مشكلة فى كرولا 2015

**Bondk** · 04-12-2014 03:43 AM

السلام عليكم
ده اول موضوع ليا فى المنتدى ..اتمنى تكونه كلم بخير
انا اشتريت كرولا 2015 استلمتها اول امبارح لسه معلقتش نمر ولا رخصت العربية
المشكلة الى عندى انى فى منطقة شعبية وكل الشوار مكسرة جامد اوى
والمطبات الناس الى عملنها قدام المحلات وكدة بتبقى طوب على اسمنت
مشكلتى بقى الى وجعه قلبى لحد دلوقتى ومش عارف افرح بالعربية انها بتحك فى المطبات
وبطر اخود المطب بالعرض وده بردو مجننى
انا سالت اكتر من حد وقالى ممكن تجيب كاوتش يكون اعلى شوية من الكاوتش بتاعك على نفس الجنط
انا مش عارف فعلا فيه كاوتش هيبقى اعلى شوية على الجنط ال16 ولا لاء
يا ريت حد يفيدنى فى المشكلة دى
شكرا لكم جميعا...

**abofandy** · 04-12-2014 04:33 PM

المشكلة مش ف العربية
المشكلة ف الشوارع والمطبات

انت حضرتك بتقول انك مستلم 2015 يعنى العربية الى متعدله ف الارتفاع من المصنع بارتفاع 14.5 الى 15
اما كنا نعمل اية لما استملنا 2014 والعربية كانت ارتفاع 12.5

العربية لو ركبت ليها جنط اعلى هتعلى العربية بس هيفرق معاه ف عداد السرعه
الحل ف مطبات مصر العظيمه دى انت تركب حاجة عالية .. لكن اى عربية سيدان ف مصر بتحك ف المطبات الرخمه دى

ربنا يكون ف عونك وانا مجرب احساس الحكات دى كان بتقطع ف قلبك
بس كل العربيات السيدان كدة للاسف مع المطبات الغريبة دى

**shadymfm** · 06-12-2014 08:46 AM

أنا أيضاً واجهتنى نفس المشكلة عند أول إستعمال للكورولا 2015 و هى محملة بالركاب. و كانت بصراحة حاجة تعكنن جادً. لكن لما سألت الأخوة الأفاضل ذوى الخبرة، طمنونى و قالوا لى إن هذه الحكة بتكون فى عرضة صغيرة واصلة بين طرفى الشاسيه و بعيدة كل البعد عن أى حاجة مهمة فى العربية من تحت. و أيضاً نصحونى بأن آخذ المطب بمنتهى الهدوء. و فعلاً بعد ما نفذت هذه النصيحة أختفت معى هذه الظاهرة تماماً و من غير ما آخذ المطب بالعرض.
و كمان سألت فى التوكيل قال لى نفس الكلام، و فعلاً السيارة لا يمكن أن ترتفع أكثر من كده.
و نصيحة منى: أنت مع الوقت و الإستعمال هتعرف أيه هى المطبات العنيفة جداً و حاول تبقى لطيف جداً معها.
و مبروك عليك السيارة و ربنا يحفظك و يحفظها لك، و هى فعلاً سيارة ممتازة خاصة لو جربت تسير بها على الطرق السريعة.

**raedegypt** · 06-12-2014 09:52 AM

بتقيس الارتفاع منين ؟؟؟ انا عندى العتب عامل 24 سم .. انا سيارتى فى السعوديه تايوانى

**marwanragab** · 06-12-2014 01:59 PM

المشاركة الأصلية كتبت بواسطة bondk

السلام عليكم
ده اول موضوع ليا فى المنتدى ..اتمنى تكونه كلم بخير
انا اشتريت كرولا 2015 استلمتها اول امبارح لسه معلقتش نمر ولا رخصت العربية
المشكلة الى عندى انى فى منطقة شعبية وكل الشوار مكسرة جامد اوى
والمطبات الناس الى عملنها قدام المحلات وكدة بتبقى طوب على اسمنت
مشكلتى بقى الى وجعه قلبى لحد دلوقتى ومش عارف افرح بالعربية انها بتحك فى المطبات
وبطر اخود المطب بالعرض وده بردو مجننى
انا سالت اكتر من حد وقالى ممكن تجيب كاوتش يكون اعلى شوية من الكاوتش بتاعك على نفس الجنط
انا مش عارف فعلا فيه كاوتش هيبقى اعلى شوية على الجنط ال16 ولا لاء
يا ريت حد يفيدنى فى المشكلة دى
شكرا لكم جميعا...

الف مبروك ياباشا ربنت يباركلك فيها يارب المشكلة فعلا في المطبات و ممكن فعلا تجيب كاوتش يكون كثافة اعلي هيفرق معاك اكيد