عصا الفتيس فيها بوش جامد

**Maged_Samy** · 13-12-2014 07:31 PM

عندى عصاية الفتيس فيها بوش جامد ولازم اجيبها شمال جامد علشان اقدر اجيب الاول انا شاكك ان فيه حاجة عايزة تتربط بس لسة معنديش فرصة انزل تحت العربية انا صورت معلقة (ضفدع) الفتيس وعلى فكرة دى موديل 1997 علشان قبل كده مختلفة تماما ... انا عايز اعرف الجزء ده بيتغير ؟
اعتذر علشان الصورة مظلمة شوية :

**م/أحمد عبد الفتاح** · 13-12-2014 08:19 PM

ساعات المسمار والصامولة اللى عليهم سهم اصفر بيكون المسمار إتنحل من النص (قطره قل) ومش باين فالأول فك المسمار والصامولة ولو كان المسمار منحول غيره.

**moumen_hs** · 14-12-2014 09:33 AM

فى بوش فى الجلب فك عصاية الفتيس من تحت عند الميكانيكى وخد العصاية عند خراط يعملك 2جلبة نحاس جديدة ب 30 الى 40وهيرجع الفتيس زى الفبريكة كان عندى نفس العيب ودة شائع

**EngAhmedSayed** · 15-12-2014 09:59 AM

لالالالالالالالالالالالال الالالا
الموضوع مش جلبة
غير الضفدعة بتاعة الفتيس و هيرجع فبريكة تانى و هتكون العصاية بسوستة كمان
و ثمنها 65 جنية او 70 جنية
اللى هى بتركب تحت علشان تديلك السوستة بتاعة الغيارات
موضوع الجلبة دة هيخلى الغيار يصد معاك و هيقرفك و يعلق
و تركيبها سهل جداااا مفيش خمس دقايق
ربك المستعان

**ehab mobarak** · 15-12-2014 07:38 PM

اعتقد النوع ده من غير ضفدعة لأن دراع الفتيس للفليشيا 3 موديلات لو كان من النوع اللي اخره ضفدعة يستحسن تتغير اما لو كان من النوع اللي من غير يبقي اما مسمار عشرة اللي في الآخر اللي رابط الدراع مع الفتيس او فيه بوش في الجلبة اللي متبرشمة ولازم يتفور البرشام وتتعمل جلبة جديدة وتتلحم تاني والله اعلم

**Maged_Samy** · 16-12-2014 09:57 AM

من اول 1997 مفيش ضفدع ولقيت البوش عندى من ناحية الدربوكس فيه صليبة كده هيا المبوشة ولسة مش عارف بتتفك منين وهل بتتغير وﻻ بيتعمل ليها حشو هكشف عليها من قريب يمكن اعرف متركبه ازاى
والف شكر لكل الردود

**moumen_hs** · 16-12-2014 12:10 PM

مع احترامى للزملاء موديل 97 مفهوش ضفضع عصايا خارجة من الفتيس علطول ومناول لعصاية الفتيس والمناول بيكون فى البوش وبيتفك من تحت ويتعملة حشو جديد عند الخراط ودة عن تجربة العصاية كان فيها بوش جامد جدا ودة الى حصل معايا وشكرا

**adiaa222** · 17-12-2014 11:20 AM

المشاركة الأصلية كتبت بواسطة moumen_hs

مع احترامى للزملاء موديل 97 مفهوش ضفضع عصايا خارجة من الفتيس علطول ومناول لعصاية الفتيس والمناول بيكون فى البوش وبيتفك من تحت ويتعملة حشو جديد عند الخراط ودة عن تجربة العصاية كان فيها بوش جامد جدا ودة الى حصل معايا وشكرا

+1111111111111111
مضبوط .لكن لو البوش ليس لة تأثير على النقلات ريح دماغك وسيبة كدة

الموضوع: عصا الفتيس فيها بوش جامد

LinkBack

أدوات الموضوع

عرض

عصا الفتيس فيها بوش جامد - انشر الموضوع فى :

-

-

المواضيع المتشابهه

موضوع جامد جداااااااا الفتيس الاتوماتيك صيانه واصلاح ؟!!!!

بوش جامد فى ترس الفتيس اللى راكب فيه الكبلن الداخلى

الفتيس بقى تقيل جدا مرة جامد و مرة سهل زى الاول

العربية بتسخن جامد و المياه بتغلي فيها

ازاى تعمل سيستم جامد فى عربية زى الجن تو فيها سى دى مدمج فى التابلوة

الكلمات الدلالية لهذا الموضوع

المفضلات

المفضلات

ضوابط المشاركة