الموضوع: طريقة عملية ومجربة لتنظيف فلتر الهواء دون الحاجة الى شراء اخر جديد

المشاركة الأصلية كتبت بواسطة ahmedfouad

اولا انا مش بقصد من نظافة الفلتر ان يكون شكلياً فقط
المقصود بغسيل الفلتر ان المياه تختلط مع التراب اللى موجود فى مسام الفلتر وتنزل بيه
وللعلم انا بعمل كده فى المضروب وبيشتغل زى الفل بجد
وممكن تجرب وتنفخ فى الفلتر من ناحية وتشوف مدى سلاسة مرور الهواء فيه
وبعدين فلتر الهواء لا فيه مسارات ولا غيره
وبعدين الفلتر لما هتيجى تغسله هيكون فى حالة انه فعلا اتسد وبقا بيأثر على سحب العربية يعنى كدة كدة المفروض انك مش هتخسر حاجة
اشتغل اشتغل
لو انت شايف ان مسارات الهواء هتبوظ المفروض حضرتك كدة كدة كنت هتجيب واحد جديد
لكن ما ينفعش نعمم الكلام
والوضوع ده موضوع اصلا لان دى حاجة انا جربتها ولاقيتها فعلا مفيدة وبتفرق و بتوفر
وكل واحد له مطلق الحرية
وشكرا@

طبعا شكرا علي الموضوع والاجتهادات

لكن احب ااكدلك ان كلام العضو TICOXX مظبوط لكن الموضوع مش موضوع مسارات انما الاتي:

المادة المصنع منها الفلتر ليست كرتون انما هي سليلوز معالج (يشبه للكرتون لكن اكثر نقاء) وبيكون شكلها مضغوط وزي ما تكون مسامها متساوية
انما في الحقيقة انها بتكون مصنعة علي هيئة شبكة واسعة الثقوب من الناحية الخارجية وتضيق بالتدريج الي الداخل وتقريبا الثقوب دي بتكون في اضيق اجزائها بقطر 5 ميكرون والرقم ده بيختلف من فلتر للتاني بس مش كتير

تعريض الفلتر للماء والصابون بيفكك المادة اللي بتمسك الياف السليلوز مع بعضها وده بيؤدي الي نتيجتين
بعض الاماكن حتتسد نهائي وبعضها الاخر حيكون اوسع من اللازم وده ممكن يؤدي انك متحسش بان العربية مخنوقة لكنه حيتسبب في دخول الاتربة الي الوتور !!!!!!!!!!!!!!!!!!!!!!!!!!!!!

والحل الامثل هنا انك لو ..لو حبيت تنظف الفلتر لازم يكون تنظيف جاف عن طرق دفع هواء مضخوط عبر الفلتر لكن في الاتجاه المعاكس (من جوة لبرة) وده حيادي للتخلص من الجزيئات العالقة كبيرة الحجم والمتوسطة وستظل معظم الجزيئات الصغيرة ومتناهية الصغر عالقة داخل الفلتر وده ممكن يطول عمره وياجل تغييره بنسبة 20 % من عمره الافتراضي يعني حوالي 2000 كيلو متر لو انت بتغيره كل 10000 كيلو متر لكنه مش حيغنيك عن تغييره.
والحكاية دي ممكن تتعمل عند اي واحد بتاع كوتش باستخدام كمبروسر الهواء


هذا والله اعلم