الموضوع: ملاحظة على كابل الارضي للعربية

السلام عليكم ورحمة الله وبركاتة

الموضوع ببساطة جية في بالي معلومة ان اى عربية لازم يكون فيها ارضي والكابل الاررضي هوة اللي واصل من الطرف السالب للبطارية وجسم العربية
إنما فيه كابل تاني المفروض يكون واصل من جسم العربية الى جسم الموتور

تقريبا بالفحص الظاهري معنديش الكابل دة او يمكن موجود وانا مش واخد بالي منه

على العموم هتأكد وياريت كال واحد ياخد بالو من الملاحظة دي ولو الكابل مش موجود يتم تركيب كابل من جسم العربية لجسم الموتور لان اعتقد بما ان قواعد الموتور من مادة عازلة للكهرباء فبيكون الموتور مش واصله الفردة الارضي


والحاجة التانية ركنت العربية يومين وفى التالت بدورها مش عاوزة تدور المهم بعد ما البطارية نامت دورتها زق دارت تمام بس حسيت ان الكهربا مش مظبوطة ولاحظت ان نور الطابلوة والكشافات الامامية بيزيد ويقل كل ماازود بنزين المهم ظبط الهوا مع البنزين مع الاسبراتير الوضع بقي معقول شوية بس لسة ملاحظ ان نور الطابلوة بيزيد ويقل مع دواسة البنزين بس بنسبة بسيطة اوي يمكن كانت موجودة فى الاول وانا مش واخد بالي منها ...... ياتري اقيس خرج الدينامو ولا ممكن موضوع كابل الارضي او ظبط الكهربا يكون السبب 0000

منتظر التعليقات