ارجو من ذوي الخبرة الافادة بيجو 3008 ولا سوبارو xv

**ahmed.mohy** · 11-12-2014 04:03 PM

ارجو من ذوي الخبرة الافادة خاصة "الكروس افر" بيجو 3008 ولا سوبارو xv
من ناحية الاداء - الاعتمادية - قطع الغيار - التوكيل - اعادة البيع
وشكرا

**marwanragab** · 11-12-2014 05:59 PM

أنا أختار ال 3008 فى المقارنة دى عشان الأوبشنز الكتيير ووالقعدة المريحة أوى خصوصا الهاى لاين
من ناحية التوكيل الأتنين مش فارقين أوى وكل توكيلات مصر أى كلام بس توكيل بيجو أحسن وقطع غيار العربية لما شفتها تعتبر معقولة مش غالية أوى
والموتور التربو فيها قوى وأداؤه محترم
إعادة البيع الأتنين أى كلام فى إعادة البيع
لو بتدور على إعادة بيع ix35
أنا عن نفس حجزت النيو قاشقاى
وطبعا كل الكلام اللى قلته ده رأى الشخصى ممكن يكون غلط وممكن يكون صح بس أنا بقولك على تفكيرى لما جيت اشترى كروس أوفر وربنا يوفقك للى فيه الخير انشاء الله ياباشا

**A. Ibrahim** · 12-12-2014 08:36 AM

بص انا كنت في نفس الحيره بالظبط و لفيت و دورت
البيجو ماكنه "بس تربو" شنطه تحفه و كويسه علي الارض و مريحه في السفر
بس العربيه من النوع اللي يتخاف عليه قوي يعني حاجات كتير الكترونيه و حساسات و بردو الارتفاع عن الارض عادي تقريبا 17سم
السوبارو بصراحه اقل في الامكانيات "بس ممكن تضيف الحاجات ديه اكسيسوار" و الموتور اقل بس انعم بكتير و بتاعت هري للصبح و الاعتماديه عاليه جدا الي جانب ال All Wheel Drive تحفه العربيه ما شاء الله مافيش حاجه بتوقفها بجد و علي السفر سهله و ممكن تظبط المثبت علي 180 عادي
التوكيل و قطع الغيار تقريبا زي بعض
استخير ربنا و توكل

**Ammpage** · 12-12-2014 01:58 PM

البيجو عربية محترمة جداً سواء ٣٠٠٨ أو ٥٠٨ تستحق الاقتناء ، هما الاثنين نفس الفتيس ياباني ست نقلات ونفس الماتور thp 1600 تربو ١٦٣ حصان مصنع بالتعاون مع bmw ، فعلا أدائه وهمي - العربية حضرة تحت رجليك في اي وقت وتسارع وغرر وثبات عالي - عربية هتديلك كل التتمني لاكن في المقابل لا التوكيل او مركز خدمة معتمد لبيجو لا بلاش .
العربيات دي متجربة بقالها سنتين ومفيش اي مشاكل جوهرية منها الحمد الله .
نقطة اخري هامة الماتور معدل ليقبل بنزين ٩٢ وفي أعضاء قربوا يكملوا ١٠٠٠٠٠ كم باستخدام ٩٢ بدون مشاكل .
البيجو هتاخد منها ( ثبات اكتر - فخامة اكتر - خامات افضل-اسعار قطع الغيار أرخص مقارنة بالياباني - اوبشن افضل وحاجة اهم من دة كلة تمتاز بيها البيجو بالمقارنة سوبارو ( متعة القيادة ) .
Xv هتاخد منها ( صيانة اقل واعتمادية اكتر )
اخيراً حاول تعمل تست درايف السيارتين ده كفيل ان يوفر وقتك ومجهودك في التفكير .
وان شاء الله ربنا يوفقك .

**scientist9508** · 12-12-2014 03:39 PM

أنا شخصيآ أفضل ال xv

**mhmhmh75** · 12-12-2014 04:35 PM

الدفع الرباعي ثبات اكثر xv

**mariachi** · 13-12-2014 11:37 AM

3008

**marwanragab** · 13-12-2014 11:45 AM

فيه عربية نزلت جديد بس لسة منزلتش هنا جيب اسمها regenade اسأل عليها كلها اوبشنز وسعرها يقال انه اقتصادي

**ahmed.mohy** · 13-12-2014 11:04 PM

المشاركة الأصلية كتبت بواسطة marwanragab

أنا أختار ال 3008 فى المقارنة دى عشان الأوبشنز الكتيير ووالقعدة المريحة أوى خصوصا الهاى لاين
من ناحية التوكيل الأتنين مش فارقين أوى وكل توكيلات مصر أى كلام بس توكيل بيجو أحسن وقطع غيار العربية لما شفتها تعتبر معقولة مش غالية أوى
والموتور التربو فيها قوى وأداؤه محترم
إعادة البيع الأتنين أى كلام فى إعادة البيع
لو بتدور على إعادة بيع ix35
أنا عن نفس حجزت النيو قاشقاى
وطبعا كل الكلام اللى قلته ده رأى الشخصى ممكن يكون غلط وممكن يكون صح بس أنا بقولك على تفكيرى لما جيت اشترى كروس أوفر وربنا يوفقك للى فيه الخير إن شاء الله ياباشا

شكرا علي الافادة .. انا برضه كنت ناوي اضع نيسان قشقاي في المقارنة لكن استبعدتها لان لسة محدش جربها خاصة بموتورها الجديد الغريب 1200 cc انا مش مستريح رغم اني معايا التيدا لكن انا ميال اكتر للعربيتين XV or 3008 لانهم 1600 ادائهم قوي ومتجربين