استفسار بخصوص فتيس كيا ريو 2012

**re3o** · 07-12-2014 11:49 PM

معلش حاولوا تستحملونى شوية لأن خبرتى فى العربيات تحت الصفر بشوية ( زى ما بيقولوا دريكسيون وبس )
اولا انا عربيتى كيا ريو 2012 اتوماتيك - الاصدار الاول - ( موضوع الاصدار الاول دا ححكى عليه بعدين ومش هو دا المهم )
المهم انا عامل 80000 الف كيلو ولاحظت اليومين اللى فاتوا دول ان نقل الفتيس اصبح تقيل وصوته عالى سنة بسيطة يعنى الاول ما كنتش اسمع صوت لم انقل الحركة frome d to r او العكس لكن دلوقتى بسمع صوت وبحس ان فى مقاومة ولو بسيطة فى النقل

اما بقى قصة الاصدار الاول انا ليا حوالى تلات ساعات بطالع مواضيع تحديث السوفت وير للعربية على المنتدى والجدل الدائر بشأنها لكن للاسف ما وصلتش لحل نهائى هو فيه فعلا تحديث للسوفت وير ولا ما فيش انا فاكر فى صيانة ال 20000 الف ودا كان من اكتر من سنة روحت فرع التوكيل فى ابو رواش وسألته على موضوع تحديث السوفت قلى ما فيش حاجة اسمها كده بالرغم من احد اعضاء المنتدى الكرام قال انه حدث السوفت فى ابو رواش

خلينا فى المشكلة الاولى لأنها الاهم ولو عندك وقت رود على التانية
والف شكر

**Deshahcoka** · 08-12-2014 12:30 AM

باشا انتا غيرت زيت فتيس في معاد الصيانه كل 40 الف ؟ ؟؟؟؟

**re3o** · 08-12-2014 01:28 AM

انا غيرت زيت الفتيس فعلا فى صيانة الاربعين الف

**ashouhdy** · 08-12-2014 03:05 AM

زيت الفتييس بيودع و بيسلم نمر

**re3o** · 08-12-2014 03:51 AM

طيب بعد اذنكم فى نوع زيت فتيس معين تنصحوا بيه

**Tmhami** · 08-12-2014 08:00 AM

روح التوكيل فى أسرع وقت و غير زيت الفتيس هناك,على فكره هوا مش غالى
موضوع تحديث السوفت وير فده فعلا لازم يتعمل لكل الريو بتاعت النص الاول من 2012
فيه ناس معانا كانوا عملوها فى مركز خدمه فى طريق السويس جنب كوبرى الجيش ( حاحاول أدور على أسمه)
جرب تكلم التوكيل فى التيليفون و أسئلهم على التحديث ,

**Tmhami** · 08-12-2014 08:07 AM

على فكره فى التوكيل بقوا يغيروا زيت الفتيس بعد 60 ألف مش 40 ألف

**MoOoD** · 08-12-2014 09:27 AM

لو لسه فى مشكله ...خالى حد يبص على قواعد الفتيس ممكن تكون مع المطبات إلى فى شوارعنا باظت وعاوزه تتغير

**re3o** · 08-12-2014 10:49 PM

المشاركة الأصلية كتبت بواسطة moood

لو لسه فى مشكله ...خالى حد يبص على قواعد الفتيس ممكن تكون مع المطبات إلى فى شوارعنا باظت وعاوزه تتغير

انا مبدايا حغير زيت الفتيس وبعد كده حبص على القواعد --- بس انا كده قلقت قوى لأن فعلا المطبات مغالا فيها جدا وفى فترة العربية لم كانت جديدة كنت بلبس فى المطبات بشكل غبى