فتيس القشقاي محتاج يتغير و انا 20 الف كيلو

**mostafa afifi** · 08-12-2014 09:42 PM

عندي زنه في العربيه لما تكون علي p او n روحت التوكيل قالولي محتاج فتيس و العربيه عندهم
قالولي منتظرين رد المصنع و انشاءالله يتغير في الضمان
حد عندو فكره

**م. حاتم السباعي** · 08-12-2014 10:33 PM

ﻻ تقلق ان شاء الله هيغيروه في الضمان

**khaled_samy82** · 08-12-2014 11:04 PM

طبعا متسبهومش غير لما يغيروة دة حقك

**amr011111** · 08-12-2014 11:08 PM

طيب الحمدلله انهم هيغيروه فى الضمان ومش هيخلعوا

**ali ashraf** · 09-12-2014 12:40 AM

الفتيس مفروض يكون عمره اكثر من كدة بكثير, و ده طبعا شئ مش طبيعى, أقترح على حضرتك مخاطبة شركة نيسان الام فى اليابان و ده على النت شئ سهل جدا, و اتذكر من عدة سنوات اشتريت مروحة تو شيبا ستاند و كانت اغلى و احدث نوع و بعد شرائها ب 48 ساعة بقت تطلع صوت غريب و المروحة لا تعمل بشكل جيد نزلت للمحل اللى اشترتها منه قال لى وديها للصيانة فى توشيبا العربى الخلاصة كرهت المروحة و طلبت استرجاع تمنها الاثنين رفضوا, و الحق يقال صيانة العربى قالوا لو متصلحتش هنديك وحدة جديدة غريها, و كنت متضايق دخلت على النت و كتبت خطاب لشركة توشيبا الام فى اليابان من زعلى وذكرت لهم ما حدث و انى نادم على شراء منتج توشيبا و نسيت الموضوع و بعد اسبوعين فوجئت بمليون تليفون من شركة توشيبا العربى و اهتمام شديد لاراضائى الخلاصة ابعث شكوى للهيد كوارترز حاول تخليها باسم السيد كارلوس غصن المدير التنفيذى لشركة نيسان ومش هتخسر حاجة

**kazamodia** · 09-12-2014 07:40 AM

المشاركة الأصلية كتبت بواسطة ali ashraf

الفتيس مفروض يكون عمره اكثر من كدة بكثير, و ده طبعا شئ مش طبيعى, أقترح على حضرتك مخاطبة شركة نيسان الام فى اليابان و ده على النت شئ سهل جدا, و اتذكر من عدة سنوات اشتريت مروحة تو شيبا ستاند و كانت اغلى و احدث نوع و بعد شرائها ب 48 ساعة بقت تطلع صوت غريب و المروحة لا تعمل بشكل جيد نزلت للمحل اللى اشترتها منه قال لى وديها للصيانة فى توشيبا العربى الخلاصة كرهت المروحة و طلبت استرجاع تمنها الاثنين رفضوا, و الحق يقال صيانة العربى قالوا لو متصلحتش هنديك وحدة جديدة غريها, و كنت متضايق دخلت على النت و كتبت خطاب لشركة توشيبا الام فى اليابان من زعلى وذكرت لهم ما حدث و انى نادم على شراء منتج توشيبا و نسيت الموضوع و بعد اسبوعين فوجئت بمليون تليفون من شركة توشيبا العربى و اهتمام شديد لاراضائى الخلاصة ابعث شكوى للهيد كوارترز حاول تخليها باسم السيد كارلوس غصن المدير التنفيذى لشركة نيسان ومش هتخسر حاجة

كارلوس غصن ده حكاية
ده انقذ نيسان من الانهيار سنه 2000 وبقا رئيس نيسان ورينو واهو عربي زيينا .. بس لبناني

**yasser100** · 09-12-2014 10:19 AM

المفروض انه اللى عندك فتيس cvt و ده معمر و اعطاله قليله جدا , مشكلته الوحيده انه لو ظهر فيه مشكله ما بيتصلحش لازم يتغير , يعنى اطمن ما فيش تصليح هايتغير إن شاء الله فى الضمان .