مساعده من رجاله التويوتا ف العفشه

**mido_soliman** · 09-12-2014 02:05 AM

الموضوع باختصار
ف الحتت المكسره بسمع صوت خربطه وكان فى حاجة مفكوكه ف العفشه من قدام وخصوصا الجانب الايمن من السياره
لما بطلع بالكاوتش الشمال على نفس الحتت دى مبسمعش حاجة الفردة اليمين الخربطه بتطلع منها
اللى حصل الاتى
العربيه كورولا 2008 جنوب
كانت محتاجه شدادين ميزان من فتره وجبتهم وركبتهم امبارح وربط العفشه والعفشجى راجع عليها كلها وقالى زى الفل !!!
ياعم فى صوت مجننى خربطه تحت من اليمين تعالى جرب
جرب وقالى انت قصدك دة وضحك كدة فى دلاله على مدى تفاهه الصوت وانى ازاى شاغل بالى بيه !!!!
قالى ابقى تعالى يوم ونحل المساعد دة ونشوف
المهم سيبته ومشيت وطلعت على واحد تانى (مركز صيانه )
طلع جرب العربيه ورجع قالى فعلا فى صوت نقرزه جاى من الجنب اليمين ومسمع ف العفشه الاماميه كلها
قلتله تمام
رفع العربيه وبص ع العفشه من تحت واعد يحرك بايده كدة مفاصل العفشه والبارات ومش عارف اية لحد ما اكتشف اكتشاف مزهل
قالى دوشم الفرامل فيها بوش وبتلق حتى تعالى اوريك
وراح عند الدوشمه بتاعه الفردة اليمين واعد يحركها كدة وفعلا كانت بتلق وبتعمل صوت خبطه كدة
المهم قالى الدوشم دى غاليه احنا حنحلها ونبعتها للخراط يخرط جلبتين نحاس مكان اللى باشوا دول ونركب واللقه دى حتروح تماما قلتله اتكل على الله
المهم فك ف 3 دقايق وهوب بعت الواد بالمكنه جرى للخراط هوب رجع الواد بالمكنه هوب ركب هوب بيحرك وبينتع وبيعزم ولا الهوا ولا لقه ولا بتاع والدوشمه زى الحطب
قلتله الله ينور
راجع ع العفشه كلها وسالته تحديدا بيض المقصات والدريكسيون (outer tie rod) والجلب حالتهم اية ؟؟؟؟
قالى زى الفل ولا فيهم الهواا العفشه من تحت جديده يا بيه
المهم طلعنا نجرب ....................! الصوت قل بس لسه موجود ف الجنب اليمين هوه هوه
تقريبا لقه الدوشمه كانت من ضمن الصوت ولما عالجها الصوت خف بس السبب الرئيسى مش هوه الدوشمه خالص
رجع لوحدة وراجع ع البطاحات ولقاها متحرق عليها وتمام وقالى
تعالى بكره نحل المساعد دة ونشوف غالبا الصوت منه ويا يبقى حاجة بسيطه يا يتغير !!!

طبعا انا قلت مش حروح لحد ما يبقى عندى امكانيه مساعدين جداد علشان لو حل وفعلا طلع المساعد يبقى اغير على طول

السؤال هنا
هل فعلا صوت الخربطه ف المدقات دة ممكن يبقى مساعد !!!!
العربيه ماشيه 110 الف
شوفتوا انا اختصرت ازاى :)
مستنى مشاركه الرجاله

**hardmind_doc** · 09-12-2014 07:43 AM

عندى نفس الصوت ومتعايش معاه وفى ناس قالولى علبة دريكسيون بس انا شاكك فى الصدادة بتاعت المساعد

**Mecha** · 09-12-2014 10:02 AM

شوف البطاحه ومساميرهها والمساعد والجلب بتاعتو

**sonaeg** · 09-12-2014 09:53 PM

صوت اللقم ده كان في عربية قريبي وعمل نفس موضوع المخرطة وراح...بتعرفه انه بيختفي مع الفرامل الخفيفة عالحتت المكسرة

باقي الصوت يمكن بطاحة المساعد فعﻻ او المساعد نفسه ﻻن عالكيلو متر ده المفروض تكون غيرت المساعدين اعتقد

والله اعلم

**تويوتا افريقي** · 09-12-2014 11:11 PM

غير مساعدين وريح دماغك لسه مغيرهم كان عندي نفس الصوت اللي عندك وده المساعدين خفاف لسه هايضربوا زيت فريح دماغك فاكده كده هايتغيروا

**mido_soliman** · 10-12-2014 12:33 AM

المشاركة الأصلية كتبت بواسطة تويوتا افريقي

غير مساعدين وريح دماغك لسه مغيرهم كان عندي نفس الصوت اللي عندك وده المساعدين خفاف لسه هايضربوا زيت فريح دماغك فاكده كده هايتغيروا

هوه فعلا اتقالى ان المساعد خف وهما المساعدين الفابريكه متغيروش
طب ممكن اعرف سعرهم وجبت الاصلى ولا نوع تانى وشكرا جدا يا فندم

**mashaly** · 10-12-2014 02:18 AM

الصوت عندي من ساعة ماجبتها من سنتين ومتعايش معاه هو تقريبا من علبة الدريكسيون

**تويوتا افريقي** · 12-12-2014 01:03 PM

الاتنين جبتهم من عند العالميه شارع دمشق 1900 جنيه kybاصلي مش تقليد لازم kybتكون محفوره على المساعد مش ورقه ملزوقه وصراحه العربيه اتغيرت 180 درجه انا كنت هاجبهم من التوكيل بس مالقيتهمش قالي 20 يوم وكانوا ضاربين زيت