غسبل دورة التبريد نوبيرا

**ِahmed_kamel** · 06-12-2014 09:49 AM

صباح الفل على رجالة الدايو امبارح الحمد الله تم غسيل دورة التريبد بالكامل و كانت حاجة حلوة اوى
الموضوع مش مكلف كتير و لا وقت كتييييير اوى بس الحمد الله الدنيا تمام
نبدا من اول ما روحت للورشة عند الراجل الى انا بتعامل معا اول حاجة بص عليا قربة المياة لقاها مكسورة اشتريت واحدة قالى بعد كدة احسن نفك الرداتير و نغسلو بردة بدل دورة الغسيل العادية دى قولنا ماشى الرداتير كان عبارة عن كتلة صدا هو و القربة القديمة فك الردانبر و كشف علية لقا فى خرمين صغيرين جدا عملهم و غسلو غسلة محترمة جدا جدا و ركب بعد كدة و راح عمل دورة للمتور طل منو شوية صدا حلوين لحج مخالا العربية قطشة و راح مقفل كل حاجة فى مكانها و اشتريت مياه خضراء و الدنيا الحمد الله تمام
تلكفة القصة دى كلها بقى كام
قربية مياة نوبيرا جديدة مش استراد 80 جنية
غطاء قربة المياة اوبل علشان دة احسن 25 جنية
زجاجة مياة خضراء مركزة نوع امريكة 20 جنية
المصنعية 40 جنية
بس الحمد الله تمام يعنى الموضوع كله اتكلف 165 جنية

**mhopa2440** · 06-12-2014 12:05 PM

اهم شئ المية الخضراء دي بكام وظروفها ايه

لان مليون الميه مغشوشة ومضروبة كالعادة

حضرتك لازم تجيب مية خضرة مضمونة جدا

في انواع كويسة زي موبيل او مية خضراء بتاعت بنزينة الامارات

لان لو المية اللي حطتها مغشوشة يبقى حضرتك معملتش اي حاجة خاااااااااالص

دي هتحافظ على الموتور من جوة وعلى الردياتير من الخرام (ودا كان سبب الصدا والخرام اللي موجودة عندك المية السيئة)

وربنا يوفقك ان شاء الله

**ِahmed_kamel** · 06-12-2014 02:08 PM

الف شكر ليك يا باشمهندس محمد انا صراحة مش عارف نوعها اية الى انا جبتها بس الراجل الى انا اشترتها منو كان عندو نوعين واحد رخيص ب 15 جنية والى انا جبتها دى ب 20 جنية بتاع ارداتيرات الى انا بتعامل معا قالى الامريكى ابو 20 افضل و على العموم انا ممكن اعدى على موبيل و اشترى واحدة تانية و ازد بيها بعد كدة ان شاء الله و الف شكر ليك مرة تانية على نصحتك و زوقق

**طه علي** · 06-12-2014 09:37 PM

طيب يا ا / احمد بالنسبه للميه الخضرا هل هي بتفضل خضرا كده ولا لونها بيتغير بعد وقت لاني بعد اسبوع تقريبا لقيت لونها قلب للبيج تقريبا ومستوي الميه قل شويه وهل تتزود عادي ويا تري المعدل الطبيعي اد ايه ارجو الافاده ربنا يبارك فيك يا رب