حد عنده ستروين سي 4 او اكسارا2 للبيع

**fepsceasar** · 11-12-2014 01:19 PM

دلوقتى انا معايا اكسارا1 وفى حد اتفق معايا انه عاوز يشتريها والعربية كانت ما شاء الله ممتازة وبعملها بس الصيانة الدورية
دلوقتى انا عاوز اغير لاتوماتيك فبدور على حاجة ستروين برضو بما انى عرفت صنيعيتها وقطع غيارها
فلو حد قدامه ستروين سي4 أو اكسارا2 اوتوماتيك حالة جيدة وبسعر مناسب انا ممكن اكشف عليها وربناييسر واشتري منه

**fepsceasar** · 16-12-2014 02:18 PM

حدش ينفعنا؟؟؟؟؟!!!!!!

**redhat8877** · 25-12-2014 12:23 AM

اسف بس سؤال برة الموضوع هو اكسارا ١ اخرها موديل كام واكسارا ٢ اخرها موديل كام وبما ان حضرتك معاك العربية ده ايه رايك فيها وعيوبها ايه

**fepsceasar** · 25-12-2014 11:20 AM

اكسارا 1 اخرها 2002
اكسارا 2 اخرها 2005
العربية ممتازة جدا الحمدلله ما عملتش معايا اى مشاكل
لو عاوز مانيوال اكسارا 1 شغال عاوز اوتوماتيك اكسارا2
مشكلة اكسارا1 كانت حاجة تافهة وهو ان مكان زرارين الازاز الكهربا كان ضعيف وبيتكسر وبتعمله عند حد بتاع فبر اكسارا2 ما فيهاش الحكاية دى لانهم عدلوا مكان الزرارين
وكمان الهواية اليمين ضعيفة
يمكن تقول عليا بتلكك لكن انا بحب ادقق قوى فى العربية
لكن كموتور وكهربا وعفشة ما فيهاش اى مشكلة وانا كنت بسافر بيها كتير الساحل واسكندرية والزعفرانة ..الحمد لله كويسة جدا
مشكلة الاوروبي عموما اعادة البيع يعنى انا بعت عربيتي 2001 ما فيهاش الهوا ب 36 ألف
واحد اعرفه اشترى لانوس 2001 المكنة عاوز عمرة ومكنتين ازا كهربا والتكييف مش شغال ب 37 الف
وواحد صاحبي تانى اشترى هيونداى اكسنت ما فيهاش اى حاجة شغالة وغير فيها كل حاجة حتى المرايات والمساحات ب 42 الف ..فلك ان تتخيل السوق الجميل بتاعنا ده عامل ازاى
ولو فى اى حاجة ابعتلى نمرتك على الخاص وانا تحت امرك