الموضوع: نيسان صنى ولا بيكانتو هاى لاين 2015

واين الســويفت من المقارنـة ؟
اعتقد اضافة وسط ما بين الاثنين وتستحق التفكير معاهم ..

اعتقد فى مجال المقارنة بين السيارتين نيسان صنى او كيا بيكانتو هاى لاين فالنيسان صنى افضل لانها اكبر واوسع من الثانية وموتورها ١٥٠٠ سى سى ومرتفعة عن الارض ولانها سيدان فطبعا حقيبتها الخلفية اكبر بالاضافة لكونها ماركة يابانية عالمية اى موثوق بها حتى ولو كانت تجميع مصرى

هو رينج السعر اللى انتى حاطاه كام الاول عشان نقدر نفيدك

ال2 ميستهلوشي

سويفت وجراند بونتو وجين2 احسن منهم بكتيير وكل واحدة فيهم ليها مميزات وعيوب .. لكن في ال2 السابقين مش شايف اي ميزة لاي واحدة فيهم

عربية ممتازة - قوية جدا و شاسية قوي - حمالة أسية و الموديل الجديد رائع لا تقارن بنيسان

و أنا أنصح أن حضرتك تبصي على أى تن جراند أو العادبة

بلاش نيسان صنى لانها لا يابانى و لا تمت باليابان بصلة و تقدري حضرتك تتأكدى أنها مكونات صينى + هندى + مصري صاجها ورق مقارنة بالبيكانتو أنا شوفت بعميى حادثة بين فيرنا و صني و أتمين أتخرشموا زى بعض !!!!

انا هاتكلم من واقع تجربتى الشخصية علشان انا معايا نيسان صنى سوبر صالون بس الشكل القديم ولسه شارى بيكانتو فل اوبشن للمدام من شهر رمضان بس ,,, طبعا العربيتين غير بعض خالص ومش هاينفع نقارن بين الأتنين وخصوصا نيسان الشكل الجديد انا ماركبتهاش بس الميزة الوحيدة فيها بالنسبة لى انها عربية واسعة جدااا صالون وشنطة لكن بصراحة ماعنديش اى ثقة فيها من اللى سمعته عنها والله واعلم العيوب دى اتعدلت ولا لأ ,,,, نيجى للبيكانتو انا شايف انها عربية هايلة بكل المقاييس وعاجبنى جداا سحبها رغم موتورها الصغير وتقدرى تسافرى بيها وانتى مرتاحة ومطمنة كمان واستهلاك بنزين طبعا هايل وعيوبها فى رأيى سعرها طبعا غالى جدا عليها والخليجى منها اوبشن اعلى وخامات احسن بس الناس خوفتنى منه علشان بيطلع بره ضمان الوكيل وطبعا حجمها او بالتحديد حجم الشنطة علشان بصراحة حجم الصالون بتاعها جميل وبتشيل 4 ركاب كبار وبيقعدوا مرتاحين