استفسار لملاك النترا للضروره

**eslam bardala** · 03-12-2014 10:12 PM

استفسار وبرجاء الافاده
سيارتى هيونداى النترا 2007 مع المطبات حتى لو انا لوحدى بحس ان العربيه بتتهبد او بتريح بقوه من الناحيه الشمال من قدام والجنب ولما بكون مركب حد ورا ولو واحد فقط العربيه بتحك ولكن دايما من نفس الجنب الشمال حتى لو اللى راكب قاعد يمين او لو قاعد ورا 3 برضه نفس الجنب دايما بحس بانه الخبط فيه
فيه صوت تكات قويه متعاقبه مع تحريك الدركسيون من وضع الثبات بسمعه والعربيه واقفه بس
برجاء النصيحه بخصوص المشكلتين دول مع العلم البعض نصحنى بتغيير عفشه كامله ودى انا مفهمش فيها حاجه فياريت توضيح الانواع والاسعار عشان ميندحكش عليا وهل عيب الاحتكاك الكتير دا فعلا شائع فى الالنترا ( يعنى ابيعها واخلص لانها مش هتتحل ولا اخليها ) شكرا مقدما لكل اللى هيفيدنى واسف للاطاله

**samihanwar** · 03-12-2014 10:23 PM

يا باشا انت معاك ألماظه
هى كده عاوزه سوسته من الناحيه اللى بتوطى
وعلبه دريكسيون عاوزه حشوه بس
أما بالنسبه للعربيه معالاهاش غبار وعربيه محترمه وحماله اسيه
هى معايه من ساعه منزل الشيب ده يعنى من البدايه خالص
وبالنسبه للاسعار كلام فاضى انت وامكانياتك يعنى اصلى وفى حاجات مشى حالك
التوفيقيه الخلاصه

**shiko85** · 03-12-2014 10:44 PM

المشاركة الأصلية كتبت بواسطة eslam bardala

استفسار وبرجاء الافاده
سيارتى هيونداى النترا 2007 مع المطبات حتى لو انا لوحدى بحس ان العربيه بتتهبد او بتريح بقوه من الناحيه الشمال من قدام والجنب ولما بكون مركب حد ورا ولو واحد فقط العربيه بتحك ولكن دايما من نفس الجنب الشمال حتى لو اللى راكب قاعد يمين او لو قاعد ورا 3 برضه نفس الجنب دايما بحس بانه الخبط فيه
كده محتاج تغيير مساعدين و بعض الأجزاء التانيه فالعفشه بس لازم الكشف الأول علشان تعرف ايه اللى محتاج تغيير
فيه صوت تكات قويه متعاقبه مع تحريك الدركسيون من وضع الثبات بسمعه والعربيه واقفه بس
ده من علبه الدريكسيون و فيه مواضيع سابقه عن كيفيه التصليح
برجاء النصيحه بخصوص المشكلتين دول مع العلم البعض نصحنى بتغيير عفشه كامله ودى انا مفهمش فيها حاجه فياريت توضيح الانواع والاسعار عشان ميندحكش عليا
الأسعار (من موضوعات سابقه)
طقم مساعدين امامى mando بحوالى 470 جنيه - بيض طرف 135 جنيه - مسامير ميزان 130 جنيه
وهل عيب الاحتكاك الكتير دا فعلا شائع فى الالنترا ( يعنى ابيعها واخلص لانها مش هتتحل ولا اخليها )
الحل هو تركيب عليات و المشكله هتتحل ان شاء الله
شكرا مقدما لكل اللى هيفيدنى واسف للاطاله