الموضوع: ركبت بوجيهات 2 شمعه Ngk الكتروني كدة انا صح ؟

السلام عليكم

من كام يوم العربية كانت بتتلت معايا ولمية التشيك فضلت منورة فوديتها لميكانيكى متخصص فى الاسبيرانزا قالى الاصلية بوش المانى وNgk اليابانى ال3 شمعه وقالى هات 2 بردة لو لقيت المهم متقلش عن كدا فبعد لف طويل ملقتش غير ال2 شمعه الالكتروني وكلمته قالى هاتها مفيش فرق وجبتها وركبتها محستش فعلا بفرق لكن عندي 3 اسئلة

ايه هو الفرق بين ال2 وال3 شمعه وهل فعلا مفيش فرق فى الاسبيرانزا

واية الفرق كمان بين الالكتروني والعادي

وهل لمبة Check Engine بتنور فعلا لما البوجيهات يبقى فيها مشكله ولا دى حاجة تانية لان كتير عربياتهم مبيحصلش فيها كدا غير الاسبيرانزا

شكرا لكم

والله انت معاك حق ياهوجان باشا مفيش افضل من انك تجيب الحاجة على اصلها وخلاص وتريح دماغك يعنى انا عرفت انها بتبقى نازله بردة بالبوش الالماني ال3 شمعه لكن كنت مستعجل وملقتش غير محلات الكوري الى كلها شغاله فى الشمعه وال2 لكن كان مستغرب لما قلتله 3 شمعه قالى هوانت عربيتك معدية ال2000 سى سى