي زيادة وهبيعه بنص تمن الجديد

بالنسبة للمستعمل فممكن تشتريه من علي النت عادي المهم يكون حديث وشغال تمام ومتعدل وتمنه معقول بالنسبة لتمن الجديد

**zomzom11** · 02-12-2014 09:51 PM

هو الجهاز الى مع حضرتك مستعمل؟
وبكام والاكس بوكس وان ده محدش بيعدله ولا حضرتك متعرفش؟
وشكرا لاهتمام حضرتك والرد عليا

**speranz** · 02-12-2014 10:00 PM

الجهاز الي معايا ايوا مستعمل استخدام قليل ومتعدل والهارد عليه العاب
وبالنسبة للسعر فممكن ابيعه ب 1700 جنيه

بالنسبة لاكس بوكس ون فهوا زي مقلتلك نازل جديد وملوش تعديل عشان شركة مايكروسوفت عاملة احتياطتها ومشفراه

**TOOLA** · 03-12-2014 11:48 PM

المشاركة الأصلية كتبت بواسطة speranz

الجهاز الي معايا ايوا مستعمل استخدام قليل ومتعدل والهارد عليه العاب
وبالنسبة للسعر فممكن ابيعه ب 1700 جنيه

بالنسبة لاكس بوكس ون فهوا زي مقلتلك نازل جديد وملوش تعديل عشان شركة مايكروسوفت عاملة احتياطتها ومشفراه

انتى مكانك فين يا باشا