هى الصنى القديمة لسه بتنزل زيرو ؟؟؟

**hanyyacot** · 10-12-2014 05:38 PM

معلش يا جماعة سؤال صغير , هل الصنى القديمة لسه بتنزل زيرو ؟ ولو موجودة سعرها بيكون كام ؟؟ وهل هى احسن ولا النيو صنى ؟؟ انا عارف ان اكيد الاسئلة دى اتسألت قبل كده بس انا مالقيتش اجابات على اسئلتى , معلش هاتعبكم معايا

**YahiaAshraf** · 10-12-2014 06:22 PM

الصنى القديمة متوفرة فى مصر والأسعار كالتالى :-
مانوال :- 101500 ج.م
أوتوماتيك :- 106.000 ج.م

لو عايز راى الشخصى أنا افضل الصنى القديمة عن الجديدة على الرغم ان الشكل الجديد فى اوبشنز اعلى بس ده راى الشخصى
تحياتى

**ياسر يوسف** · 10-12-2014 08:38 PM

موجود ويعيبها استهلاك البنزينعالي شويه واظن انها احسنمن الجديده علي الاقل من حيث الشكل

**ahmscu** · 10-12-2014 10:25 PM

117 الف استلام فورى،مفيش الا فئه واحده بس اوتوماتيك اكس صالون،يعيبها الصالون الضيق واستهلاك عالى للبنزين وكراسى غير مريحه بس كعربيه وثبات وشاسيه وقطع غيار وموتور قوى احسن من الصنى الجديده الف مره ومفيش وجه للمقارنه اساسا(ملحوظه انا عندى العربيتين)

**hanyyacot** · 10-12-2014 10:43 PM

المشاركة الأصلية كتبت بواسطة ahmscu

117 الف استلام فورى،مفيش الا فئه واحده بس اوتوماتيك اكس صالون،يعيبها الصالون الضيق واستهلاك عالى للبنزين وكراسى غير مريحه بس كعربيه وثبات وشاسيه وقطع غيار وموتور قوى احسن من الصنى الجديده الف مره ومفيش وجه للمقارنه اساسا(ملحوظه انا عندى العربيتين)

تحياتى لحضرتك . انا عارف ان القديمة قعدتها مش مريحة و استهلاك بنزين عالى . وفى المقابل النيو صنى اوسع واريح بكتير . بس اعتقد كمان ان موتورها بتكنولوجيا جديدة هايكون احسن وكمان فرق الاوبشنز االى فى الجديدة . لو شيلنا عامل الثبات برة الموضوع على اعتبار انى هحاول مامشيش على سرعات عالية . برضه هايبقى رأيك ان القديمة احسن ؟؟ انا بافكر بس معاك بصوت عالى واكيد حضرتك اللى تعرف اكتر. وهاستنى ردك لو تكرمت

**ahmscu** · 11-12-2014 12:03 AM

هو حضرتك بتشترى عربيه ولا بتشترى كماليات؟يعنى يهمك الامان والثبات وسعر اعادة البيع والموتور القوى وعربيه تستحمل بهدلة الطرق والسفر وقطع الغيار المتوفرة والرخيصه ولا يهمك التكيف والكاسيت التاتش وكمبيوتر الرحلات والطاره المالتى فانكشن؟على فكره غبور جاب الجيلى امجراند فيها اوبشنز تحفه مش موجوده فى اى عربيه لكن اتفرج على الثبات والشاسيه والبارومه والعيوب اللى مالهاش عدد والشعب بتاعنا كالعاده شرب المقلب وكل ماتكلم واحد يقولك دى فيها اوبشنز ايه وايه وايه،على فكره العربيه مش مجرد كاسيت وامكانيات ،العربيه بتبقى شايله ارواح قبل ماتشيل اوبشنز

**كمزى** · 12-12-2014 12:02 AM

السلام عليكم
عربيتى صنى الشكل القديم مو 2014 ماشية 4500 كم لو نبيتى فابريكة بالكامل فرش جلد صيانة وكيل رخصة سنتين البيع لظروف خاصة ومستعد للكشف على الغربية بالتوكيل لو تلزمك راسلنى واسف جدا على الاطاله مع خالص الشكر والتقدير

**hanyyacot** · 12-12-2014 02:31 AM

المشاركة الأصلية كتبت بواسطة كمزى

السلام عليكم
عربيتى صنى الشكل القديم مو 2014 ماشية 4500 كم لو نبيتى فابريكة بالكامل فرش جلد صيانة وكيل رخصة سنتين البيع لظروف خاصة ومستعد للكشف على الغربية بالتوكيل لو تلزمك راسلنى واسف جدا على الاطاله مع خالص الشكر والتقدير

بعت لحضرتك على الخاص