إستطلاع. .. اوبل انسجنيا اول فئة ام سكودا a7 تانى فئة

**Mahmoud.hamedm** · 09-12-2014 02:00 AM

إستطلاع. .. اوبل انسجنيا اول فئة ام سكودا a7 تانى فئة
شكرا مقدماً للردود

**a7med ezz 20** · 09-12-2014 02:28 AM

اوبل طبعا ، من غير تفكير

**Batman372** · 09-12-2014 02:32 AM

كعربيه اجمالا ... اوبل انسيجنيا ....
كفايه قوه الموتور التربو ال ١٧٠ حصان و شغاله ب ٩٢ بدون مشاكل ...
و لو يهمك اعاده البيع و تكلفه تشغيل اقل ... A7
ضع فى اختياراتك ايضا ال ٥٠٨ ...
تحياتى ...

**Mahmoud.hamedm** · 09-12-2014 03:12 AM

اعادة البيع مش فارق تماماً بالنسبة لينا.
بس ممكن اعرف تفصيلا ليه الاوبل اختيار افضل من السكودا غير سبب تقفيل المانى

**marwanragab** · 09-12-2014 05:47 AM

اوبل انسيجنيا افخم و موتور اقوي واعتقد انها تقارن بسيارات اعلي من اوكتافيا زي مرسيدي سي مثلا وده بسبب التكنولوجيا المتطورة والموتور الجبار
توكيل منصور ناس بتقول كويس وناس تقول استغلالي انا مجربتوش والله اعلم

**Ayman_saad** · 09-12-2014 08:17 AM

كمقارنة الأنسيجينا طبعاَ
بس ياريت تسأل الناس ألي معاها الأنسيجينا ،
هيفيدوك أكتر ولهم جروب علي الفيس تقدر تدخل وتشوف مشاكلها أتحلت ولا لأ ،
ولكن هي صفقة كويسة بكل المقاييس ،
ولو حضرتك مش هيفرق معاك أعادة البيع ممكن تلقي نظرة علي فولفو s 60 ،
بيقولوا عليها برضو صفقة رائعة ،
بالتوفيق إن شاء الله .

**Mahmoud.hamedm** · 09-12-2014 08:49 AM

شكرا جزيلا لحضراتكم.
ممكن لينك جروب الاوبل انسجنيا على الفيس؟
الفولفو جميلة بجد لكن سعرها زياده حوالى 65 الف عن الاوبل
على ما أعتقد ان الانسجنيا المانى تقفيل المانى مش زى الاسترا المانى تقفيل اسبانى مش كده ؟

**hany63** · 09-12-2014 09:00 AM

طبعا كمقارنه الانسجنيا تكتسح
بس زي ما قال مهندس صفوت حط ال ٥٠٨ في الاعتبار لسببين اولا نسبة رضاء ممتازه من ماليكها رغم ان التوكيل متوسط و ده يدل على جودة العربيه
تاني سبب معامل انضغاط موتور اقل نسبيا من الانسجنيا فمتوافقه مع بنزين ٩٢ واعرف ناس عامله لحد دلوقت ٨٠ الف بال ٩٢
انا مش هتكلم عن الانسجنيا عشان مجربتهاش عشان ما افتيش
بس انا كان معايا فنتازيا اللي المفروض انها احسن من ال a7 عايز اقولك ان ال 508 تتفوق من كافة الوجوه بفارق كبير
بالتوفيق

**K.Ossama** · 09-12-2014 09:27 AM

زى ما تفضل الزملاء وقالوا.....
الإنسيجنيا أو 508
إنما الأوكتافيا مكانها مش معاهم لأنها فئة أصغر

**yasser100** · 09-12-2014 10:57 AM

الانسيجنيا تتقارن كفئه مع الباسات و البيجو 508 , الاوكتافيا a7 تتقارن مع الكورولا و الفلوينس و الاسترا و السيفيك و السوبارو , مع فارق الاسعار اللى بترجع للتوكيلات بشكل كبير بغض النظر عن الفئات و النواحى التكنولوجيه .

الاسترا بولندى مش اسبانى و اعتقد الانسيجنيا كمان .

خللى بالك الانسيجنيا مش ناجحه عالميا و قعدت فتره طويله متخزنه فى مخازن شركة اوبل يمكن من اوائل 2012 و علشان كده الدفعات اللى نزلت مصر من بداية 2014 كان فيها مشاكل نتيجة التخزين فتره طويله , الكلام ده من ناس فى الصيانه فى ابو غالى اللى شغال مع منصور .

ال 508 افضل كتير و عربيه ناجحه عن الباسات كمان