لمبة service هاتجنني في c4

**mohamed_amin** · 12-12-2014 12:50 AM

استشارة من أهل الخبرة
C4 2006 (140,000) km
الموضوع ، ظهر فجأة ، ما يحدث هو ظهور لمبة ال service فجأة كل يومين او تلاتة ، و ساعات مرتين في يوم واحد
و بعدها بيكون تجميع العربية بطئ جداً بعد سرعة ال١٠٠ ، لكن بمجرد ما اطفي العربية و أدور تاني بتختفي ،

مع العلم انة تم تغيير بوابة البنزين بواحدة استيراد من ٣ شهور ، و كان وقتها مافيش اي مشاكل
و تم مراجعة الضفيرة ، و برضة مافيش مشاكل

مشكلة ممكن تختفي لأيام و فجأة تظهر تاني
بصراحة هاتجنن

و شكرًا لأي حد مهتم

**م/أحمد عبد الفتاح** · 12-12-2014 01:40 AM

ده معناه موعد السيرفيس بتاع العربية قد حل .... يعنى لازم تغير الزيت والفلتر والحاجات المطلوبتغييرها حسب الكيلومتراج بتاع العربية زى ماهو مكتوب فى الكتالوج ..... المفروض تعمل السيرفيس فى التوكيل وهما يطفوا علامة السيرفيس .... يبقى المطلوب من حضرتك انك تغير الزيت والفلتر والحاجات المنصوص عليها فى الكتالوج حسب عدد الكيلومترات وده ممكن تعمله فى اى حته مش لازم التوكيل إلا لو إنت مواظب على السيرفيس فى التوكيل وبعد كده انت ممكن تطفى العلامة دى بنفسك بعد ماتعمل السيرفيس بتاع العربية:
دخل المفتاح فى الكونتكت وماتشغلش العربية
دوس على زرار الـ trip على لوحة العدادات بتاعة العربية وخليك دايس عليه وضع مفتاح الكونتاكت على وضع التشغيل بس ماتدورش العربية ( يعنى اللمبات اللى فى اللوحة تكون منورة ) حتلاقى ظهر جنب علامة السيرفيس رقم ١٠ وبينزل ل ٩ ثم ٨ ثم ..... خليك دايس لغاية مايوصل لـ صفر حتلاقى العلامة راحت وبعدين رجع مفتاح الكونتاكت للوضع الأول OFF وبعد كده دور العربية عادى

**mohamed_amin** · 12-12-2014 04:46 AM

شكرًا علي اهتمامكم
الحقيقة انا فعلا عامل السيرفس

و أسف علي الخطأ في التعبير
اللي بيظهر كلمة service مش علامة المفتاح بتاع الصيانة

و بتظهر فجأة كل كام يوم و العربية سحبها بيقل جداً

**tottihr** · 12-12-2014 04:08 PM

اطلع على التوكيل او مركز صيانه خاص بستروين و شوف ايه المشكله و ان شاء الله بسيطه

**م/أحمد عبد الفتاح** · 12-12-2014 10:08 PM

لازم فعلاً تطلع على التوكيل ويكشفوا عليها كمبيوتر ويشوفوا حايقروا رقم كود كام وبناء عليه حايتم الإصلاح

**mohamed_amin** · 30-12-2014 10:17 PM

احمد باشا ، jackal

يا باشا شكرًا علي اهتمامك
هوة الموضوع بدا معايا برسالة anti pollution error و طبعا الكهربائي ابراهيم يوسف و إيهاب جلال افادوا بتغيير الموبينة ، و جبتها اصلي

لكن موضوع كلمة service اللي بتظهر كل كام يوم دي و بتختفي لما أطفئ العربية و أدورها تاني ، مش معاة اي رسالة خالص ، هوة صوت البييب بس
ابراهيم بيقولي بوابة البنزين مع ان م/ إيهاب جلال غير البوابة من شهرين استيراد
و طبعا بيصاحب الservice سحب ضعيف للعربية
بس كدة ،

**م/أحمد عبد الفتاح** · 31-12-2014 12:04 AM

لما بيطلع رسالة الـ pollution فى أى عربية أول حاجه تفكر فيها غطاء تانك البنزين ممكن يكون مش مربوط كويس او الجوان بتاعه باظ أو الغطا عاوز يتغير وبعد كده تبدأ تشوف الباقى و يارب تطلع فى غطاء البنزين لأنه إيرور شائع فى عربيات كتير