ارجو النصيحة .. عربية في حدود 200,000

**snoop7oss** · 10-12-2014 04:55 PM

السلام عليكم ..
لو ممكن اخد نصايحكم بخصوص عربية في حدود 170,000-220,000 . تعبت من التفكير اوكتافيا تاني فئة ولا كورولا تاني فئة ولا فلوينس E3, ولا فوكس تاني فئة ولا سوباروxv, ولا ادخل علي كسر الزيرو من البيجو 508 او الفانتازيا او لا البي ام ...
لا يهم اعادة البيع .. ويهم نوافر قطع الغيار واسعارها ..
وشكرا

**hanyyacot** · 10-12-2014 05:30 PM

فى رأيى انك لو عايز توفر شوية تجيب فلوانس e3 وتوفر حوالى 50 الف وهتاخد عربية محترمة جدا ك اداء وفخامة واوبشنز , لو عايز تعلى اعتقد الاوكتافيا تانى فئة تبقى اختيار كويس , مافضلش عن نفسى ادفع مبلغ كبير فى عربية مستعملة حتى لو كسر زيرو , والله اعلم

**ENG.MaRk** · 10-12-2014 06:32 PM

مادام ال508 دخلت في الموضوع يبقي هي الاختيار المناسب

**yasser100** · 10-12-2014 07:59 PM

الفلوينس هاى ﻻين e3sr ب 188 الف . صافقه رابحه جدا و قيمه مقابل السعر . الزيرو زيرو حتى لو توك توك .

**scientist9508** · 10-12-2014 09:31 PM

بسم الله الرحمن الرحيم

اﻷخ الفاضل snoop7oss

قبل أن أبدأ بعرض رأى الشخصى أود أن أضم صوتى لصوت الزملاء الذين يطالبونك باﻹبتعاد عن كسر الزيرو و المستعمل. ﻻ شىء يضاهى السياره الجديده.

كل السيارات التى ذكرتها رائعه و ﻻ غبار عليها. و أرى أن المقارنه ﻻ يمكن أن تنعقد من اﻷساس بين هؤﻻء. لذلك أنت يا أخى الفاضل وحدك القادر على إنهاء هذه الحيره.

سأخبرك بما يميز كل سياره (من وجهة نظرى التى أعرضها و ﻻ أفرضها)

1 - اﻷناقه و الفخامه الداخليه تكون لصالح فورد فوكس
2 - جمال الشكل الخارجى يكون لصالح تويوتا كوروﻻ
3 - اﻵداء المبهر و اﻹعتماديه الكبيره و العمر الطويل بنفس الكفاءه تكون لصالح السوبارو (سواء إمبريزا أو XV )
4 - الرفاهيه و اﻷوبشنز الكثيره جدآ و الممتعه تكون لصالح الفلوينس
5 - أما عن اﻷوكتافيا فأنا و بكل دقه ﻻ أعلم عنها التفاصيل الدقيقه لذلك ملاك اﻷوكتافيا يفيدوك أكثر منى فى هذا الشأن.

قليل من الملحوظات:
1 - ما يميز أى سياره منهم ﻻ ينتقص من شأن أى سياره أخرى و لكنه أبرز ما تتفوق فيه هذه السياره عن الباقى من وجهة نظرى
2 - إن قدر الله لك شراء أى منهم فأنت رابح على أى حال

هداك الله ﻷرشد أمرك و أقومه

السلام عليكم و رحمة الله و بركاته

**Mahmoud.hamedm** · 10-12-2014 10:20 PM

القى نظرة عن كثب على السيارة اوبل انسجنيا
احنا كنا مثل حضرتك وكنا ناويين على الاوكتافيا ولكن الاوبل شئ رائع بالفعل
واعتقد مبلغ زى اللى حضرتك كتبته يجعلك تختار موديلات المانى او على الاقل مكونات ألمانيا

**snoop7oss** · 10-12-2014 11:13 PM

[QUOTE=Mahmoud.hamedm;3875841472]القى نظرة عن كثب على السيارة اوبل انسجنيا
احنا كنا مثل حضرتك وكنا ناويين على الاوكتافيا ولكن الاوبل شئ رائع بالفعل
واعتقد مبلغ زى اللى حضرتك كتبته يجعلك تختار موديلات المانى او على الاقل مكونات ألمانيا[
شكرا ا. محمود على النصيحة بس اعتقد سعرها بعيد عني شوية .. اكيد نفسي فيها :)

**snoop7oss** · 10-12-2014 11:16 PM

شكرا استاذ scientist9508 على التفصيل الرائع .. وانا ميال للفوكس لو عند حضرتك معلومات اكتر

**snoop7oss** · 10-12-2014 11:21 PM

شكرا ا.هاني , ا. ياسر
معلومات قيمة وياريت باعتبار حضراتكو من ملاك الفليونس تفيدوني اكتر عن مميزاتها وعيوبها وهل الاشاعات المنتشرة عن اسعار الصيانة وقطع الغيار .. ولو حصرت المنافسة بينها وبين الفوكس ..
وشكرا