تسخين محرك السياره عند بدأ التشغيل

**fddf512** · 11-12-2014 08:39 AM

السلام عليكم يا جماعه ... في موضوع تسخير العربية قبل ما نطلع بيها .. في ناس بتقول لازم العربية تتسخن وناس بتقول العربيات الجديده مش بتحتاج تتسخن اكتر من 30 ثانيه ... الموضوع مش باين ولا واضح لو حد عنده معلومه مفيده يا ريت يفيدنا بيها في موضوع التسخيل سواء في الشكل 2012 او شكل 2014

**khaled_yehya** · 11-12-2014 09:27 AM

متابع

**غزلة** · 11-12-2014 09:32 AM

طالما موتور العربية سليم دقيقة واحدة كافية اي ان كان نوع العربية

**TAMERMEGAHED** · 11-12-2014 09:52 AM

اقتناعى الشخصى ان لازم العربيه تتسخن لان ببساطه بمثلها انك لما تصحى من النوم تقدر تقوم تجرى فالعربيه كده الزيت لسه ماوصلش للمحرك فيبقي غلط عليها انها تجرى ومده التسخين قد ايه انا عندى مؤشر ديجيتال اول مايبدا يتحرك انا كمان بمشى وده بيبقى ان السينسور حس بسخونه الماتور يبقى الزيوت وصلت للماتور والله اعلى واعلم

**mone_eg** · 11-12-2014 10:13 AM

عن نفسي بحب اكون في الامان وبسخن العربية الصبح قبل ما اتحرك بيها من 3 ل 5 دقائق

**demonarundo** · 11-12-2014 11:46 AM

ما دام مش لاغى ترموستات المياة اللى بتقفل الدايرة , وبتحط زيت تخليقى
يبقى يادوب 30 ثانية واتكل على الله

لكن لو حد معندوش حاجة من الاثنين دول , يبقى لازم يستنى العربية تسخن على الأقل من ثلاث لأربع دقائق
بغض النظر العربية موديل 90 أو 2015

**M.Radwan** · 11-12-2014 01:53 PM

أنا شخصيا بحس بفرق جامد لما بسخن العربية ومش عارف ليه..يعني لما بسخن العربية بحس انها فايقة معايا أوي. ولما بتحرك بيها علطول بحس انها ملخبطة كده ومش مظبوطة!

**م/أحمد عبد الفتاح** · 11-12-2014 01:56 PM

اول مابتشغل العربية الار بى ام ( عدد لفات الموتور ) بيبقى عالى حوالى ١١٠٠ لفة / دقيقة وكل مالعربية تسخن الاربى ام بينزل لغاية مايوصل حوالى ٧٠٠ لفة/ دقيقة ..... فالاحسن انك تدور وتستنى لغاية الاربى ام ماينزل لغاية ٧٠٠ لفة/ دقيقة او اياً كان الرقم حسب ماركة العربية ( مش حاتفرق كتير بين العربيات وبعض) وده مش بياخد وقت كبير